• Mirësevini tek Forumi Virtual

    Nëse ju shfaqet ky mesazh do të thotë se ju nuk jeni regjistruar akoma. Edhe pse nuk jeni regjistruar ju arrini të shihni pjesën me të madhe të seksioneve dhe diksutimeve të forumit, por akoma nuk gëzoni të drejten për të marrë pjesë në to dhe në avantazhet e të qënurit anëtar i këtij komuniteti.

    Regjistrimi është plotësisht falas në komunitetin tonë, pasi të regjistrohesh do të gëzosh shumë të drejta si të japesh mendimin tënd në një diskutim, të hapësh një diksutim tëndin, të komunikosh me anëtarët e tjerë të komunitetit në mënyrë private, të marësh pjesë dhe të votosh në konkursin e poezisë dhe të fotografisë dhe shumë opsione të tjera... duke përdorur mënyrën më të thjeshtë dhe të sigurtë për tu rregjistruar
    GOOGLE Microsoft Yahoo

    Për cdo problem mos hezitoni të na " KONTAKTONI ".

Peshngritje:Rezultoi me doping, Hysen Pulaku pezullohet deri më 2016

cent

...Lontano
i1g1ma.jpg
Ndëshkimet për peshëngritjen shqiptare nuk rreshtin. Nga dita në ditë mbërrijnë vendimet pezulluese për sportistë të vecantë, teksa më i fundit që mëson “mandatën” 4-vjecare është Hysen Pulaku. Një ditë pasi u mor vesh se peshëngritja shqiptare përjashtohet për një afat të pacaktuar nga cdo aktivitet ndërkombëtar, ka qenë sërish Federata Ndërkombëtare e Peshëngritjes, ajo që ka pezulluar Hysen Pulakun deri në vitin 2016. Vendimi i “qeverisë” së këtij sporti në Europë ka mbërritur tashmë në Komitetin Olimpik Shqiptar. Pezullimi i peshëngritësit nga Elbasani ka ardhur pas konstatimit të substancave të ndaluara në trupin e tij një ditë para nisjes së Lojërave Olimpike në Londër. Në vendimin e marrë nga Federata Ndërkombëtare e Peshëngritjes saktësohet edhe një gjobë prej 5 mijë dollarësh që duhet ta paguajë Federata Shqiptare e Peshëngritjes në mënyrë të menjëhershme për kostot e analizave që vërtetuan pozitivitetin e Pulakut me doping.

Rastet e peshëngritësve shqiptarë me doping
1. Ilir Suli u kap me doping, pas kontrollit të Agjencisë Ndërkombëtare të Antidopingut që bëri në Shqipëri, më 4 prill të këtij viti. Më 29 prill, vetë peshëngritësi e konfirmoi.
2. Festa e Erkand Qerimajt, pasi fitoi titullin e kampionit të Evropës në Antalia në peshën 77kg, zgjati vetëm pak javë. Në testet antidoping, pas këtij kompeticioni, shtangisti rezultoi pozitiv dhe u pezullua 2 vjet nga të gjitha aktivitetet.
3. Hysen Pulaku është peshëngritësi i tretë shqiptarë që rezultoi pozitiv në testin antidoping gjatë këtij viti. Ai iu nënshtrua kontrollit vetëm një ditë pasi kishte mbërritur në Londër.
4. Fetije Kasaj rezultoi pozitive në testin antidoping më 2007-ën.
5. Ilir Kafarani ishte i pari peshëngritës shqiptar që rezultoi me doping. Kjo ndodhi më 2005-ën, kur shtangisti u dënua me masën ekstreme për të mos garuar më përjetësisht në këtë sport. Më pas, në 2007-ën është kapur me doping edhe Isa Bala.

Godelli, një tjetër njollë
Peshëngritësi Daniel Godelli do të qëndrojë 30 ditë në burg. Ky është vendimi i marrë nga Gjykata e Lartë e Elbasanit për kampionin e botës për të rinj në peshëngritje. Godelli është ndaluar gjatë një kontrolli rutinë nga uniformat blu të Elbasanit para disa ditësh, të cilët kanë gjetur në makinën e tij 2 armë pa leje dhe për pasojë e kanë shoqëruar sportistin për në stacionin e policisë.
/panorama-sport
 
Top