• Mirësevini tek Forumi Virtual

    Nëse ju shfaqet ky mesazh do të thotë se ju nuk jeni regjistruar akoma. Edhe pse nuk jeni regjistruar ju arrini të shihni pjesën me të madhe të seksioneve dhe diksutimeve të forumit, por akoma nuk gëzoni të drejten për të marrë pjesë në to dhe në avantazhet e të qënurit anëtar i këtij komuniteti.

    Regjistrimi është plotësisht falas në komunitetin tonë, pasi të regjistrohesh do të gëzosh shumë të drejta si të japesh mendimin tënd në një diskutim, të hapësh një diksutim tëndin, të komunikosh me anëtarët e tjerë të komunitetit në mënyrë private, të marësh pjesë dhe të votosh në konkursin e poezisë dhe të fotografisë dhe shumë opsione të tjera... duke përdorur mënyrën më të thjeshtë dhe të sigurtë për tu rregjistruar
    GOOGLE Microsoft Yahoo

    Për cdo problem mos hezitoni të na " KONTAKTONI ".

Diabeti, epidemia e mijëvjeçarit të tretë

braziljania

Anëtar i Nderuar
Diabeti është çrregullimi i metabolizmit që reflektohet në paraqitjen e sasisë jonormale të glukozës në gjak, si pasojë e rezistencës së qelizave të gjakut ndaj insulinës, apo si pasojë e sasisë së vogël të insulinës së sekretuar nga pankreasi. Janë dy gjendje që mund të shkaktohet nga diabeti i sheqerit (diabetes mellitus), hiperglicemia (niveli i lartë i glukozës) dhe hipoglicemia (niveli,i ultë i glukozës).
Për këtë në 12 Nëntor të vitit të kaluar u mbajt kongresi i 50 i Ditës së diabetit në të cilin u mbajt në fushatë sensibilizuese për mbledhjen e fondeve. Diabeti është një epidemi e cila kohët e fundit po shfaqet në mjaft raste edhe pse mjekët janë gjithmonë të angazhuar me trajtimin e saj. Në mjekësi Diabetes mellitus,i cili në Shqipëri njihet edhe si “sëmundja e sheqerit” është emërtimi për një grup sëmundjesh të shkëmbimit të lënëve dhe përshkruan shenjat kryesore dhe prejardhjen e tyre si: jashtëqitja e sheqerit në urinë. Ne gjuhën mjekësore është një përcaktim për trazime të ndryshme të shkëmbimit të lëndëve, shfaqja e të cilit është një sasi e tepërt sheqeri në gjak. Shkaku është ose në mangësinë e insulinës, një insulinë ndjeshmëri (insulinë rezistence) ose të dyja. Sipas shkakut ka lloje të ndryshme diabeti, që sidoqoftë kanë lidhje të përbashkëta. Llojet me të zakonshme janë:
- diabetes mellitus tip I, quhej më parë fillim diabeti të rinjsh ose diabetes mellitus insulinë mvartës dhe karakterizohet nga rënia ose mungesa e prodhimit të insulinës.
- diabetes tip II, quhej më parë fillim diabeti të rriturish, diabet që lidhet me dhjamosjen e njeriut, ose diabetes mellitus joinsulinor mvartës, që karakterizohet nga rezistenca, qëndrueshmëria e indeve trupore kundër veprimit insulinor, megjithëse zvogëlon tretjen e insulinës mund të ndodhë edhe bashkëjetesa me të. Por skenari i realizuar nuk është nga më inkurajuesit. Në Itali diabeti prek 5-6 për qind të popullatës, ndërkohë që vetëm para dhjetë vjetësh prekte 4 persona në 100. Në botë janë rreth 230 milionë persona të prekur nga kjo sëmundje, dhe pritet që brenda 20 vjetëve të ardhshme kjo shifër të arrijë në 350 milionë. Një situatë e vështirë, krijuar nga fakti se taksa e diabetit po rritet së tepërmi edhe në vendet në zhvillim, në të cilat përmirësimi i kushteve të jetesës nuk është akoma në nivelin e duhur. Edhe në vendet e zhvilluara diabeti regjistrohet në taksat me rritje më të përshpejtuar dhe përmasat për ta sensibilizuar nuk janë gjithmonë të mjaftueshme. Prandaj shpenzimet për kurimin e diabetit duhet të kenë edhe një mbështetje qeveritare nga e cila nevojitet 6 për qind e shpenzimeve qeveritare kombëtare. Mbi të gjitha duhet realizuar një mënyrë efikase për ta luftuar sëmundjen. Së pari duhet rrënjosur kultura e praktikimit të sporteve të ndryshme për të pasur një shëndet sa më të plotë. Por kjo dëshirë për sportin duhet të “kultivohet” te njeriu duke filluar nga institucionet me të afërta: familja dhe shkolla. Por mjekët specialistë kanë paraqitur katër prioritete, të qarta dhe esenciale, në luftën kundër diabeti: trajtimi mjekësor në të gjithë rajonet është i nevojshëm të jetë i njëtrajtshëm; po ashtu është i domosdoshëm edhe një impenjim ekonomik për realizimin e kërkimeve në këtë fushë; si dhe një staf i specializuar mjekësh dhe infermieresh në trajtimin e diabetit. E rëndësishme është të realizohet një liberalizim dhe shpërndarje e mjaftueshme e insulinës, e cila është shumë e rëndësishme për të shpëtuar jetën e një të sëmuri me diabet. Por kjo privohet nga fuqia ekonomike dhe financiare e një vendi, sepse pa financimet e duhura nuk mund të realizohet kjo politikë e cila kërkon përgjegjësi të mëdha. Diabeti përveç se është në problem i madh shëndetësor, është dhe një problem shoqëror dhe për këtë është e nevojshme një përfshirje e krejt popullatës, përfshirë dhe punën e madhe të personelit mjekësor. Lufta ndaj diabetit është një nga sfidat m delikate që bota mjekësore dhe politike duhet të përballojë. Fjalët në të cilat kjo sfidë duhet të mbështetet janë: racionalitet dhe mirëinformim. Vetëm në sajë të sensibilizimit të detajuar të sëmundjes që në vitet e para të jetës është e mundur që një jetë e shëndetshme dhe aktive, t’u bëhet njerëzve një zakon, një mënyrë të sjelluri.
 

braziljania

Anëtar i Nderuar
Këshilla

Pasojat që shfaqen te pacientët të cilët nuk e kanë mbajtur nën kontroll nivelin e glukozës në gjak:

1- Probleme me këmbët, në disa raste të shfaqura, gangrena e cila shpie edhe deri te amputimi i këmbës.
2- Nefropati, ka të bëjë me sëmundje të veshkës
3- Probleme me shikimin, në disa raste deri në verbim të plotë
4- Komplikacione në sistemin kardio-vaskular, duke rritur mundësitë për zhvillim të sëmundjeve të zemrës apo infarkt.

Diabeti i sheqerit

Diabeti i sheqerit është një sëmundje endokrino-metabolike, që ka të bëjë me mënyrën se si organizmi ynë e përpunon sheqerin i cili merret me ushqimet e ndryshme.Defekti qëndron në pamundësinë e insulinës, për të mbajtur nivelin e sheqerit në gjak ne vlerat normale. Kur sheqeri është me tepricë në gjak, shfaq simptoma të ndryshme si etje, shtim oreksit, shtim në peshë, nevojë për urinim të shpeshtë, lodhje të shpejtë, ulje të vëmendjes dhe perqëndrimit, si një dobësi të përgjithshme. Këto simptoma nuk është e thënë të jenë të gjitha të pranishme tek një pacient me diabet. Ato mund të jenë të veçuara dhe në shkallë të ndryshme të intensitetit të tyre. Diabeti ndahet në dy tipa, në varësi të moshës së pacientit ku shfaqet sëmundja: në tipin I ai shfaqet në moshat midis 0-40 vjec dhe tipi II kur shfaqet mbi moshën 40 vjec.

Mungesa e insulinës sjell diabetin mellitus

Rreth 1 milionë vetë në Shtetet e Bashkuara vuajnë nga diabeti mellitus, i cili ka të bëjë me rënien ose mungesën e prodhimit të insulines. Ky lloj diabeti mund të bëhet i vështirë për t’u trajtuar pasi kërkon kontroll të kujdesshëm të nivelit të sheqerit në gjak dhe injeksione të vazhdueshme me insulinë. Por një procedurë e re ofron premtime për zmbrapsjen me sukses të diabetit të tipit 1, pra diabeti mellitus. Shenjat e sëmundjes janë hipoglicemia e papritur që do të thotë se organizmi nuk është në gjendje të paralajmërojë kur sheqeri në gjak arrin në nivele tepër të ulta. Kjo bën që i sëmuri papritur të humbasë ndjenjat. Organizmi i njerëzve me diabet të tipit 1 nuk është në gjendje të përftojë qeliza që e bëjnë insulinën të kontrollojë nivelet e sheqerit në gjak. Transplantimi i qelizave që bëjnë insulinën të kontrollojë nivelet e sheqerit në gjak zgjat afro 30 minuta.

