• Mirësevini tek Forumi Virtual

    Nëse ju shfaqet ky mesazh do të thotë se ju nuk jeni regjistruar akoma. Edhe pse nuk jeni regjistruar ju arrini të shihni pjesën me të madhe të seksioneve dhe diksutimeve të forumit, por akoma nuk gëzoni të drejten për të marrë pjesë në to dhe në avantazhet e të qënurit anëtar i këtij komuniteti.

    Regjistrimi është plotësisht falas në komunitetin tonë, pasi të regjistrohesh do të gëzosh shumë të drejta si të japesh mendimin tënd në një diskutim, të hapësh një diksutim tëndin, të komunikosh me anëtarët e tjerë të komunitetit në mënyrë private, të marësh pjesë dhe të votosh në konkursin e poezisë dhe të fotografisë dhe shumë opsione të tjera... duke përdorur mënyrën më të thjeshtë dhe të sigurtë për tu rregjistruar
    GOOGLE Microsoft Yahoo

    Për cdo problem mos hezitoni të na " KONTAKTONI ".

10 perandoritë më të fuqishme të botës

NeVertiti

Kohe & Stine
Staf në FV.AL
Vendndodhja
Pertej Horizontit
10 perandoritë më të fuqishme të botës

Perandoria me shtrirjen më të madhe në historinë e njerëzimit ishte ajo britanike, e ndjekur nga ajo mongole. E qeverisur nga Mbretëria e Bashkuar, përfshinte koloni dhe territore në të gjithë 5 kontinentet



Historia e perandorive më të mëdha të së shkuarës paraqitet gjithnjë mjaft tërheqëse dhe është e natyrshme që të tentosh t’i vësh përballë njëra me tjetrën. Këtë gjë u përpoq që ta bënte edhe “Just The Flight”. Më poshtë janë 7 perandoritë më të fuqishme përgjatë historisë së botës.

Perandoria britanike (1583 – 1997)

Kjo është perandoria me shtrirjen më të madhe në historinë e njerëzimit. E qeverisur nga Mbretëria e Bashkuar, përfshinte koloni dhe territore në të gjithë 5 kontinentet. Kjo perandori ra në 1997, me dorëzimin e kolonisë së Hong Kong-ut, Kinës.

Perandoria mongole (1206-1368)

Nëse e konsiderojmë një territor të plotë e me kufi të vetëm, perandoria mongole është më e madhja e të gjitha kohërave. Ajo u krijua me goditje heshtash e shtizash nga kalorës nomadë të egër e frikshëm. Ata nuk e kishin qejf luksin e pallateve dhe parapëlqenin që të rrinin nëpër tenda e të ushqeheshin me qumësht pele. Udhëheqësi i parë i tyre, Gengis Khan-i, u bë edhe një nga njerëzit më të pasur të historisë. Perandoria e tij u shtri nga Kina në Rusi, deri në Lindjen e Mesme dhe Europën orientale.

Perandoria persiane (550 p.e.s – 330 p.e.s)

Persianët me dinastinë e Achemenidi-t, ishin superfuqia e parë e antikitetit. Aspak gjakatarë, edhe pse legjenda thotë se ata u treguan mizorë ndaj grekëve, e bazuan fuqinë e tyre te ushtria e organizuar, liria fetare dhe infrastruktura.

Perandoria romake (27 p.e.s- 476)

E krijuar me Augustin përpara 2 mijë vjetëve, dominoi Perëndimin për gati katër shekuj, duke arritur shtrirjen më të madhe me Trajanin.

Kalifati omayade (661-750)
Falë dinastisë omayade, kalifati u shtri deri në Spanjë në veri dhe Kaukaz në lindje. Edhe pse ishte perandori myslimane, liria fetare qe thuajse gjithnjë e lejuar.

Perandoria karolinge (800-888)
E lindur nga rrënojat e perandorisë romake, ishte bërthama e parë e perandorisë të shenjtë romake. Themeluar nga Karli i Madh, i kurorëzuar perandor në natën e Krishtlindjeve të 800-ës në Shën Pjetër, nisi të fragmentarizohej plotësisht me vdekjen e Karlit të Shëndoshë, karolingu i fundit në 888.

Perandoria spanjolle (1492-1975)

Filloi me zbulimin e Amerikës nga Kristofor Kolombi. Fillimisht mbretëritë të cilat financuan ekspeditat e detarit, nuk e bënë për të zbuluar botë të reja, por për të gjetur rrugë të reja detare që mundësonin shkëmbimet tregtare pa ndërmjetësimin e turqve dhe të venecianëve. Më pas, Spanja dhe Portugalia e rritën dëshirën për të dominuar territore. Në 1494 me traktatin e Tordesilas, u ndanë edhe territoret mes tyre.

Perandoria portugeze (1450-1999)
Me transferimin e sovranitetit të Makaos te Kina në vitin 1999, ra edhe perandoria e fundit në planet, ajo portugeze. Ndryshe nga ajo spanjolle që mori fitime të mëdha duke u grabitur arin mbretërive para-kolombiane, ajo portugeze akumuloi fitime falë rrugëve tregtare me Lindjen.

Perandoria osmane (1299-1922)
Kjo ka qenë një nga perandoritë me shtrirje dhe që mbijetoi më shumë sesa të tjerat, rreth 623 vite. Në kulmin e saj, e drejtuar nga Sulejmani i Madhërishëm, ishte një nga shtetet më të fuqishme të botës, një perandori multietnike, multikulturore dhe multigjuhësore. Ajo shtrihej nga kufijtë jugorë të perandorisë së shenjtë romake, në periferi të Vjenës dhe Polonisë në veri, deri në Jemen dhe Eritre në jug dhe nga Algjeria në perëndim, deri në Azerbajxhan në lindje. Për mbi 5 shekuj pati një kontroll të madh në Mesdhe dhe ishte në qendër të marrëdhënieve mes Lindjes dhe Perëndimit.

Perandoria ruse (1721-1917)
Zgjerimi i Rusisë nisi më 1462, kur Ivani i III mori fronin e Moskovias. Por në vitet 1700, me Pietrin e Madh, Rusia kthehet në perandori, duke hapur kufirin perëndimor. Pasi bllokoi ambiciet e Suedisë dhe kafshoi territoret kaukaziane ndaj otomanëve, Rusia mori kontrollin e Polonisë dhe Ukrainës. Kulmi i perandorisë që në 1866, përpara se t’i jepte Alaskën, SHBA-së. Në 1917, pas një lufte të përgjakshme, shumica e territorit i kaloi ish Bashkimit Sovjetik.

Përgatiti: Irgis Hysenaj
g.shqip
 
Top