• Mirësevini tek Forumi Virtual

    Nëse ju shfaqet ky mesazh do të thotë se ju nuk jeni regjistruar akoma. Edhe pse nuk jeni regjistruar ju arrini të shihni pjesën me të madhe të seksioneve dhe diksutimeve të forumit, por akoma nuk gëzoni të drejten për të marrë pjesë në to dhe në avantazhet e të qënurit anëtar i këtij komuniteti.

    Regjistrimi është plotësisht falas në komunitetin tonë, pasi të regjistrohesh do të gëzosh shumë të drejta si të japesh mendimin tënd në një diskutim, të hapësh një diksutim tëndin, të komunikosh me anëtarët e tjerë të komunitetit në mënyrë private, të marësh pjesë dhe të votosh në konkursin e poezisë dhe të fotografisë dhe shumë opsione të tjera... duke përdorur mënyrën më të thjeshtë dhe të sigurtë për tu rregjistruar
    GOOGLE Microsoft Yahoo

    Për cdo problem mos hezitoni të na " KONTAKTONI ".

Masakroi të dashurën me thikë se refuzoi fejesën

Masakroi të dashurën me thikë se refuzoi fejesën: O bashkë të gjallë, ose do të vdesim të dy
“Nuk dua të ndahem nga ty. O bashkë të gjallë, ose do të vdesim të dy”. Kështu i është drejtuar 33-vjeçari nga Durrësi, Antonio Zani, të dashurës 13 vite më të vogël, e cila nuk i kishte pranuar propozimin për fejesë.

Pasojat ishin të rënda, pasi 20-vjeçarja, me inicialet A.D., pas refuzimit u masakrua me thikë nga i dashuri i saj 33- vjeçar, i cili më pas tentoi të vetëvritej. Ngjarja e rëndë ka ndodhur mëngjesin e djeshëm, rreth orës 06:00, në lagjen Nr.8, Durrës, në vendin e punës së vajzës.

Për pasojë 20-vjeçarja përfundoi në Spitalin Ushtarak të Tiranës në rrezik për jetën, ndërsa i dashuri i saj në spitalin e Durrësit, pasi u vetëplagos. Sipas Policisë, ngjarja është zhvilluar në shtëpinë e një të moshuare në lagjen 8 të qytetit bregdetar, aty ku qëndronte e reja natën, për t’u kujdesur për të sëmurën.

“Antonio Zani ka shkuar në banesën e shtetases N.M., ku e dashura e tij ishte e punësuar si kujdestare nate për të zonjën e shtëpisë, e cila ishte invalide dhe si rezultat i një konflikti çasti e ka goditur disa herë me thikë në trup. Për pasojë i ka shkaktuar plagë të rënda dhe shtetasja A.D. ndodhet në Spitalin Ushtarak Tiranë nën kujdesin e mjekëve”, bëri të ditur Policia, disa orë pasi hetoi dhe zbardhi ngjarjen.

Mësohet se edhe autori i dyshuar ka marrë plagë në trup dhe ndodhet nën kujdesin e mjekëve në Spitalin Rajonal Durrës, pasi me të njëjtën thikë që plagosi të dashurën, plagosi edhe veten.

“Gjatë këqyrjes së vendit të ngjarjes u gjetën thika dhe një qese me një sasi lëndë narkotike e dyshuar e llojit kanabis sativa, si dhe tre aparate telefoni celularë. Nga kryerja e veprimeve hetimore dyshohet se autori ka qenë nën ndikimin e lëndëve narkotike në momentin e kryerjes së veprës”, sqaroi Policia, e cila bëri të ditur se Zani është person me precedentë penalë të mëparshëm në fushën e veprave penale kundër jetës dhe lëndëve narkotike.

HETIMI

Shkak për përplasjen mes çiftit të të dashuruarve mësohet të jetë bërë fakti se 20- vjeçarja ka refuzuar propozimin për fejesë që i dashuri i saj 33-vjeçar i kishte bërë pak ditë më parë.

Burime thanë për gazetën “Panorama” se të rinjtë kishin disa kohë të dashuruar dhe parimisht kishin rënë dakord për ta finalizuar me fejesë lidhjen e tyre. Por prindërit e vajzës, të cilët e njihnin 33-vjeçarin dhe precedentët e tij, mësohet se nuk kanë pranuar që vajza e tyre të fejohet me Zanin.

Në këto kushte, vajza i ka kthyer përgjigje negative të dashurit, duke refuzuar të takohej në vazhdim me të. Refuzimi i vajzës ka acaruar së tepërmi 33-vjeçarin, i cili, pasi kishte konsumuar alkool dhe hashash gjatë natës, në të gdhirë i shkon të dashurës në vendin e saj të punës për t’i kërkuar llogari.

Pasi ishte futur në ambientet e brendshme të banesës të së moshuarës, për të cilën kujdesej gjatë natës e dashura e tij, ka filluar përplasjet me 20-vjeçaren. Kjo e fundit i ka kërkuar disa herë të largohej, pasi po shqetësonte të moshuarën dhe banorët e lagjes, por Zani i revoltuar nuk e mori parasysh kërkesën e të dashurës.

Mësohet se A.D. ka tentuar ta godasë me një karrige, me qëllim për ta larguar nga shtëpia e pronares së saj, ndërsa ai e ka qëlluar disa herë me thikë, duke e lënë të plagosur rëndë dhe të mbuluar nga gjaku.

Zani ka menduar se e dashura ka vdekur si pasojë e goditjeve dhe ka vendosur të vetëvritej me të njëjtën thikë që plagosi rëndë 20- vjeçaren. Por Zani u dërgua në kohë në spitalin e Durrësit, ku ndodhet jashtë rrezikut për jetën, por i akuzuar për tentativë vrasjeje./Panorama
 

Legally_Sweet

Ain’t no sunshine when she’s gone
Staf në FV.AL
Titulli: Masakroi të dashurën me thikë se refuzoi fejesën

Kta lloj meshkujsh kane nevoje me i be nje kontroll trurit!
 

Arfenilla

Themelues i Forumit
Titulli: Masakroi të dashurën me thikë se refuzoi fejesën

Jemi ba si njerz te malit...tmerr kur mendon se dhe ne shqiptaret vrasim e masakrojm.
 

Nicktjeter

Per aspera ad astra.
Titulli: Masakroi të dashurën me thikë se refuzoi fejesën

Po normale si guxo tjetra e refuzoooo i here
Pfff
kalo jeten me te, makiato uje pa gaz oferta te gjitha ky
e pastaj nuk fejohet
Bravo cuniii te gjithe ne kembe per nje duartrokitje per dinjitet madhor qe ka treguar.
#jesuisAntonio
 
Top