Qumështi i gjirit dhe diabeti

Sipas një studimi të këtyre ditëve, ushqimi i foshnjave me qumësht gjiri ndihmon jo vetëm për mirërritjen e tyre, por edhe për pakësimin e rrezikut të diabetit tek nënat. Sipas Alison Stuebe, mjeke pranë spitalit Brigham, "ushqimi i foshnjeve me qumësht gjiri për një vit ul 15 përqind rrezikun e prekjes së nënave nga diabeti". Në një studim të kryer pranë spitalit Brigham morën pjesë 150 gra. Aty u theksua se, nëse një nënë ka dy fëmijë dhe që të dy i ushqen me qumësht gjiri derisa secili prej tyre të bëhet 1 vjeç, kjo nënë e ul me 30 përqind rrezikun e prekjes nga diabeti.Mbipesha trupore është një nga shkaktarët e diabetit dhe shkencëtarët mendojnë se përdorimi i qumështit të gjirit parandalon mbi peshën trupore tek nënat, sepse çdo nënnë përdor 500 kalori në ditë për të ushqyer fëmijën e saj me qumësht gjiri.

Si ndikon depresioni tek të sëmurët me diabet

Diabetikët që vuajnë nga depresioni, e kanë më të vështirë të mbajnë nën kontroll nivelin e sheqerit në gjak. Sipas mjekëve për të luftuar këtë sëmundje të sëmurëve u rekomandohet çaji i rozmarinës, i cili ndihmon në lehtësimin e gjendjes së rëndë shpirtërore. اaji i përftuar nga zierja e gjetheve të rozmarinës ka dhënë rezultate të shkëlqyera edhe te personat, që vuajnë nga tensioni i lartë. Për këta të sëmurë rekomandohet që gjatë kohës së rritjes së tensionit, të pijnë menjëherë një gotë me çajin e përftuar nga bima dhe rezultatet do të jenë të menjëhershme. Kjo bimë është e njohur edhe në ndihmesën ndaj rritjes së aktivitetit të trurit dhe forcimit të kujtesës. اaji i rozmarinës ndihmon mjaft në pastrimin e rrugëve të frymëmarrjes. Efekte të menjëhershme ka dhënë ky çaj te personat me grip, të shoqëruar me rrufë.



Marre nga: TiranaObserver
 

braziljania

Anëtar i Nderuar
Lidhjet e diabetit me depresionin

Një studim i ri vendos lidhjen midis diabetit dhe depresionit. Studimi i kryer nga shkencëtarët pranë universitetit Xhons Hopkins në Meriland, thotë se njerëzit që vuajnë nga depresioni kanë më shumë gjasa të preken nga diabeti dhe anasjelltas.

Shkencëtarët pranë shkollës mjekësore të universitetit Xhons Hopkins në Baltimor thonë se disa pacientë mund të kenë nevojë të trajtohen njëkohësisht për diabet e depresion. Kjo për arsye se gjatë studimit ata gjetën një lidhje midis këtyre dy sëmundjeve.

Mjekja Sherita Golden dhe një grup shkencëtarësh vëzhguan 5 mijë pacientë për një periudhë 3 vjeçare. Ata vunë re se pacientët që nuk flinin mirë ose nuk kishin oreks, të gjitha këto simptoma të depresionit, ishin më në rrezik të prekeshin nga diabeti sesa të tjerët pa këto simptoma. Mjekja Golden thotë se depresioni duket se i parandalon njerëzit për t'u kujdesur për shëndetin e tyre. Ajo thotë se personat që vuanin nga depresioni tregohen më pak aktivë dhe hanë më shumë se ç'duhet. Këto qëndrime shtojnë rrezikun e zhvillimit të diabetit të tipit 2.

Gjatë studimit, shkencëtarët gjithashtu vunë re se personat me diabet të tipit 2 ishin më shumë në rrezik të prekeshin nga depresioni sesa ata që nuk vuanin nga diabeti. Rozalin Terborgpen ka vite që vuan nga diabeti dhe vazhdimisht kontrollon rregullisht nivelin e sheqerit në gjak dhe merr insulinë. Nga gjithë kjo, ajo ndjehet e lodhur e munduar dhe shpesh bie në dëshpërim e nuk ka vullnet të bëjë asnjë veprim

Mjekja Golden thotë se persona të tillë që trajtohen për diabet janë më në rrezik të preken nga depresioni dhe kur preken, kjo gjendje ndikon në aftësitë e tyre për të luftuar diabetin.


VOA News - Studim mbi gjumin e fëmijëve. Lidhjet e diabetit me depresionin
 

sweetzzinna

Dum spiro, spero くる
Titulli: Diabeti, epidemia e mijëvjeçarit të tretë

Vitamina K dhe diabeti

Vitamina K mund ta pengojë zhvillimin e pandjeshmërisë në insulinë te meshkujt e moshuar dhe në këtë mënyrë mund të ofrojë mbrojtje nga sëmundja e sheqerit.
Në një studim, ku kanë marrë pjesë mbi 350 persona të shëndoshë, meshkuj dhe femra, të moshave ndërmjet 60 dhe 80 vjeç, është treguar se meshkujt të cilët kanë marrë preparate të vitaminës K kanë reaguar shumë më mirë në insulinë, në krahasim me femrat dhe meshkujt tjerë që kanë marrë placebo.

Shkencëtarët mendojnë se ky ndikim pozitiv i vitaminës K ndodh falë vetive të saja anti-inflamatore.
Disa burime të vitaminës K: spinaq, brokoli, lakër, lulelakër, avokado, kivi, mishi, vezët, produktet djathore etj.
 

sweetzzinna

Dum spiro, spero くる
Titulli: Diabeti, epidemia e mijëvjeçarit të tretë

Kujdes nga diabeti!

Rrallë ndonjë sëmundje tjetër në dukje kaq “e butë” krijon ndërlikime kaq të shumta e të rënda sa diabeti. Rrallë ndonjë sëmundje tjetër sa ai arrin të prekë e të dëmtojë aq heshtazi e ngadalë thuajse të gjitha organet kryesore te trupit pa përjashtim dhe sidomos enët e gjakut duke krijuar aksidente kaq dramatike e madje tragjike. اudia është se vetëm pak të sëmurë me diabet e dinë këtë të vërtetë dhe akoma më të paktë janë ata që e besojnë. Diabeti arrin mjaft shpesh t’i mashtrojë viktimat e tij. Si, në ç’mënyrë?
Së pari: Prej mosdijes, mosnjohjes së tij ! Shumë të sëmurë nuk e dinë që diabeti krijon ndërlikime. Nuk i njohin ato, madje dhe kur vuajnë prej tyre, nuk u shkon mendja t’i lidhin me të.

Së dyti: gënjehen nga forma apo paraqitja e “butë“ e diabetit. Ata kujtojnë se vetëm diabeti i “rëndë” “ai që mjekohet me insulinë” është i rrezikshëm, kurse diabeti “i lehtë” pa shenja, me glicemi jo shumë të lartë (që mjekohet me dietë ose hapa) është jo i dëmshëm”.

Rreziqet reale të diabetit
Diabeti i pamjekuar ose i mjekuar keq krijon në mënyrë të sigurt ndërlikime. Ato janë të shumëllojshme. Sipas kohës së shfaqjes mund të ndahen në ndërlikime të mprehta (akute, urgjente të shpejta), të cilat do t’i përshkruajmë pas kapitullit të mjekimit, dhe në ndërlikime të largëta, apo të ngadalshme, të cilat mund të grupohen në tri kategori të ndryshme, si më poshtë:

1. Ndërlikime që shfaqen në enët e imta të gjakut, në kapilarët e arteriet me kalibër shumë të vogël.
2. Ndërlikime aterosklerotike në enët e gjakut me kalibër të madh.
3. Infeksione e dëmtime në inde e organe të ndryshme të organizmit.
 

sweetzzinna

Dum spiro, spero くる
Titulli: Diabeti, epidemia e mijëvjeçarit të tretë

Ndërlikimet që krijohen nga dëmtimet e kapilarëve të gjakut dhe arterieve të vogla
Janë më karakteristike e më tipiket për diabetin. Ato shfaqen zakonisht 3-10 vjet pas fillimit të tij, por vetëm në ato raste kur mjekimi nuk është bërë në mënyrë të kujdesshme e të vazhdueshme.
Sa më i vjetër të jetë diabeti, sa më shumë vjet të jetë i sëmuri me hiperglicemi, sa më e lartë të jetë niveli i saj pra sa më i çrregulluar të jetë diabeti, aq më të shpeshta , më të përhapura e më të rënda do të jenë këto dëmtime.
Preket e dëmtohet sidomos i tërë rrjeti kapilar, i cili është i përhapur në të gjitha pjesët sado të vogla të organizmit, në të gjitha organet, duke shkaktuar çrregullime në funksionin e tyre.

Ndërlikimet në sy, të shikimit
Së pari, këto dëmtime shfaqen e vërehen në kapilarët brenda syrit, pikërisht në atë shtresë të tij që quhet retinë. Kjo është një cipë shumë e hollë në fund të syrit që luan rolin vendimtar për shikimin e fotografimin e objekteve.
Kapilarët e retinës, nën ndikimin e hiperglicemisë kronike shumëvjeçare, deformohen, mbyllen, çahen, lëshojnë brenda në sy lëngje dhe hemorragji, të cilat cenojnë retinën e dëmtojnë pamjen, deri në verbim të plotë.

Ky ndërlikim quhet retinopatia diabetike dhe është ndër ndërlikimet më të hershme e më të shpeshta të tij. Fatmirësisht ai nuk zhvillohet për një ditë dhe as për një vit. Duhen vite të tëra që retina të arrijë të prishet e të humbasë pamjen. Zbulimi i dëmtimeve fillestare që quhen mikroaneurizma arrihet me një kontroll fare të thjeshtë të fundit të syrit nga mjeku okulist. ثshtë koha që gjithçka mund të ndreqet.
 

sweetzzinna

Dum spiro, spero くる
Titulli: Diabeti, epidemia e mijëvjeçarit të tretë

I vetmi “ilaç” për të mjekuar retinopatinë sidomos në fazat e fillimit, është mjekimi korrekt e shembullor i diabetit, normalizimi me fanatizëm i glikemisë. Po nuk u bë kjo, sytë janë në “dorë të fatit”.

