• Mirësevini tek Forumi Virtual

    Nëse ju shfaqet ky mesazh do të thotë se ju nuk jeni regjistruar akoma. Edhe pse nuk jeni regjistruar ju arrini të shihni pjesën me të madhe të seksioneve dhe diksutimeve të forumit, por akoma nuk gëzoni të drejten për të marrë pjesë në to dhe në avantazhet e të qënurit anëtar i këtij komuniteti.

    Regjistrimi është plotësisht falas në komunitetin tonë, pasi të regjistrohesh do të gëzosh shumë të drejta si të japesh mendimin tënd në një diskutim, të hapësh një diksutim tëndin, të komunikosh me anëtarët e tjerë të komunitetit në mënyrë private, të marësh pjesë dhe të votosh në konkursin e poezisë dhe të fotografisë dhe shumë opsione të tjera... duke përdorur mënyrën më të thjeshtë dhe të sigurtë për tu rregjistruar
    GOOGLE Microsoft Yahoo

    Për cdo problem mos hezitoni të na " KONTAKTONI ".

Disa mënyra se: si njerëzit e mërzitshëm bëhen të padurueshëm

Violetta

>> KS- AL. etnike <<
Disa mënyra se: si njerëzit e mërzitshëm bëhen të padurueshëm



Disa sjellje i bëjnë njerëzit të perceptohen si më shumë të mërzitshëm se disa të tjerë, mësoni se cilat janë aspektet që do t’ju zhvlerësojnë në sytë e miqve dhe bëhuni sa më zbavitës. اdonjëri prej nesh jeton me frikën e mërzisë, por ka raste kur kjo ndjesi e papëlqyeshme vjen si pasojë e të tjerëve dhe jo nga brenda nesh. Për të shmangur këtë lloj mërzie ‘ngjitëse’ mësoni se si mund t’ju infektojnë të tjerët me mendimet dhe frikën e tyre. Në fakt, ka pasur studime për të zbuluar se çfarë i bën njerëzit të cilësohen si të mërzitshëm, ku psikologu MarkLeary dhe tre kolegë të tij arritën në konkluzionin se ne mund ta mërzisim njëri-tjetrin për gjërat që kemi për të thënë dhe mënyrën si e themi. Ata gjithashtu zbuluan se keni të drejtë të shqetësoheni se mos ju gjykojnë si të mërzitshëm, sepse në këtë rast të tjerët ju gjykojnë ashpër edhe për cilësi të tjera.


Në studimet e para, hulumtuesit u kërkuan njerëzve të përshkruanin gjërat që të tjerët i bëjnë dhe që i mërzisin ata. Më pas kërkuesit bënë një listë me 43 llojet e gjërave që u përmendën më shpesh dhe pyetën disa qindra njerëz të tjerë për të dhënë mendimin e tyre për shkallën e mërzisë që perceptonin se kishin këto sjellje. Në fund, ata dolën me nëntë kategori të sjelljeve të mërzitshme.



اfarë i mërzit përgjithësisht njerëzit?



1. Egocentrizmi negativ.
Kjo është mënyra më e mërzitshme e të sjellit, të cilën hulumtuesit e përshkruan si të qenët negativ dhe ankesat e shumta kur dikush flet për problemet e veta dhe shfaq mosinteres për problemet e të tjerëve.


2. Banaliteti.
Të folurit për çështje sipërfaqësore dhe interesi i dukshëm vetëm për një çështje, si dhe përsëritja e vazhdueshme e disa historive të njëjta i bën njerëzit shumë të mërzitshëm. Po ashtu të njëjtat shaka të pandryshuara nuk ju ndihmojnë shumë.


3. Mungesa e përfshirjes në biseda.
Shfaqja e entuziazmit të pakët, të folurit monoton, kontakti i paktë me sy dhe një sjellje që nuk shpreh thuajse asgjë, të gjitha këto ju bëjnë të perceptoheni si të mërzitshëm në sytë e të tjerëve.


4. Ngadalshmëria.
Të folurit ngadalë, pauzat e gjata përpara përgjigjes, kalimi i një kohe të gjatë derisa të dilni te tema e bisedës, si dhe zvarritja e asaj që keni për të thënë, këto janë cilësitë që mund të largojnë të tjerët prej jush.


