• Mirësevini tek Forumi Virtual

    Nëse ju shfaqet ky mesazh do të thotë se ju nuk jeni regjistruar akoma. Edhe pse nuk jeni regjistruar ju arrini të shihni pjesën me të madhe të seksioneve dhe diksutimeve të forumit, por akoma nuk gëzoni të drejten për të marrë pjesë në to dhe në avantazhet e të qënurit anëtar i këtij komuniteti.

    Regjistrimi është plotësisht falas në komunitetin tonë, pasi të regjistrohesh do të gëzosh shumë të drejta si të japesh mendimin tënd në një diskutim, të hapësh një diksutim tëndin, të komunikosh me anëtarët e tjerë të komunitetit në mënyrë private, të marësh pjesë dhe të votosh në konkursin e poezisë dhe të fotografisë dhe shumë opsione të tjera... duke përdorur mënyrën më të thjeshtë dhe të sigurtë për tu rregjistruar
    GOOGLE Microsoft Yahoo

    Për cdo problem mos hezitoni të na " KONTAKTONI ".

Katari kapërcen limitin në furnizimet me armë

Love

βeℓℓe â๓e
  • Shqetësimi i ndërkombëtarëve është armatosja e rebelëve me raketa që kërkojnë nxehtësi dhe që lëshohen nga krahu. Në një situatë ekstreme, këto raketa mund të rrëzojnë me lehtësi avionët civilë
Lufta në Siri

New York Times




Ndërsa furnizimi i heshtur me armë për opozitën e Sirisë mori hov vitin e kaluar, qeveria e Shteteve të Bashkuara vazhdimisht iu lut aleatëve të saj arabë të mos dërgojnë në Siri një lloj arme të fuqishme dhe ta mbanin atë larg duarve të rebelëve: bëhet fjalë për raketat nxehtësikërkuese të lëshuara nga krahu.

Zyrtarët amerikanë paralajmëruan se këto raketa mundet që një ditë të përdoren nga grupet terroriste, disa nga të cilët janë të lidhur me “Al Kaedën”, për të rrëzuar avionë civilë.

Por një vend e injoroi këtë kërkesë: Katari, vendi i vogël i pasur me naftë dhe gaz, e ka bërë veten kombin më të rëndësishëm mik të forcave rebele që po luftojnë qeveritë a kalcifikuara arabe. Ky vend ka dërguar armë te rebelët e Sirisë, të cilët po luftojnë qeverinë e Bashar al-Asad që nga viti 2011.

Që nga fillimi i vitit, sipas disa zyrtarëve amerikanë dhe të Lindjes së Mesme, Katari ka përdorur rrjete të errëta të tregtisë së armëve për të dërguar së paku dy ngarkesa me raketa krahu, një prej të cilave përbëhej nga raketa kineze FN-6. Raketat po përdoren nga rebelët e Sirisë kundër forcave ajrore të Asad. Zyrtarët amerikanë mendojnë se vendimi i Obamës për të filluar një përpjekje të kufizuar për furnizimin e rebelëve me armë, mund të merret si miratim nga Katari dhe vendet e tjera, për të zgjeruar programet e dërgimit të armëve nga këto vende.

Përpjekjet agresive të Katarit për të fuqizuar opozitën e dobët të Sirisë janë thjesht lëvizja e radhës muskuloze e një vendi që po përdor pasurinë e vet për të dalë në ballë të shtetformimit në Lindjen e Mesme, gjë që ka hutuar si aleatët në rajon ashtu edhe miqtë në Perëndim. Strategjia pritet të vijojë, edhe pse udhëheqësi afatgjatë i Katarit, Sheiku Hamad bin Khalifa al-Thani, dha dorëheqjen javën e kaluar për t’i dhënë pushtetin djalit të vet 33-vjeçar.

“Ata godasin shumë përtej forcës së vet”, komentoi një diplomat perëndimor. “Ata nxjerrin çdokënd jashtë ekuilibri pasi nuk janë në xhepin e askujt. Ndikimi i tyre vjen pjesërisht për shkak se janë të paparashikueshëm në veprimet që ndërmarrin”, shtoi ai.

Obama, gjatë një takimi privat në Uashington në prill, paralajmëroi sheikun Hamad mbi rrezikun që mbart armatosja e radikalëve islamikë të Sirisë, megjithëse zyrtarët amerikanë kanë qenë të kujdesshëm të mos ushtrojnë shumë tepër presion mbi qeverinë e Katarit. “Siria është oborri i tyre dhe ata kanë interesat e veta për të ndjekur”, tha një zyrtar i administratës.

Zyrtarët e Katarit nuk iu përgjigjën kërkesave për komente. Shtetet e Bashkuara kanë shumë pak ndikim mbi Katarin sa i përket problemit të Sirisë për shkak se ata kanë nevojë për Katarin në fronte të tjera. Katari do të mikpresë bisedimet e paqes mes amerikanëve dhe afganëve nga njëra anë dhe lëvizjes Taleban në anën tjetër. Talebanët krijuan një zyrë politike në Doha, kryeqyteti i Katarit. Baza e komandimit të avancuar e Shteteve të Bashkuara në Katar i jep këtij vendi një bazë ushtarake në zemër të një rajoni të rëndësishëm strategjik.