Përveç mjekimit të mirë të diabetit, ata duhet të kenë kujdes të mos përdorin asnjë ilaç të rekomanduar për arsye të tjera pa u konsultuar me mjekun diabetolog.
Të sëmurët që kanë shenja hemorragjie në retinë duhet, përveç diabetit, të kontrollojnë vazhdimisht tensionin arterial, ta mbajnë atë gjithmonë në shifra normale e po qe i lartë të përdorin patjetër mjekim të vazhdueshëm për ta ulur e normalizuar.
Ata duhet të kenë kujdes të mos përdorin pa pyetur mjekun ilaçe të tilla si aspirina e të tjera, që shtojnë hemorragjinë e po kështu të kenë kujdes të mënjanojnë shtrëngimet gjatë të dalurit jashtë, kollitjen e fortë, teshtimat që mund të rëndojnë hemorragjinë.
Mire është që i njëjti okulist i zgjedhur ta ndjeke dinamikën e ndryshime në mënyrë periodike nga vitit në vit dhe të krijojë lidhje e bashkëpunim me mjekun që kuron diabetin e të sëmurit.

Nga ana tjetër mjeti mjaft efektiv për t’i mbrojtur e mjekuar të sëmuret me retinopati diabetike relativisht të avancuar prej verbimit është aparati i posaçëm me rreze laseri.

Duhet patur parasysh që përveç dëmtimeve të kapilarëve retinalë diabeti mund të krijojë në sy dhe ndërlikime të tjera, si infeksione, rritje të presionit brenda syrit (glaukoma) dhe sidomos zhvillimin që në moshë të re të perdes (kataraktit).
Veç këtyre tek te sëmurët me diabet mund të ndodhin turbullime dhe deri humbje të papritura të pamjes. Por ato janë kalimtare jo nga retinopatia por të lidhura me luhatjet e mëdha e të befta ditore të nivelit të glicemisë.
Edhe këto ndërlikime janë pasojë e mosmjekimit dhe e ekuilibrit të keq të diabetit, pasojë e hiperglicemisë së pamjekuar ose të lënë pas dore.
 

sweetzzinna

Dum spiro, spero くる
Titulli: Diabeti, epidemia e mijëvjeçarit të tretë

Ndërlikimet ne veshka
Në veshka bëhet filtrimi i vazhdueshëm i gjakut. Me anë të këtij filtrimi organizmi eliminon e flak jashtë në urinë, tërë helmet, mbeturinat e “skorjet” që nxjerrin “makineritë” qelizore gjatë punës së tyre.
Diabeti si pasoje e hiperglicemisë të vazhdueshme për një kohë të gjatë dhjetëra vjeçare mund të dëmtohen kapilarët e hollë të glomerulave dhe kështu pengohet filtrimi dhe funksionimi i veshkës në tërësi. Ky ndërlikim quhet nefropatia diabetike.
Nefropatia, sidomos në fazat e përparuara të saj, kur thuajse bllokohet filtrimi është një ndër ndërlikimet më të rënda e tragjike të diabetit. Për fat të keq me gjithë progresin në mjekimin e diabetit ky komplikacion dramatik vazhdon te mbetet mjaft i shpeshte.
Vetë fillimi i retinopatisë është sinjal i parë alarmi që dëshmon se procesi i dëmtimit të kapilarëve tashmë ka filluar dhe asgjë s’garanton që ai nuk do të prekë e shtrihet edhe në kapilarët e veshkave.
Në këtë fazë të parë të hershme avancimi mund të parandalohet me efikasitet thjesht me mjekimin e saktë të diabetit. Dëmtimi që zhvillohet në ta nuk “dhëmb”.
Prandaj jo rrallë procesi përparon derisa shfaqet një sinjal i dytë. Ky sinjal vjen tashmë nga veshkat e dëmtuara: në urinë shfaqet mikroalbumina.
ثshtë akoma koha kur keqësimi i mëtejshëm i gjendjes mund të pengohet vetëm me një masë të thjeshtë, ekuilibrimin e mirë e të qëndrueshëm të diabetit dhe me luftimin e disa faktorëve të tjerë rëndues të tillë si duhani, dhe sidomos normalizimi i tensionit të lartë të gjakut.

Rritja e presionit të gjakut që shfaqet që në fazat e para kërkon kufizimin e rreptë të kripës në ushqim dhe mjekim të veçantë e energjik, kundra tensionit.
Përkundrazi ata që bëjnë mjekim të çrregullt dhe formal shkojnë drejt shfaqjes së edemave (ënjtjes), dëmtimeve të rënda të funksionit të veshkave, me rritje të shifrave të azotemisë dhe kreatinemisë, të cilat kërkojnë domosdoshmërisht mjekim të specializuar, të ndërlikuar e tepër të shtrenjtë deri me përdorimin e aparateve të dializës së veshkave dhe transplantimin e tyre.
 

sweetzzinna

Dum spiro, spero くる
Titulli: Diabeti, epidemia e mijëvjeçarit të tretë


Veshkat te një i sëmurë me diabet mund të dëmtohet paralelisht dhe nga infeksionet e rrugëve urinare që janë veçanërisht të shpeshta në ata që kanë glukozë në urinë.
Prandaj është e domosdoshme të kontrollohet periodikisht një herë në 2-3 muaj analiza e urinës, si për albuminë e elemente të tjerë, ashtu dhe mbjelljen e saj (analiza e urokulturës) për të zbuluar infeksionet e mundshme te fshehura.

Një vend të veçantë në këto dëmtime zënë dhe ndërlikimet që krijohen nga gurët dhe rëra që prodhohen më shumë e me lehtë nga veshkat e diabetikëve, si pasojë e rritjes së acidit urik në gjak.
 

sweetzzinna

Dum spiro, spero くる
Titulli: Diabeti, epidemia e mijëvjeçarit të tretë

Ndërlikimet nervore
Në dëmtimet e rrjetit kapilar me rëndësi të veçantë janë dhe neuropatitë e diabetit që përfaqësojnë dëmtim e vuajtje të nervave nga kjo sëmundje.
Prekja e sistemit nervor mund të jetë shumë më e gjerë, njëhershmi në nervat periferike ashtu dhe në nervat e organeve të brendshme.
E para, shfaqet në formë dhimbje, mpirje, ç’pimje e djegie në formë neuriti. Ulet ndjeshmëria ndaj të ftohtit, të nxehtit e dëmtohen reflekset. Një nga shenjat karakteristike është djegia e shputave të këmbës (sikur u ke rënë me hithra), sidomos në orët e natës.
Në faza më të avancuara nervat dëmtohen aq shumë sa bëhen të pandijshëm, nuk përcjellin dot as dhimbjen as të nxehtin, të ftohtin apo prekjen. Kjo krijon një ndërlikim me rrezik të jashtëzakonshëm për dëmtimin dhe çfaqjen e gangrenës në këmbë, që njihet me emrin këmba diabetike.
Dëmtimi i nervave ndodh jo vetëm tek ato te ekstremiteteve por edhe nervave të organeve të brendshme. Ato mund t’u shkaktojnë uljen e papritur të tensionit arterial, me ndjenjë të fikti në çastin kur ngrihen nga shtrati në këmbë. Tek burrat çrregullohet rëndë funksioni seksual, me ulje të dëshirës seksuale deri në impotencë.
Mund të shfaqen çrregullime të urinimit (mbajtja e tepruar urinës në fshikëz, mos zbrazja ne kohe e saje), çrregullime të stomakut me anoreksi dhe vjellje e sidomos diare (heqje barku), daljet e shpeshta jashtë, të cilat përsëriten shumë herë gjatë ditës, por karakteristike është që ato theksohen e bëhen më tepër shqetësuese e gati torturuese gjatë orëve të natës.

Ilaçet kundër dhimbjeve, vitaminat, ilaçet për uljen e tensionit, ato për nxitjen e fuqizimin e funksionit seksual, ato kundër diarresë etj. nuk japin asnjë efekt konkret, shërues në qoftë se nuk arrihet më parë normalizimi i glikemisë gjatë orëve të ditës e të natës për shumë muaj e vite me radhë.
 

sweetzzinna

Dum spiro, spero くる
Titulli: Diabeti, epidemia e mijëvjeçarit të tretë

Ndërlikimet arteriale të zemrës dhe trurit
Arterioskleroza është një proces që krijohet nga ndikimi i përbashkët dhe nga mpleksja e një sërë faktorësh favorizues, si dhjamosja e tepërt, tensioni i lartë i gjakut, yndyrat e tepërta në gjak, nikotina e duhanit, emocionet e ankthi i vazhdueshëm, puna ndenjur, jeta pa lëvizje fizike, trashëgimia etj.

Diabeti dhe arterioskleroza janë dy sëmundje njësoj tinzake dhe të rrezikshme, sepse për një kohë të gjatë të dyja rrinë të fshehura e të heshtura. Në diabet rritet sheqeri në gjak, ai dëmton për vite me radhë kapilarët e gjakut, por as ndihet e as dhemb.
Tre janë aksidentet më të shpeshta e më të rënda arteriosklerotike që ndodhin te diabetikët e mjekuar keq:

1. Infarkti i miokardit (nga bllokimi i arterieve që furnizojnë me gjak muskulin e zemrës).
2. Tromboza apo hemorragjia cerebrale (nga bllokimi apo çarja e arterieve që furnizojnë trurin).
3. Gangrenat në këmbë (nga bllokimi i arterieve që furnizojnë gjymtyrët e poshtme).

