• Mirësevini tek Forumi Virtual

    Nëse ju shfaqet ky mesazh do të thotë se ju nuk jeni regjistruar akoma. Edhe pse nuk jeni regjistruar ju arrini të shihni pjesën me të madhe të seksioneve dhe diksutimeve të forumit, por akoma nuk gëzoni të drejten për të marrë pjesë në to dhe në avantazhet e të qënurit anëtar i këtij komuniteti.

    Regjistrimi është plotësisht falas në komunitetin tonë, pasi të regjistrohesh do të gëzosh shumë të drejta si të japesh mendimin tënd në një diskutim, të hapësh një diksutim tëndin, të komunikosh me anëtarët e tjerë të komunitetit në mënyrë private, të marësh pjesë dhe të votosh në konkursin e poezisë dhe të fotografisë dhe shumë opsione të tjera... duke përdorur mënyrën më të thjeshtë dhe të sigurtë për tu rregjistruar
    GOOGLE Microsoft Yahoo

    Për cdo problem mos hezitoni të na " KONTAKTONI ".

Një prej emrave më të mëdhenj të ‘Rilindjes’/ Zbulohet pas 127 vjetësh varri i Gjerasim Qiriazit

dgfjh.jpg

I njohur si themeluesi i shkollës së parë të vashave në Korçë, eshtrat e Gjerasimit, vëllait të motrave të shquara Qiriazi, preheshin të lëna në harresë në një varezë protestante në Strumicë, në qytetin jugor të Maqedonisë së Veriut.


Është zbuluar 127 vite pas vdekjes varri i Gjerasim Qiriazit, një prej emrave të njohur të Rilindjes Shqiptare, i cili veprimtarinë e tij intelektuale e vuri më së shumti në shërbim të interesave patriotike dhe zhvillimit të kulturës dhe arsimimit në gjuhën shqipe.

I njohur si themeluesi i shkollës së parë të vashave në Korçë, eshtrat e Gjerasimit, vëllait të motrave të shquara Qiriazi, preheshin të lëna në harresë në një varezë protestante në Strumicë, në qytetin jugor të Maqedonisë së Veriut.


Në kuadër të edicionit të dytë të manifestimit kulturoro–shkencor “Ditët e Alfabetit”, me rastin e 112-vjetorit të Kongresit të Manastirit dhe me organizimin e Institutit për Trashëgimi Shpirtërore e Kulturore në Maqedoninë e Veriut u bënë homazhe në nder të figurës dhe veprimtarisë së tij, ndërsa u vlerësua kontributi që ai dha për zhvillimin e gjuhës shqipe dhe në arsimimin e qindra fëmijëve në vitet e vështira të pushtetimit otoman.


Ai ishte një bashkëpunëtor i emrave të tjerë të Rilindjes Shqiptare si Abdyl, Naim, e Sami Frashërit, Mihal Gramenos e Kristo Dakos.
Ai shkroi shumë vjersha dhe këngë, si dhe bëri gati librin “Kristomaci” i cili u botua pas vdekjes. Gjerasim Qiriazi njihet gjithashtu edhe si predikues dhe themelues i Kishës Protestante në Shqipëri.

Marrë nga Tv Klan
 
Private conversations
Help Users
    Top