• Mirësevini tek Forumi Virtual

    Nëse ju shfaqet ky mesazh do të thotë se ju nuk jeni regjistruar akoma. Edhe pse nuk jeni regjistruar ju arrini të shihni pjesën me të madhe të seksioneve dhe diksutimeve të forumit, por akoma nuk gëzoni të drejten për të marrë pjesë në to dhe në avantazhet e të qënurit anëtar i këtij komuniteti.

    Regjistrimi është plotësisht falas në komunitetin tonë, pasi të regjistrohesh do të gëzosh shumë të drejta si të japesh mendimin tënd në një diskutim, të hapësh një diksutim tëndin, të komunikosh me anëtarët e tjerë të komunitetit në mënyrë private, të marësh pjesë dhe të votosh në konkursin e poezisë dhe të fotografisë dhe shumë opsione të tjera... duke përdorur mënyrën më të thjeshtë dhe të sigurtë për tu rregjistruar
    GOOGLE Microsoft Yahoo

    Për cdo problem mos hezitoni të na " KONTAKTONI ".

Pamje të jashtëzakonshme të rrëqebullit të Ballkanit, i cili është parë në Bjeshkët e Nemuna

Pamje të jashtëzakonshme të rrëqebullit të Ballkanit, i cili është parë në Bjeshkët e Nemuna


Nën-lloji më i rrezikuar në botë, rrëqebulli i Ballkanit, është fotografuar në parkun kombëtar Bjeshkët e Nemuna.
Rrëqebulli është fotografuar nga organizata mjedisore ERA Group, përmes kamerave të veçanta të quajtur “Kamera-kurth”.
Përfaqësuesit e organizatës ERA Group, kanë dokumentuar prezencën e këtij lloji në territorin e Parkut Kombëtar Bjeshkët e Nemuna me fotografitë e bëra nga kamerat kurth.
Për praninë e rrëqebullit në Bjeshkët e Nemuna ka pasur informacione prej viti 1974, por nuk ka pasur konfirmim të dokumentuar me fotografi.

Kosova është vendi i tretë që e ka dokumentuar praninë e rrëqebullit në territorin e saj përmes fotografive.
Shpërndarja aktuale e rrëqebullit ballkanik është e kufizuar në Ballkanin jugperëndimor, kryesisht ne zonat kufitare mes Maqedonisë dhe Shqipërisë, duke u përhapur në veri në Mal të Zi dhe në Kosovë.
Vlerësohen të jenë më pak se 100 sosh dhe paraqet specien e rrëqebullit më të rrezikuar në tërë botën.
Ky rezultat vjen si pjesë e aktiviteteve të projektit të mbështetur nga Euronature dhe Kora, “Mbrojtja dhe konservimin e natyrës së egër në territorin e Ballkanit” i cili që nga viti 2013 e ka shtrirë aktivitetin e tij edhe në Kosovë përmes organizatave ERA Group dhe “FINCH”.
Qëllimi kryesor i këtij projekti është ruajtja e rrëqebullit, e gjahut te tij dhe e habitatit të tij.
Rrëqebulli i Ballkanit (Lynx lynx martinoi) është nën specie e Rrëqebullit të Euro Azisë (lynx lynx). Është kafshë e egër mishngrënëse dhe bën pjesë në familjen e maceve (Felidae), me trup deri një metër të gjatë, me qime të buta, të dendura e me ngjyrë të murrme lara-lara, me veshë të ngritur e me bisht të shkurtër.
Rrëqebulli në Kosovë është kafshë e mbrojtur me ligj që nga viti 1973. /Telegrafi/

Categories: Lajme
 

Comments

Top