Në qoftë se pyesim diabetikun që pëson infarkt të miokardit do të zbulojmë se aksidenti s’ka ardhur aspak papritur, por përkundrazi, ka dhënë gjatë një kohe relativisht të gjatë një sërë sinjalesh që i sëmuri s’ka ditur t’i deshifrojë, ose s’i ka vënë fare në hesap.

Një nga këto është dhimbja e fortë shtrënguese që shfaqet në gjoks për fare pak minuta dhe që kalon vetvetiu. Atë çast të sëmurit sikur i bllokohet frymëmarrja. Mund të ketë pak djersë, mpirje të krahut të majtë.
 

sweetzzinna

Dum spiro, spero くる
Titulli: Diabeti, epidemia e mijëvjeçarit të tretë

Por gjithçka kalon shpejt, vetvetiu, pa asnjë mjekim Ajo përsëritet prapë, një herë, dy herë, mbase shumë herë, por zakonisht ndodh kur ngjit shkallët, kur vrapon, kur ecën kundër erës. I sëmuri qëndron, çlodhet pak dhe ajo kalon. Ajo shfaqet kur flet gjatë, pas emocioneve. Më pas dhe në qetësi, në gjumë, pas të ngrënit. Dhe sëmundja përparon. Ai vazhdon t’i justifikojë, t’i shpjegojë ashtu siç do vetë, ndërsa për mjekun këto shenja përbëjnë tashmë një diagnozë. Ajo quhet angina pectoris.
Sinjalet e mësipërme dëshmojnë se muskulit të zemrës nuk i shkon gjak sa duhet, sepse tubi i arterieve është ngushtuar nga brenda prej pllakave arteriosklerotike. Sëmundja e arteriosklerozës, pra, është zhvilluar.

اdo diabetik, pavarësisht nga forma e diabetit apo mjekimi që përdor, sidomos kur kalon moshën 40 vjeç, e ka të domosdoshme të bëjë përpara se të jenë shfaqur shenjat e stenokardisë një kontroll me anën e një prove më të saktë: regjistrimin e elektrokardiogramës pas një ushtrimi fizik

Të njëjtat gjëra dalin po të pyesim dhe të hetojmë diabetikët që bëjnë aksidente në arteriet cerebrale (trombozë apo hemorragji të tyre). Këto aksidente jashtëzakonisht të rënda vënë në rrezik jetën e të sëmurit dhe, në rastet që kalojnë mirë, lënë prapëseprapë pasoja (paraliza) apo një sërë defektesh të tjera.
Shenja të tilla janë: mpirje e lehtë në gjymtyrët e një ane, mpirje e buzës apo e gjuhës, marrje mendsh vetëm për pak çaste, ndjenjë boshllëku (humbjeje), vështirësi në të folur vetëm për pak çaste, zhurmë në veshe të shoqëruar apo jo me përzierje të lehtë, humbje për një çast të shikimit, miza të ndritshme para syve, dhimbje koke e përqendruar vetëm në një anë, pasiguri në ecje (sikur shkel në boshllëk, por për pak çaste) e të tjera.

Kujdesi për këmbët, mjekimi korrekt i diabetit, lënia e duhanit dhe ecja e përditshme me karakter ushtrimor janë të vetmet mënyra efikase për t’u mbrojtur nga gangrena dhe dëmtimet e tjera të qarkullimit.
 
Last edited by a moderator:

sweetzzinna

Dum spiro, spero くる
Titulli: Diabeti, epidemia e mijëvjeçarit të tretë

Ndërlikimet infeksioze të diabetit
Diabeti mund të fshihet pas infeksioneve të përsëritura të tilla si infeksione të tjera qelbëzuese të lëkurës, infeksione urinare (me ose pa djegie gjatë urinimit), turbekuloz, infeksione në organet gjenitale, mukoza (që shfaqet me të kruara të “vetes”), infeksione të mishrave të dhëmbëve, të bajameve, sinuzite e sëmundje të gojës në përgjithësi, infeksione të mushkërive, bronkeve, rrugëve të tëmthit, të thonjve të këmbëve etj.
Diabetikët janë më “delikatë”, ftohen më lehtë, u ngjitet shpejt rrufa, infeksionet e ndryshme virusale dhe gjithë sëmundjet infektive në përgjithësi.

Nga ana tjetër, të sëmurët që e dinë se vuajnë nga diabeti, duhet të kenë kujdes të veçantë që të mbrohen nga infeksionet, sepse këto çrregullojnë rëndë diabetin. Mbrojtja arrihet thjesht me anë të tre masave paraprake:
Së pari: respektimi i rregullave të higjienës së trupit (higjiena e lëkurës së duarve, dhëmbëve, thonjve, e këmbëve, e organeve gjenitale), ruajtja nga lagështia, të ftohtit, korentet e erës etj.
Së dyti: vaksinimi i rregullt kundër të gjitha sëmundjeve infektive duke përfshirë edhe gripin.
Së treti: mjekimi i rregullt e i përpiktë i diabetit, ruajtja e ekuilibrit të vazhdueshëm të tij.

Lufta më e mirë ndaj infeksioneve është parandalimi i tyre. Nga ana tjetër, nuk duhet shpresuar që infeksionin do ta mposhtë vetëm mjekimi me antibiotikë apo ilaçe të tjera antiinflamatore.
Që të mposhtet një infeksion në të sëmurët me diabet, përveç antibiotikëve apo ilaçeve të tjera antiinflamatore duhet bërë patjetër dhe mjekimi shembullor i diabetit, duhet të arrihet e të mbahet në mënyrë të qëndrueshme një ekuilibër i përsosur i tij.
Në qoftë se kjo nuk bëhet, infeksioni do të ngrejë kokë e do të ringjallet përsëri.

Si rregull, ata diabetikë që mjekohen me insulinë, në përshtatje me analizat duhet të rrisin dozën e saj, kurse ata që mjekohen me kokrra ose me dietë, gjatë infeksioneve, sidomos në ato që shoqërohen me temperaturë, sipas rastit përkohësisht mund te duhet të fillojnë mjekimin me insulinë.
Mos kini frikë se mësoheni me të. Pas kalimit të infeksionit dhe ekuilibrimit të diabetit, do të kalohet përsëri në mjekimin e mëparshëm.
 

sweetzzinna

Dum spiro, spero くる
Titulli: Diabeti, epidemia e mijëvjeçarit të tretë

Ushqime që mund të përdoren pa kufizim

Zarzavate
Domate, Kastravecë
Karota
Sallatë jeshile
Lulelakër
Speca
Panxhar i kuq
Qepë
Rrepë, Lakër e bardhë

Lëngjet
Ujë mineral
Ujë i gazuar
Lëngje zarzavatesh
Kafe ose çaj pa sheqer
 

sweetzzinna

Dum spiro, spero くる
Titulli: Diabeti, epidemia e mijëvjeçarit të tretë

Diabeti, në origjinë të sëmundjes qëndron kequshqyerja

Tre milionë persona janë me diabet, ndërsa tre milionë të tjerë nuk janë në dijeni që vuajnë nga kjo sëmundje. Ky është alarmi i Agjencisë Ndërkombëtare për Parandalimin e Diabetit.
اdo dy sekonda në botë shfaqet një rast i ri. Kjo është risia e fundit e diabetit të tipit 2 që ka pushtuar tokën, cilësuar ndryshe edhe si sëmundja e pleqërisë (por që në pjesën më të madhe të rasteve prek 30-vjeçarët).

Në vitin 2007, numri i diabetikëve arriti në 246 milionë, ndërsa në 2025-ën është parashikuar që kjo shifër të arrijë në 380 milionë. Por nëse llogariten prediabetikët (shenjat e para me glicemi në pamje normale), vetëm në vitin 2007 numri i tyre arrinte në 555 milionë, ndërsa në 2025-ën ai do të shkojë 789 milionë. Kjo po që është një epidemi e vërtetë.

Zakonisht kur flasim për diabetin të gjithë jemi të prirë të mendojmë se kjo anomali vjen si pasojë e mbipeshës. اdo vit nga kjo sëmundje vdesin plot katër milionë persona. Në fakt, kjo patologji nuk përfshin vetëm vendet e pasura, por edhe ato në zhvillim, veçanërisht "vendet e reja të pasura", siç janë Kina, India, Rusia, Brazili.
 

sweetzzinna

Dum spiro, spero くる
Titulli: Diabeti, epidemia e mijëvjeçarit të tretë

Dieta mesdhetare, që është edhe strategjia e duhur parandaluese, duket sikur është "braktisur" nga të gjithë. Njerëzit janë të shëndoshë sot, e diabetikë nesër, edhe pse shpesh ushqimet diabetike kushtojnë shumë më pak se ato "mbrojtëse".

Kujt duhet t‘i trembet njeriu: tërmeteve, luftërave apo sëmundjeve infektive? Njeriu i mijëvjeçarit të tretë duhet të frikësohet nga zjarri dhe diabeti. Këto janë dy "bombat" që mund të bllokojnë zhvillimin ekonomik, të varrosin bilancet, të nxisin luftëra të reja klasash: varfanjakë të uritur, pasanikë të sëmurë.