Përpjekjet e fshehta të Katarit për të mbështetur rebelët e Sirisë filluan në të njëjtën kohë kur ky vend po mbështeste luftëtarët e opozitës në Libi, në përpjekje për të rrëzuar qeverinë e kolonelit Muamar el-Gadafi. Aftësia e këtij vendi për të qenë një lojtar në tregun e errët të armëve të botës u fuqizua në vitin 2008, kur bleu nga Boeing avionë të mëdhenj transporti C-16. Katari u bë me këtë vendi i parë në Lindjen e Mesme që ka avionë të qëndrueshëm dhe me rreze të gjatë veprimi.

Obama i bekoi në heshtje ngarkesat me armë që shkuan në Libi, pakti atje bëhej fjalë për mitraloza, automatikë, mortaja dhe municione, por zyrtarët amerikanë u shqetësuan më vonë kur u shfaqën shenja se Katari po u jepte armë edhe militantëve islamikë atje.

Zyrtarët amerikanë dhe arabë po shprehin shqetësimin se diçka e tillë po ndodh edhe në Siri, ku islamikët në veri janë aktualisht ****ioni më i aftë i opozitës, pjesërisht për shkak të furnizimeve më të bollshme me armë nga Katari.

Arabia Saudite së fundmi u përpoq të marrë kontrollin e situatës duke rritur rolin e vet në menaxhimin e transferimit të armëve drejt rebelëve të Sirisë, por duket se nuk ka pasur shumë sukses në këtë drejtim. Shqetësimi më i madh lidhet me raketat e krahut – të cilat njihen si sisteme mbrojtëse ajrore të transportueshme nga njeriu – të cilat Katari ia dërgoi rebelëve në fillim të këtij viti. Video të postuara në internet tregojnë rebelët në Siri me këto armë, përfshirë edhe modelin kinez FN-6.

Videot e para u shfaqën në shkurt dhe tregonin rebelët me raketat kineze. Këto raketa nuk qenë më herët të pranishme në konflikt dhe nuk dihet që ushtria e Sirisë të ketë pasur të tilla.

Zyrtarët dhe rebelët thonë se këto raketa u siguruan nga Katari, i cili i bleu nga një shitës i panjohur dhe i dërgoi përmes Turqisë. Një ngarkesë tjetër raketash të prodhuara nga blloku sovjetik gjatë Luftës së Ftohtë, ishte marrë nga magazinat e Gedafit për t’iu dërguar rebelëve.

Të dy ngarkesat qenë të vogla, thanë zyrtarët perëndimorë, jo më shumë se disa dhjetëra raketa. Dhe rebelët thanë se ato të prodhimit kinez qenë shumë defektoze e nuk ndizeshin. Për më tepër, raketat u panë në duart e Ushtrisë së Lirë të Sirisë, pjesës së rebelëve të mbështetur nga amerikanët. Kjo tregon se së paku këto armë të fuqishme nuk i janë dhënë rebelëve islamikë.

Zyrtarët amerikanë dhe arabë thonë se strategjia e Katarit është një përzierje e ideologjisë – familja sunduese beson në një rol të rëndësishëm të Islamit në jetën politike – me disa llogaritje gjakftohta. “Ata pëlqejnë të mbështesin fituesin”, tha një zyrtar i Lindjes së Mesme.

Në takimet me Obamën, udhëheqësit e Jordanisë dhe Emirateve të Bashkuara Arabe, kanë shprehur shumë shqetësime mbi strategjinë e ndjekur nga Katari. Obama nga ana e tij paralajmëroi Sheikun Hamad se armët që ai po dërgon, mund të përfundojnë në duart e grupimeve të tilla si Fronti Nusra, një grup i shoqëruar me “Al Kaedën” që SHBA e konsideron organizatë terroriste.

“ثshtë shumë e rëndësishme që Katari të kuptojë se Nusra nuk është organizata e vetme që destabilizon situatën në Siri”, tha një zyrtar amerikan. “Kjo është një çështje sigurie kombëtare për ne dhe ata nuk duhet të marrin armatimet.”

Por Charles Lister, një analist i terrorizmit në Londër, tha se ka prova që Katari e ka shtuar mbështetjen për grupimet e vijës së ashpër në Sirinë e Veriut. Lister tha se nuk ka prova që të tregojë se Katari po armatos frontin Nusra, por tha se për shkak të dinamikave ekzistuese të militantëve, transferimi i armëve të Katarit në terren vështirë se mund të bëhet në mënyrë të tillë që grupet ekstremiste të mos përfitojnë.

“ثshtë e pashmangshme që armët e furnizuara nga një shtet rajonal si Katari të përdoren së paku në operacionet e përbashkëta mes Ushtrisë së Sirisë së Lirë dhe frontit Nusra”, tha ai.
G.Shqip
 
Top