• Mirësevini tek Forumi Virtual

    Nëse ju shfaqet ky mesazh do të thotë se ju nuk jeni regjistruar akoma. Edhe pse nuk jeni regjistruar ju arrini të shihni pjesën me të madhe të seksioneve dhe diksutimeve të forumit, por akoma nuk gëzoni të drejten për të marrë pjesë në to dhe në avantazhet e të qënurit anëtar i këtij komuniteti.

    Regjistrimi është plotësisht falas në komunitetin tonë, pasi të regjistrohesh do të gëzosh shumë të drejta si të japesh mendimin tënd në një diskutim, të hapësh një diksutim tëndin, të komunikosh me anëtarët e tjerë të komunitetit në mënyrë private, të marësh pjesë dhe të votosh në konkursin e poezisë dhe të fotografisë dhe shumë opsione të tjera... duke përdorur mënyrën më të thjeshtë dhe të sigurtë për tu rregjistruar
    GOOGLE Microsoft Yahoo

    Për cdo problem mos hezitoni të na " KONTAKTONI ".

OBSH zbardh të vërtetën e laboratorit të Wuhan, prej nga shpërtheu pandemia e koronavirusit

OBSH zbardh të vërtetën e laboratorit të Wuhan, prej nga shpërtheu pandemia e koronavirusit

1588858749757.png

Organizata Botërore e Shëndetit tha të hënën se Uashingtoni nuk kishte ofruar prova për të mbështetur pretendimet “spekulative” të presidentit amerikan, se koronavirusi e kishte origjinën në një laborator kinez.

“Ne nuk kemi marrë asnjë të dhënë ose provë specifike nga qeveria e Shteteve të Bashkuara në lidhje me origjinën e supozuar të virusit – kështu që nga këndvështrimi ynë, kjo mbetet spekulative”, tha drejtori i emergjencave të OBSH-së, Michael Ryan përmes një konference virtuale.

Shkencëtarët besojnë se virusi vrasës kaloi nga kafshët te njerëzit, kur u shfaq në Kinë në fund të vitit të kaluar, ndoshta nga një treg në Wuhan ku shiteshin kafshë ekzotike për mish.
Epidemiologu i njojur amerikan Anthony Fauci i bëri jehonë deklaratës së OBSH-së në një intervistë të botuar të hënën në mbrëmje, nga National Geographic. “Nëse shikoni evolucionin e virusit nga lakuriqët dhe çfarë ekziston tani (prova shkencore), nuk është e mundur të manipulohet artificialisht ose me qëllim”, tha Fauci për revistën. “Gjithçka rreth evolucionit hap pas hapi tregon se (ky virus) evoluoi në natyrë dhe pastaj kalojë në specie,” tha ai.

Presidenti amerikan Donald Trump, gjithnjë e më kritik ndaj mënyrës se si Kina menaxhoi shpërthimin, pretendon të ketë prova se virusi filloi në një laborator në Wuhan. Dhe Sekretari i Shtetit Mike Pompeo ha se “ka shumë prova” që mbështesin atë pretendim, megjithëse komuniteti i inteligjencës amerikane javën e kaluar tha se do të vazhdojë të studiojë, nëse shpërthimi buronte nga kafshët, apo nga një aksident laboratorik. Kina ka hedhur poshtë me forcë akuzat që laboratori ishte burimi i virusit.
OBSH tha javën e kaluar se dëshironte të merrte ftesë, për të marrë pjesë në hetimet kineze mbi origjinën shtazore të pandemisë, e cila brenda disa muajsh ka vrarë më shumë se 250,000 njerëz në të gjithë botën.
“Ne kemi ofruar, siç bëjmë me çdo rast dhe në çdo vend, ndihmë për kryerjen e hetimeve,” tha Ryan të hënën. Ne mund të mësojmë shumë nga shkencëtarët kinezë”, tha ai. Por ai paralajmëroi që nëse pyetjet në lidhje me origjinën e virusit “parashikohen të bëhen si hetim agresiv, atëherë do jetë shumë më e vështirë që të dalim në përfundimet e duhura. Kjo është një çështje politike”.
“Shkenca duhet të jetë në qendër,” shtoi ai. “Nëse kemi një hetim të bazuar në shkencë se cilat janë speciet e origjinës dhe speciet e ndërmjetme, atëherë nga kjo do të përfitojë i gjithë planeti”. / Times – Bota.al
©Copyright Gazeta SHQIP
 

Comments

Top