Në këtë rast, fjala e duhur do të ishte parandalimi drastik, por mesa duket media nuk është shumë e vëmendshme ndaj këtij fakti. Kanceri, infarktet dhe Sida janë sëmundjet që tërheqin më shumë vëmendjen e saj.

Një tjetër disavantazh mbi këtë çështje është edhe shkollimi jo i mjaftueshëm i njerëzve, pra mungesa e informacioneve të shumta mbi shëndetin dhe ushqimet që duhen përdorur, si për shembull: orizi është më diabetik se makaronat, apo që yndyrat e hidrogjenizuara janë më diabetike se vaji ose gjalpi.

Sa vetë e dinë këtë gjë? Shumë pak, nëse kemi parasysh edhe grafikun zbritës të njerëzve që me kalimin e viteve kanë një pankreas i cili nuk arrin më të prodhojë sasinë e duhur të insulinës.

Dhe pas kësaj ç‘ndodh? Nëse sasia e insulinës që prodhon pankreasi nuk mjafton, atëherë ajo duhet injektuar. Për këtë problem nuk ekzistojnë kura alternative. Pra është e udhës që çdo njeri të kujdeset për veten, të mos abuzojë me ushqimin apo pijet alkoolike. Nëse përpiqeni sadopak, me kalimin e viteve do të shihni përmirësime dhe jo përkeqësime, veçanërisht një kujdes të veçantë duhet të tregoni për zemrën.

Gjithashtu, një regjim i rregullt në të ngrënë dhe një ushqim i freskët e i pasur me vitamina ndihmon në mirëqenien e një individi.

Një në tre fëmijë është obez dhe rrezikon të sëmuret me diabet kur të rritet. Kjo përqindje është rritur në krahasim me 20 vjet më parë, ku një në dhjetë fëmijë ishte obez. Kësaj përqindjeje i shtohen edhe fëmijët që kanë vuajtur më parë nga mbipesha dhe janë prekur nga diabeti i tipit 1 (13-14 mijë).
 

sweetzzinna

Dum spiro, spero くる
Titulli: Diabeti, epidemia e mijëvjeçarit të tretë

Në pjesën më të madhe të rasteve bëhet fjalë për diabetin e tipit 1. "Deri tani, te fëmijët e vegjël janë diagnostikuar thuajse 100 raste të diabetit të tipit 2, atij që lidhet ngushtë me obezitetin".

Një vëmendje e veçantë i duhet kushtuar edhe stilit të gabuar të jetesës. Ja disa këshilla kundër diabetit: të ecni sa më shumë, për shembull duke shkuar më këmbë në shkollë; duke ngrënë në mënyrë të shëndetshme e duke pirë sa më pak lëngje frutash të konservuara, pasi ato kanë shumë sheqer; duke qëndruar ulur sa më pak para televizorit, kompjuterit apo video-lojërave; duke bërë aktivitet të rregullt fizik dhe duke fjetur sa më shumë.

Gjithashtu edhe një këshillë të fundit: duhet të hani medoemos mëngjes. Këto këshilla janë të vlefshme edhe për të moshuarit dhe më kryesorja është që duhet t‘u nënshtroheni herë pas here kontrolleve mjekësore: për obezët çdo vit, ndërsa për njerëzit normalë çdo 3 vjet. /shqip/
 

Gjarperesha

Anëtar i Respektuar
Peshku mbron diabetikët nga dëmtimet në veshka

Peshku mbron diabetikët nga dëmtimet në veshka



Nëse konsumojnë peshk, diabetikët janë të mbrojtur nga dëmtimet në veshka, që janë shpesh sëmundje që bashkëshoqërojnë diabetin, sidomos atë tip II.
E enjte, 11 Dhjetor 2008 12:53
Të paktën ky është konkluzioni i një studimi të publikuar në revistën amerikane "American journal of kidney disease".

Në një studim të realizuar në Cambridge, Angli, është marrë një kampion prej mbi 22 mijë vullnetarë, nga të cilët 517 prej tyre vuanin nga diabeti.

Vullnetarëve u është kërkuar të shpjegojnë menynë e tyre dhe u pa se konsumimi i peshkut kishte efekte pozitive dhe se ishte e nevojshme që diabetikët të konsumonin të paktën dy porcione peshk në javë.

Ndër pacientët që ndiqnin këtë regjim dietetik, prej dy porcionesh dhe më tepër peshk në javë, studiuesit kanë vërejtur praninë e më pak proteinave në urinë, një kusht që quhet "makroalbuminuria", që është shenjë e dëmtimeve në veshka.

Vetëm 8% e tyre kanë shfaqur këtë gjendje, ndërsa pjesa tjetër e diabetikëve që konsumonin më pak peshk, kishin një risk prej 18% për të shfaqur "makroalbuminurin".
 

sweetzzinna

Dum spiro, spero くる
Titulli: Diabeti, epidemia e mijëvjeçarit të tretë

http://www.mjeksia.net/diabeti-nderlikimet-e-tij/
Diabeti- nderlikimet e tij
Rrallë ndonjë sëmundje tjetër ne dukje kaq “e butë” krijon ndërlikime kaq të shumta e të rënda sa diabeti. Rrallë ndonjë sëmundje tjetër sa ai arrin të prekë e të dëmtojë aq heshturazi e ngadalë thuajse të gjitha organet kryesore te trupit pa perjashtim dhe sidomos enët e gjakut duke krijuar aksidente kaq dramatike e madje tragjike . اudia është se vetem pak te semure me diabet e dinë këtë të vërtetë dhe akoma më të paktë janë ata që e besojnë.Diabeti arrin mjaft shpesh t’i mashtrojë viktimat e tij. Si, në ç’mënyrë?
Së pari: Prej mos dijes, mosnjohjes se tij ! Shumë të sëmurë nuk e dinë që diabeti krijon ndërlikime. Nuk i njohin ato, madje dhe kur vuajnë prej tyre, nuk u shkon mendja t’i lidhin me te
Së dyti: gënjehen nga forma apo paraqitja e “ bute “ e diabetit. Ata kujtojnë se vetëm diabeti i “rëndë” “ai që mjekohet me insulinë” është i rrezikshëm, kurse diabeti “i lehtë” pa shenja, me glicemi jo shumë të lartë (që mjekohet me dietë ose kokrra) është jo i dëmshëm”.Të sëmurët gënjehen nga heshtja e diabetit. Për vite me radhë ai rri i fshehur pa dhënë shenja e shqetësime të dukshme. Kur nje dite papritur shfaqet ndërlikimi apo aksidenti, të sëmurët befasohen, por as që mund të besojnë se ai ka lidhje me diabetin e fshehur e “të urtë” që ata as janë kujtuar ndonjeher ta mjekojnë.
A duhet t’i njohin të sëmurët ndërlikimet e diabetit? A duhet t’u flasim hapur për to? A nuk ka rrezik t’u krijojmë kështu ankth e shqetësim më të madh?
Po le ta bëjmë pyetjen ndryshe: A duhet t’u shpjegojmë fëmijëve që s’dinë ç’është zjarri, si të mbrohen prej tij, apo më mirë, nga ndrojtja se mos i trembim , t’i lemë të digjen?! Sigurisht është më mirë të flasim hapur, pa fshehur gjë, pa “dorashka”, për dy arsye:
E para, sëmundjen e vuani ju. Ndërlikimet, aksidentet, i vuani ju. Atëherë, a është e drejtë që pikërisht ju të mos dini ç’po ndodh e ç’do të ndodhë në trupin tuaj?
Së dyti, ndërlikimet vërtet duken si të frikshme, por në të vërtetë ato janë të gjitha të parandalueshme. “Kthetra” kryesore e diabetit është hiperglicemia. Sot ne i kemi të gjitha mjetet në dorë për ta mposhtur atë, i kemi të gjitha mundësitë që diabetin, sado “i egër” të jetë, ta ekuilibrojmë, “ta kyçim në kafaz”. Një e keqe që mund të parandalohet nuk ka pse të na krijojë frikë. E rëndësishme është të mësojmë si të luftojmë me kohë ndaj saj, si të mposhtim e ta mbajmë të shtypur. Por pikërisht kjo nuk mund të bëhet nga një i sëmurë që nuk di pse mjekohet, që nuk di rreziqet e vërteta të sëmundjes.
 