5. Pasiviteti.
Nëse keni pak për të thënë, nuk keni opinione dhe jeni shumë të parashikueshëm nga të tjerët, gjasat që të tjerët të duan t’ju kenë pranë janë të pakta. Gjithashtu mund të quheni të mërzitshëm nëse përpiqeni të mos ia prishni qejfin askujt me ato që thoni.


6. Preokupimi vetëm për veten.
Nëse flisni vazhdimisht për veten dhe nuk shqetësoheni aspak për të tjerët, kjo mund t’ju bëjë të ngjani shumë keq në sytë e shoqërisë suaj dhe kështu pak e nga pak ata do t’ju mënjanojnë.


7. Serioziteti.
Nëse jeni shumë serioz dhe nuk buzëqeshni shpesh, ju do të kategorizoheni te njerëzit të cilët janë të mërzitshëm. Ndërroni rrugë, mos jini shumë serioz dhe buzëqeshni sa më shumë të mundeni.


8. Të qenët karagjoz mund t’ju bëjë në fakt të dukeni të mërzitshëm.
Përpjekja për t’u dukur si shakatarë për të tërhequr vëmendjen e të tjerëve është një mënyrë e keqe për të bërë përshtypje.


9. Shpërqendrimi.
Kur bëni gjëra të cilat interferojnë me bisedën, nëse shpërqendroheni shpesh, kjo mund t’ju bëjë të ngjani si shumë të mërzitshëm në sytë e të tjerëve.




Në disa studime të tjera, pjesëmarrësit u filmuan teksa hynin në biseda dhe më pas të tjerët i vlerësuan ata në bazë se sa të mërzitshëm dukeshin. Pati disa mënyra se si ata zbuluan se njerëzit e mërzitshëm dhe ata interesantë silleshin ndryshe:


1. Njerëzit interesantë zbulojnë më shumë mendimet dhe ndjenjat e tyre sesa njerëzit e mërzitshëm. Kjo është ndryshe nga thjesht të folurit për veten gjithë kohën.

2. Njerëzit interesantë gjithashtu kontribuojnë në më shumë informacion, jo thjesht emocione për të hyrë në bisedë siç bëjnë të mërzitshmit.

3. Njerëzit e mërzitshëm mund të përdorin më shumë fjalë të zbrazëta dhe thonë më shumë gjëra që nuk kanë shumë kuptim. Ata interesantë përdorin fjalët e duhura.

4. Njerëzit e mërzitshëm gjithashtu kontribuojnë më pak në biseda në përgjithësi sesa njerëzit interesantë.


Në studimin e fundit, Leary dhe kolegët e tij zbuluan se si njerëzit e mërzitshëm gjykoheshin më ashpër se ata që konceptoheshin si interesantë për të njëjtat gabime. Të qenët më pak i pëlqyeshëm i bënte të tjerët të mos ndienin aspak simpati për ta dhe kështu sjellja ishte më pak njerëzore. Nëse shpërqendroheni shpejt nga një bisedë dhe gjithashtu përpiqeni të thoni të gjitha fjalët e duhura për të qenë të pëlqyeshëm, do gjykoheni në fakt si të mërzitshëm

Njerëzit e mërzitshëm kontribuojnë më pak në biseda dhe mund të jenë shumë apatikë e të shfaqin pak emocione kur janë me të tjerët
Të folurit ngadalë, pauzat e gjata përpara përgjigjes, kalimi i një kohe të gjatë derisa të dilni te tema e bisedës ju bëjnë të jeni të padurueshëm.


 

Violetta

>> KS- AL. etnike <<
shpesh degjojm fjalë të zbrazeta, që sia vlejn te thuhen….


Ato thuhen, porse jan komplet boshe.
 

Jetmira

Antarë i Respektuar
4. Ngadalshmëria.
Të folurit ngadalë, pauzat e gjata përpara përgjigjes, kalimi i një kohe të gjatë derisa të dilni te tema e bisedës, si dhe zvarritja e asaj që keni për të thënë, këto janë cilësitë që mund të largojnë të tjerët prej jush.
Ne,fakt kjo mund te jete shkaku i ndonje semundje serioze.
Ne pergjithsi njerezit qe pesojne demtime ne tru kane keto simptoma.
Edhe pse shumica nuk ju kushtojne rendesi.
 

Rrelse

Zikaltër⚫🔵
Nuk duroj këta njerëzit e " fjetur" bahhh..slow motion..
Më mirë këta që vetë flasin e vetë qeshin:p
 
Top