sweetzzinna

Dum spiro, spero くる
Titulli: Diabeti, epidemia e mijëvjeçarit të tretë

Duke i folur hapur për t’u mbrojtur nga një e keqe që parandalohet, besoj se jo vetëm s’krijojmë ankth, por, përkundrazi, e bëjmë atë optimist, e bëjmë bashkëpunëtor në luftën kundër sëmundjes.
Le të shohim, pra rreziqet reale të diabetit. Të njohim ç’pasoja krijohen kur diabeti nuk mjekohet mirë, apo më keq akoma, kur nuk mjekohet fare.Diabeti i pamjekuar ose i mjekuar keq krijon në mënyrë të sigurt ndërlikime. Ato janë të shumëllojshme. Sipas kohës së shfaqjes mund të ndahen në ndërlikime të mprehta (akute, urgjente të shpejta), të cilat do t’i përshkruajmë pas kapitullit të mjekimit, dhe në ndërlikime të largëta, apo të ngadalshme, të cilat mund të grupohen në tri kategori të ndryshme, si më poshtë:
1. Ndërlikime që shfaqen në enët e imta të gjakut, në kapilarët e arteriet me kalibër shumë të vogël.
2. Ndërlikime aterosklerotike në enët e gjakut me kalibër të madh.
3. Infeksione e dëmtime në inde e organe të ndryshme të organizmit.
1. Ndërlikimet që krijohen nga dëmtimet e kapilarëve të gjakut dhe arterieve të vogla.
Janë më karakteristike e më tipiket për diabetin. Ato shfaqen zakonisht 3-10 vjet pas fillimit të tij, por vetëm në ato raste kur mjekimi nuk është bërë në mënyrë të kujdesshme e të vazhdueshme. Sa më i vjetër të jetë diabeti, sa më shumë vjet të jetë i semuri me hiperglicemi, sa më e lartë të jetë niveli i saj pra sa më i çrregulluar të jetë diabeti, aq më të shpeshta , me te përhapura e më të rënda do të jenë këto dëmtime. Preket e dëmtohet sidomos i tere rrjeti kapilar, i cili është i përhapur në të gjitha pjesët sado të vogla të organizmit, në të gjitha organet, duke shkaktuar çrregullime në funksionin e tyre.
Nderlikimet ne sy, te pamjes :Së pari, këto dëmtime shfaqen e vërehen në kapilarët brenda syrit, pikërisht në ate shtrese të tij që quhet retinë. Kjo është një cipë shumë e hollë në fund të syrit që luan rolin vendimtar për shikimin e fotografimin e objekteve. Kapilarët e retinës, nën ndikimin e hiperglicemisë kronike shumëvjeçare, deformohen, mbyllen, çahen, lëshojnë brenda në sy lëngje dhe hemorragji, të cilat cenojne retinën e dëmtojnë pamjen, deri në verbim të plotë.
 

sweetzzinna

Dum spiro, spero くる
Titulli: Diabeti, epidemia e mijëvjeçarit të tretë

Ky ndërlikim quhet RETINOPATIA DIABETIKE dhe është ndër ndërlikimet më të hershme e më të shpeshta të tij. Fatmirësisht ai nuk zhvillohet për një ditë dhe as për një vit. Duhen vite të tëra që retina të arrijë të prishet e të humbasë pamjen. Zbulimi i dëmtimeve fillestare që quhen mikroaneurizma arrihet me një kontroll fare të thjeshtë të fundit të syrit nga mjeku okulist. (Kujdes, kjo është shenja e parë e alarmit, akoma nuk është vonë). Një mikroaneunizëm sado fillestare, dëshmon se diabeti ka të paktën 5-10 vjet që është lëne pas dore e nuk është mjekuar siç duhet. Eshtë koha që gjithçka mund të ndreqet.( Të lihen mënjanë “trimëritë” e moskokëçarjet, të mendohet për sytë e ballit.)
I vetmi “ilaç”. per të mjekuar retinopatinë sidomos në fazat e fillimit, është mjekimi korrekt e shembullor i diabetit, normalizimi me fanatizëm i glicemisë.
Po nuk u bë kjo, sytë janë në “dorë të fatit” (Dhe fati, e le diabetin të veprojë si të dojë).
Ne se pamja fillon të dëmtohet dhe retinopatia ka filluar të përparojë në formë me të rëndë,zakonisht të sëmurët kujtohen atëherë të kërkojnë “derman” nga okulisti. Ata kërkojnë dhe pijnë me zell lloj lloj kokrrash, përdorin pika dhe pomada, disa dhe mjekohen me rrezet lazër. Natyrisht çdo gjë do të tentohet. ثshtë fjala për sytë. Por asnjë nga këto mjekime nuk bën mrekullira. Me gjithë përmirësimet që arrihen, asnjë s’e zëvendëson mrekullinë e vërtetë që bën mjekimi i mirë e i vazhdueshëm i diabetit. Të shumta janë rastet në praktikën tonë kur ka mjaftuar vetëm kjo masë, vetëm ky mjekim që të ndalë retinopatinë e madje dhe ta bëjë të tërhiqet e të përmirësohet.
Por ka raste që disa të sëmurë, edhe kur u shfaqen mikroaneurizmat dhe e marrin vesh që u kanë filluar dëmtimet në sy, në vend të mobilizohen për një mjekim më të mire të diabetit, vazhdojnë të neglizhojnë. Kjo sepse fazat e para të retinopatisë mund të mos cenojnë akoma pamjen dhe pikërisht kjo i mashtron e i ve në gjumë të sëmurët. Ata as që e imagjinojnë se ç’do të vijë me pas. Por sëmundja e diabetit as fle dhe as nënvleftëson. Faktet dhe shifrat flasin qartë. Ato tregojnë se diabeti është sot për sot shkaktari kryesor i verbimeve të plota te njerëzit e rritur.
Mbrojtja e syve nga dëmtimet e diabetit eshte e arritshme. Duhet per kete mjekimi korrekt dhe i vazhdueshëm i diabetit dhe kontrolli i syve te okulistët specialist të paktën një ose dy herë në vit. Të sëmurët tek të cilët tashmë retinopatia është shfaqur duhet të kontrollohen edhe më shpesh. Përveç mjekimit të mirë të diabetit, ata duhet të kenë kujdes të mos përdorin asnjë ilaç të rekomanduar për arsye të tjera pa u konsultuar me mjekun diabetolog. Të sëmurët që kanë shenja hemorragjie në retinë duhet, përveç diabetit, të kontrollojnë vazhdimisht tensionin arterial, ta mbajnë atë gjithmonë në shifra normale e po qe i lartë të përdorin patjetër mjekim të vazhdueshëm për ta ulur e normalizuar. Ata duhet të kenë kujdes të mos përdorin pa pyetur mjekun ilaçe të tilla si aspirina e të tjera, që shtojnë hemorragjinë e po kështu të kenë kujdes të mënjanojnë shtrëngimet gjatë të dalurit jashtë, kollitjen e fortë, teshtimat që mund të rëndojnë hemorragjinë. Duhet patur parasysh se jo te gjithe okulistet kane inters profesional dhe jane njesoj mire te stervitur per te pare dhe ndjekur siç duhet ndryshimet retinale te diabetit . Mire eshte qe i njejti okulist i zgjedhur ta ndjeke dinamiken e ndryshime ne menyre periodike nga vitit ne vit dhe te krijoje lidhje e bashkepunim me mjekun qe kuron diabetin e te semurit.
 

sweetzzinna

Dum spiro, spero くる
Titulli: Diabeti, epidemia e mijëvjeçarit të tretë

Nga ana tjeter mjeti mjaft efektiv qe fatmiresisht kemi ne dore per ti mbrojtur e mjekuar te semuret me retinopati diabetike relativisht te avancuar prej verbimit eshte aparati i posaçem me rreze Lazer .Ky lloj mjekimi fillohet ne stade dhe forma te caktuara te retinopatise sidomos ne formen e quajtur Retinopathia profiferative dhe te cilat percaktohen nga specialisti perkates okulist ne bashkepunim me mjekun diabetolog.
Ne raste te tilla perpara gjendja e retines brenda syrit fotografohet me ane te injektimit te nje lende fluoreshente e cila i ben demtimet te dukshme me qarte .Me pas zakonisht procedohet duke djegur me disa seanca ne intervale kohe midis tyre pjese pjese vendet e demtuara ose te gjithe retinen per te shpetuar te paprekur nga demtimet” zonen kryesore ate te “njolles se verdhe “ e cila praktikisht realizon rreth 90 % te shikimit .
Mjekimi me rreze Lazer kryhet prej disa vjetesh edhe ne vendin tione , madje tani tek ne jane shtuar e veprojne edhe klinika private te specializuara enkas per kete qellim .
Duhet patur parasysh që përveç dëmtimeve të kapilarëve retinalë diabeti mund të krijojë në sy dhe ndërlikime të tjera, si infeksione, rritje të presionit brenda syrit (glaukoma) dhe sidomos zhvillimin që në moshë të re të perdes (kataraktit). Veç ketyre tek te semuret me diabet mund te ndodhin turbullime dhe deri humbje te papritura te pamjes. Por ato jane kalimtare jo nga retinopatia por te lidhura me luhatjet e medha e te befta ditore te nivelit te glicemise.
Edhe këto ndërlikime janë pasojë e mosmjekimit dhe e ekuilibrit të keq të diabetit, pasojë e hiperglicemisë së pamjekuar ose të lënë pas dore. Korrigjimi i tyre kërkon domosdo ekuilibrim sa më të mirë të diabetit dhe bashkëpunimin e ngushtë midis mjekut okulist dhe diabetolog Nderlikimet ne veshka :Një dëmtim i të njëjtës natyrë si ne sy zhvillohet paralelisht ne veshkat . Ne to behet filtrimi i vazhdueshëm i gjakut. Me anë të këtij filtrimi organizmi eleminon e flak jashtë ne urine ,tërë helmet, mbeturinat e “skorjet” që nxjerrin “makineritë” qelizore gjatë punës së tyre.Veshka permban miliona struktura te tilla filtrimi qe quhen glomerula e qe jane lemshe te vegjel kapilaresh teper te holle ku kryhet filtrimi . Veshka ka dhe funksione te tjera. Ajo rregullon nivelin e duhur te ujit dhe te kriprave minerale te domosdoshme per per trupin dhe prodhon disa hormone( lende nxitese ) te rendesishme per funksionet e tjera te organizmit Diabeti si pasoje e hiperglicemise te vazhdueshme per nje kohe te gjate dhjetra vjeçare mund te demtohen kapilaret e holle te glomerulave dhe keshtu pengohet filtrimi dhe funksionimi i veshkës në tërësi.
Ky ndërlikim quhet NEFROPATIA DIABETIKE.
 

sweetzzinna

Dum spiro, spero くる
Titulli: Diabeti, epidemia e mijëvjeçarit të tretë

Nefropatia, sidomos në fazat e përparuara të saj, kur thuajse bllokohet filtrimi është një ndër ndërlikimet më të rënda e tragjike të diabetit, sepse kërcënon vete jetën e të sëmurit. Per fat te keq me gjithe progresin ne mjekimin e diabetit ky komplikacion dramatik vazhdon te mbetet mjaft i shpeshte. Rreth 60 milion te semure me diabet numurohen ne bote te prekur nga nefropatia Megjithate ky ndërlikim shfaqet jo menjëherë, madje eshte me i ngadaltë dhe shfaqet më me vonesë se retinopatia. Edhe ne te nuk mungojnë sinjalet paralajmëruese. Vetë fillimi i retinopatisë është sinjal i pare alarmi që dëshmon se procesi i dëmtimit të kapilarëve tashmë ka filluar dhe asgjë s’garanton që ai nuk do te preke e shtrihet edhe ne kapilarët e veshkave. Ne këtë faze te pare te hershme avancimi mund të parandalohet me efikasitet thjesht me mjekimin e saktë të diabetit. Por të sëmurët vete fatkeqësisht nuk ndiejnë asgje ç’po ndodh në kapilarët. Dëmtimi që zhvillohet në ta nuk “dhëmb” (Një dhëmballë e prishur mbase do t’i shqetësonte më shumë!).
Prandaj jo rralle procesi përparon derisa shfaqet një sinjal i dytë. Ky sinjal vjen tashme nga veshkat e dëmtuara: në urinë shfaqet mikroalbumina. Ky eshte nje fraksion i vogel i albumines ne urine ( nen 200 mg ne 24 ore )qe nuk zbulohet dot me testet e zakonshem rutine te analizes se urines por kerkon nje reagent te posaçem (Njerëzit normalisht nuk kanë albuminë në analizen e urinës).
ثshtë akoma koha kur keqësimi i mëtejshëm i gjendjes mund të pengohet vetëm me një masë të thjeshtë, ekuilibrimin e mirë e të qëndrueshëm të diabetit dhe me luftimin e disa faktoreve te tjere rendues te tille si duhani , dhe sidomos normalizimi i tensionit te larte te gjakut.
Rritja e presionit të gjakut që shfaqet qe ne fazat e para kërkon kufizimin e rrepte te kripës në ushqim dhe mjekim të veçantë e energjik. kundra tensionit Përndryshe ai ndikon nga ana e tij për të rënduar dhe më shumë ecurinë e ndërlikimit.
Ata të sëmurë që mjekohen në mënyrë të rregullt i kanë të gjitha mundësitë ta frenojnë e ta ndalojnë deri këtu procesin. Përkundrazi ata që bëjnë mjekim të çrregullt dhe formal shkojnë drejt shfaqjes së edemave (enjtjes), dëmtimeve të rënda të funksionit të veshkave, me rritje të shifrave të azotemisë dhe kreatinemisë. te cilat kerkojne domosdoshmerisht mjekim te specializuar , te nderlikuar e teper te shtrenjte deri me perdorimin e aparateve te dializes se veshkave dhe transplantimin e tyre .Sidoqofte duhet thene se ndonese teknikisht e mundshme dializa nuk eshte perdorur ende tek ne per te semuret me diabet Kjo per shkak se aparatet e dializes e aksesoret e saj jane shume te pakta ne krahasim me numurin e te semureve veçanerisht atyre jo diabetike qe presin e kane nevoje jetesore per te . Ndersa transplantimi i veshkes ende nuk eshte kryer ne vendin tone . Te dyja keto realitete e bejne me te mprehte tek ne domosdoshmerine e parandalimit te Nefropatise me ane te mjekimit korrekt e ne kohe te diabetit dhe mbajtjes ne shifra rigorozisht normale me ane te mjekimit te shifrave te tensionit te gjakut .
 

sweetzzinna

Dum spiro, spero くる
Titulli: Diabeti, epidemia e mijëvjeçarit të tretë

Diabeti dhe kanceri

Një studim i ri tregon se personat me diabet të cilët vuajnë edhe nga kanceri, janë për 40% më të rrezikuar që të vdesin nga kanceri, në krahasim me personat të cilët kanë kancer, por nuk kanë diabet. Këto rezultate kanë dalë nga analizat e 23 studimeve të realizuara në dhjetë shtete ku janë përfshirë 125.000 vullnetarë, ndërsa i kanë realizuar hulumtuesit nga Universiteti John Hopkins.

Shkencëtarët, të cilët studimin e tyre e kanë botuar në revistën “Journal of the American Medical Association”, pohojnë se kontrollimi më i mirë i diabetit rrit shpresën e mbijetesës nga kanceri.
Telegrafi
 

sweetzzinna

Dum spiro, spero くる
Gjithçka për diabetin

Cfarë është diabeti!Cfarë e shkakton atë?
Diabeti është një crregullim metabolizmi. Termi metabolizëm I referohet mënyrës se si trupat tonë përdorin ushqim të tretur për energji dhe rritje. Shumica e asaj cfarë hamë shpërbëhet në glukozë. Glukoza është një lloj sheqeri në gjak- ajo është burimi parësor I ushqimit në trupat tonë.
Kur ushqimi ynë tretet, glukoza niset drejt rrymës së gjakut. Qelizat tona përdorin glukozën për energji dhe rritje. Gjithsesi, glukoza nuk mund të hyjë në qelizat tona pa praninë e insulinës- insulina bën të mundur që qeliza tona të marrin glukozën.
Insulina është një hormon që prodhohet nga pankreasi. Pasi hamë, pankreasi automatikisht lëshon një sasi të mjaftueshme insuline për të lëvizur glukozën e pranishmë në qeliza, dhe ul nivelin e sheqerit në gjak.
Një njeri me diabet ka një gjëndje në të cilën sasia e glukozës në gjak është shumë e lartë( hiperglicemi). Kjo ndodh pasi trupi ose nuk prodhon mjaftueshëm insulinë, ose nuk prodhon fare, ose ka qeliza të cilat nuk përgjigjen tamam ndaj insulinës që prodhon pankreasi. Kjo rezulton në formimin me tepricë të glukozës në gjak. Kjo glukozë e tepërt në gjak kalon, jashtë trupit nëpërmjet urinës. Pra, edhe sepse trupi ka shumë glukozë, qelizat nuk e marrin vetë atë për t’a përdorur për energji dhe rritje
Ekzistojnë 3 lloje kryesore diabeti
Tipi 1- Nuk prodhoni fare insulinë
Tipi 2- Nuk prodhoni mjaftueshëm insulinë, ose insulina nuk po funksionon sic duhet
Diabeti Gestational- Zhvillohet gjatë shtatzanisë
Diabetet e Tipit 1 dhe 2 janë gjënde mjeksore kronike- cfarë do të thotë se janë ngulmuese dhe të përhershëm. Diabeti Gestational zakonisht zhduket pas lindjes së fëmijës.

Simptomat e diabetit
Zakonisht njerëzit mund të jenë me diabet por nuk janë në dijeni të këtij fakti. Shkaku kryesor për këtë është se simptomat, duken të padëmshme. Gjithsesi, sa më herët të diagnostikohet diabeti, aq më I madh është shansi që komplikacione serioze, të cilat mund të rezultojnë nga diabeti, të shmangen.
Një listë me disa nga simptomat më të shpeshta të diabetit
Urinim I shpeshtë
Etje
Uri
Rritje në peshë
Humbje peshe e pazakontë
Lodhje
Irritim
Shikim I turbullt
Mishrat e dhëmbëve më të kuqe
Disfunksionim seksual tek meshkujt
Shpim gjilpëre ose mpirje të këmbëve dhe të duarve
Si mund kujdesemi për diabetin? Planifkimi I konsumimit të ushqimit
Janë 3 gjëra të cilat do të kenë një impakt të madh në nivelet e glukozës së gjakut tuaj dhe lipidet e saj( kolesteroli, trigliceridet)
Ajo cfarë hani
Sa hani
Kur hani
Duke përzgjedhur llojet e duhura të ushqimeve, po ashtu dhe sasitë e duhura mund të përmisoni mundësinë për të kontrolluar glukozën dhe lipidet e gjakut.
Piramida e ushqimit
Kur flisni më një profesionist të kujdesit të shëndetit, doktor diabeti ose dietolog, ato do t’ju përmëndin patjetër piramidën e ushqimit.
Në bazë qëndrojnë ushqimet të cilat janë të pasura më karbohidrate, si drithërat, më pas frutat dhe perimet.
Më sipër janë mishi, peshku, qumshti dhe djathi; të cilat janë të pasura me proteina. Në majë janë ushqimet e yndyrshme.
Cdo dietolog ose doktor diabeti do t’ju këshillonte të ushqeheshit me ushqimet në fundin e piramidës se sa me ato në majë.
Eshtë jetike të flisni më një ekspert për planin e ngrënies. Duhet ti përshtatet peshës tuaj, moshës, mjekimeve të tjera që mund të jeni duke marrë dhe sa fizikisht aktiv jeni.
Aktiviteti fizik është themelore për një diabetik
Ndihmon në kontrolliimin e glukozës së gjakut
Ndihmon në uljen e peshës
Ndihmon në mbajtjen e tensionit ulët
Ndihmon në rritjen e HDL tuaj( lipoprotein me densitet të lartë), nivele të mira kolesteroli
Ndihmon në uljen e LDL tuaj( lipoprotein me densitet të ulët), nivele të këqija kolestero
Sa shumë ushtrime fizike duhet të bëni?
Shumë ekspertë thonë se duhet të ushtroheni të paktën 5 ditë në javë. Cdo pjesë duhet të jetë me intensitet të moderuar dhe nuk duhet të zgjasë më pak se 30 minuta. Ajo cfarë duam të themi me intensitet të moderuar përmblidhet nga aktivitetet e mëposhtme.
  • ecje e shpejtë
  • not
  • bicikletë ( në nivel të sheshtë, ose malore shumë pak e pjerrët)
  • kërcim
  • vozitje
 

sweetzzinna

Dum spiro, spero くる
Titulli: Diabeti, epidemia e mijëvjeçarit të tretë

Acidet omega-3-yndyrore dhe diabeti

Një numër i madh studimesh kanë treguar se ndryshimet e vogla ushqyese mund të zvogëlojnë dukshëm rrezikun nga diabeti.Kështu, një studim i kohëve të fundit, bën lidhsgmërinë ndërmjet nivelit të lartë të acideve omega-3-yndyrore në plazmë dhe përmirësimin e ndjeshmërisë ndaj insulinës, te personat e sëmurë nga diabeti tip 2.

Në studimin e botuar në revistën Nutrition and Food Research, janë analizuar 180 pacientë me diabet tip 2 dhe 180 pjesëmarrës të shëndoshë.

Shkencëtarët sugjerojnë që acidet omega-3-yndyrore mund t’i shtohen listës së ushqimeve, të cilat mbrojnë nga kjo sëmundje kronike. /Telegrafi/
 

sweetzzinna

Dum spiro, spero くる
Titulli: Diabeti, epidemia e mijëvjeçarit të tretë

Kafeja dhe çaji parandalojnë diabetin?

Personat të cilët rregullisht pinë kafe ose çaj kanë rrezik më të vogël që të sëmuren nga diabeti tip 2- tregojnë rezultatet e shkencëtarëve australianë nga Universiteti i Sydneyt.Autorët e studimit të botuar në revistën Archives of Internal Medicine, thonë se efekti mbrojtës nuk bazohet te kafeina, duke qenë se kafeja pa kafeinë kishte pasur efekt edhe më të fortë në parandalimin e diabetit tip 2.

Sipas tyre, faktorë kryesorë mbrojtës janë antioksiduesit e pranishëm në këto pije.

Të dhënat e studimit janë të bazuara në analizimin e 18 studimeve ku janë përfshirë 500.000 pjesëmarrës. /Telegrafi/
 

Loverboy

мαи ωιтн α мιѕѕιои
Diabeti në stinën e dimrit

Diabetikët dhe sidomos ata që vuajnë nga diabeti i sheqerit tip 2, mund të shfaqin ndërlikime serioze gjatë stinës së dimrit, nëse nuk tregohen të kujdesshëm.


Mjekët shpjegojnë se me çfarë mund “të ndeshen” diabetikët gjatë ditëve të ftohta, dhe japin disa këshilla se si mund të përballohet pa probleme kjo periudhë.

Diabetikët dhe sidomos ata që vuajnë nga diabeti tip 2, përveç diabetit të sheqerit kanë dhe sëmundje bashkëshoqëruese, që nuk lidhen me diabetin.

Kështu këta diabetikë mund të jenë me bronkopneumonipati kronike, d.m.th sëmundje kronike të mushkërive, të cilat gjatë dimrit acarohen duke dhënë: marrje fryme, kollë me gëlbazë, çrregullime në gjakun periferik, etj. Nëse gjatë kohës që bronkopneumonitë kronike rëndohen apo acarohen, duhet detyrimisht që të shkojnë të konsultohen me pneumologun, për të bërë një mjekim korrekt të këtyre sëmundjeve, sepse në të kundërt mos mjekimi sjell probleme me diabetin e sheqerit.

Përveç këtyre në stinën e dimrit, diabetikët mund të shfaqin shqetësime si pasojë e infeksioneve të ndryshme gastro-intestinale, apo gastro-enteriteve, të cilat ndikojnë në thyerjen e diabetit, sepse në bazën e tyre kanë një inflamacion, i cili po nuk u trajtua jep hiperglicemi.

Diabeti në stinën e dimrit

Diabetikët tip 2 gjatë stinës së dimrit shfaqin probleme edhe me sëmundjet kronike kardiovaskulare, që ose nuk lidhen drejtpërdrejt me diabetin, ose lidhen drejtpërdrejtë me të, si në rastin e sëmundjeve iskemike të zemrës (makroangiopatia e arterieve koronare të zemrës). Diabetikët që kanë dhe sëmundje gjatë dimrit, mund të kenë kriza të shpeshta të angina-pektoris ose të shfaqin edhe infarkt i miokardit.

Këto dy shqetësime në këto raste favorizohen dhe percipitohen, veç të tjerave edhe nga i ftohti dhe lagështia. I ftohti thekson dhe ngushton spazmat e arterieve koronare të zemrës. Mjeku specialist për sëmundjet e sipërpërmendura jep mjekim specifik përkatës, ndërsa endokrinologu në shumicën dërrmuese të rasteve, bën kthimin e përkohshëm të mjekimit nga kokrrat (tableta) në mjekim me insulinë. Insulina është e domosdoshme në këto raste sepse është e pamundur që diabeti te këta persona të kontrollohet vetëm me tableta, të cilat ose veprojnë më pak, ose veprojnë në qelizat periferike për të rritur efektin e insulinës.

Stina e dimrit e përkeqëson dhe diabetin tip 1, që siç dihet shfaqet në mosha të reja dhe mjekohet me insulinë. Këta persona, duke qenë të rinj, mund të sëmuren shpesh nga: pneumonia, bronkopneumonia, infeksionet akute gastro-intestinale dhe infeksione të tjera, sepse këta diabetik për arsye të ndryshme dhe komplekse, kanë ulje të funksionit të sistemit imunitar (sistemi imunitar është ai që siguron mbrojtje natyrale të organizmit nga infeksione të ndryshme). Kjo do të thotë se diabetikët tip 1 gjatë dimrit pësojnë sëmundje që kërkojnë detyrimisht, konsultë me specialistin përkatës dhe natyrisht dhe me endokrinologun, për të modifikuar mjekimin e diabetit që konsiston në rritjen e dozave të insulinës.

Këshilla

Stina e dimrit favorizon shfaqjen e mjaft sëmundjeve të tjera, dhe ndërlikime serioze. Prandaj diabetikët, qoftë atyre që vuajnë nga diabeti tip 1, ashtu dhe tip 2, duhet të jenë mjaft të kujdesshëm të mos neglizhojnë edhe kur te ata shfaqen shenja apo simptoma sado të lehta të sëmundjeve të sipërpërmendura.

Këshillohet që krahas endokrinologut, që mjekon diabetin, të kenë lidhje të vazhdueshme dhe me specialist të tjerë, kur është fjala për sëmundjet kronike që ata mund të kenë. Në stinën e dimrit, diabetikët mund të shfaqin shqetësime si pasojë e infeksioneve të ndryshme gastro-intestinale, apo gastro-enteriteve, të cilat ndikojnë në thyerjen e diabetit, sepse në bazën e tyre kanë një inflamacion, i cili po nuk u trajtua jep hiperglicemi.
 

sweetzzinna

Dum spiro, spero くる
Titulli: Diabeti, epidemia e mijëvjeçarit të tretë

Testimi i “pankreasit artificial” jep shpresë për mjekimin e diabetit

Shkencëtarët kanë përdorur një “pankreas artificial”, një sistem pompash dhe monitorësh për të përmirësuar kontrollin e nivelit të sheqerit në gjak te të sëmurët nga diabeti, në studimin e parë për të treguar se kjo pajisje e re është më e mirë sesa trajtimet konvencionale. Kërkuesit shkencorë nga Universiteti i Kembrixhit testoi këtë pajisje te 17 fëmijë me diabet të tipit 1, gjatë disa netëve dhe gjeti se, gjatë 60% të kohës, niveli i sheqerit në gjakun e tyre ishte mbajtur në kufij të normales. Sistemi i ri, i cili kërkon nga pacientët që të bartin një monitor të vogël dhe një pompë me gyp për futjen e insulinës në trup, po ashtu ka përgjysmuar edhe rastet e rënies së sheqerit në vlera të ulëta të rrezikshme.
Prodhuesit e kësaj pajisjeje mjekësore kanë punuar me vite të tëra për të zhvilluar të ashtuquajturin ‘pankreas artificial’, për t’u dhënë insulinë pacientëve me diabet të tipit 1, që është një sëmundje autoimune ku trupi shkatërron vet aftësinë e tij që të prodhojë insulinë. Për këtë shkak, organizmi nuk mund ta shfrytëzojë glukozën për t’u ushqyer, gjë që ndikon në dëmtimet e mëdha të organizmit, duke përfunduar me vdekje. “Këto pajisje mund ta transformojnë menaxhimin e diabetit të tipit 1, por ka të ngjarë që ky të jetë proces gradual”, ka deklaruar Roman Hovorka, i cili e ka udhëhequr këtë studim. Ai ka paraparë kalimin e disa vjetëve derisa të dalë në treg një pajisje e tillë. Studimi i Kembrixhit, i publikuar në revistën mjekësore “The Lancet”, ka shfrytëzuar pajisjet dhe sensorët e prodhuar nga “Smiths Medical”.
Qëllimi final është që të prodhohet një pajisje e cila vazhdimisht do të kontrollojë nivelin e sheqerit (glukozës) në gjakun e pacientëve, duke injektuar insulinë sipas nevojës.KS
 
Top