• Mirësevini tek Forumi Virtual

    Nëse ju shfaqet ky mesazh do të thotë se ju nuk jeni regjistruar akoma. Edhe pse nuk jeni regjistruar ju arrini të shihni pjesën me të madhe të seksioneve dhe diksutimeve të forumit, por akoma nuk gëzoni të drejten për të marrë pjesë në to dhe në avantazhet e të qënurit anëtar i këtij komuniteti.

    Regjistrimi është plotësisht falas në komunitetin tonë, pasi të regjistrohesh do të gëzosh shumë të drejta si të japesh mendimin tënd në një diskutim, të hapësh një diksutim tëndin, të komunikosh me anëtarët e tjerë të komunitetit në mënyrë private, të marësh pjesë dhe të votosh në konkursin e poezisë dhe të fotografisë dhe shumë opsione të tjera... duke përdorur mënyrën më të thjeshtë dhe të sigurtë për tu rregjistruar
    GOOGLE Microsoft Yahoo

    Për cdo problem mos hezitoni të na " KONTAKTONI ".

Ruçi, mesazh për Luftën: Fitorja e LANÇ u vulos me 28 mijë dëshmorë

Hera

Βιβλίο φάγος
Ruçi, mesazh për Luftën: Fitorja e LANÇ u vulos me 28 mijë dëshmorë

ARISTIR LUMEZI/ Kryetari i Kuvendit, Gramoz Ruçi, vlerësoi Luftën Antifashiste Nacionalçlirimtare si një legjion nderi i kombit shqiptar.

Ruçi në ceremoninë e Brigadës së 16 Sulmuese Partizane
Ruçi në ceremoninë e Brigadës së 16 Sulmuese Partizane


Në një mesazh urimi për ish-partizanët, veteranët, pasardhësit dhe familjet e dëshmorëve të Brigadës XVI Sulmuese, kryeparlamentari e cilësoi LANÇ-in si një vlerë të kombit shqiptar, që as nuk duhet mohuar dhe as errësuar, duke hedhur poshtë vlerësimet e disa historianëve dhe studiuesve se lufta u kthye në vëllavrasëse mes shqiptarëve.

“Ushtria partizane ishte një legjion nderi i kombit shqiptar. Unë shpreh respektin dhe mbështetjen time të fuqishme për Organizatën e Veteranëve të LANÇ-it dhe Organizatën Kombëtare për Dëshmorët e LANÇ-it dhe Dëshmorët e tjerë të Atdheut, në misionin dhe kontributin e tyre për të mbrojtur, lartuar e ndriçuar të vërtetat e pakundërshtueshme të LANÇ-it ndaj çdo përpjekjeje për t’i mohuar apo errësuar ato”, shprehet Ruçi në mesazhin e tij.

Sipas tij, vlerësimi i kësaj periudhe të historisë së Shqipërisë duhet bërë bazuar në fakte dhe jo në pikëpamje të individëve të ndryshëm. “E kam thënë dhe po e përsëris: Për LANÇ-in, cilido mund të ketë pikëpamjet e tij, por jo faktet e tij. Dhe faktet flasin se fitorja e LANÇ-it dhe çlirimi i Shqipërisë janë vulosur me 68 muaj luftë dhe sakrificat e 70 mijë luftëtarëve dhe 28 mijë dëshmorëve”, pohoi Ruçi.

Ai shprehet se në këtë 75-vjetor të çlirimit të atdheut, shqiptarët vlerësojnë vetëm LANÇ-in.

“Ky vit është viti i 75-vjetorit të çlirimit të Shqipërisë nga pushtuesit nazifashistë dhe kolaboracionistët shqiptarë. Është viti të rikujtojmë se çlirimi i atdheut është rezultat i Luftës Antifashiste Nacionalçlirimtare të partizanëve shqiptarë, të organizuar në Ushtrinë Nacionalçlirimtare. Është viti të rikujtojmë se në rreth gjashtë vjet u ndeshën në beteja të përgjakshme dy ushtri të pabarabarta. Përmbi makinerinë e rëndë ushtarake të pushtuesve e tradhtarëve, përmbi topat, tanket e avionët e tyre, luftuan e triumfuan partizanët shqiptarë, të organizuar në ushtrinë e tyre që ushqehej e veshmbathej nga kasollet e varfra të Shqipërisë dhe bujaria e popullit liridashës”, tha Ruçi.

Duke shprehur vlerësimin e tij për formacionet luftarake që u bashkuan në Brigadën e 16-të, Ruçi tha se të shumtë ishin edhe myzeqarët që u rreshtuan në të, pavarësisht se ajo njihet si brigada e formuar nga skraparllinjtë.

“Brigada XVI u krijua nga bashkimi i ish-formacioneve të njohura partizane: grupi i tretë i Skraparit, grupi i tretë i Mallakastrës, grupi i parë i Kurveleshit dhe grupi i Myzeqesë. Përveç 200 partizanëve të Brigadës XVI, Myzeqeja u bë burim edhe për brigada të tjera të Ushtrisë partizane: 52 partizanë myzeqarë u rreshtuan në Brigadën I, 120 në Brigadën VII, 82 në Brigadën VIII, 70 në Brigadën X etj.”, tha Ruçi.

Si e tillë, sipas kryeparlamentarit, kjo brigadë luftoi në trekëndëshin Berat-Lushnje Fier dhe numëron 56 dëshmorë. “Brigada XVI mund të quhet ndryshe edhe brigada partizane e rinisë. Ndër 560 partizanet e partizanët e saj, më shumë se 85 për qind ishin në moshë të re, 15-30-vjeçarë dhe rreth 70 prej tyre ishin vajza.

Brigada XVI luftoi kryesisht në trekëndëshin Berat Lushnjë-Fier dhe e shndërroi Myzeqenë në një arenë betejash të përgjakshme kundër nazistëve dhe kolaboracionisteve. Brigada XVI luftoi me një ushtri armike të mirëpajisur me armatimet më të rënda dhe bandat e bashkëpunëtorëve vendës në mbështetje të tyre. Brigada XVI ngriti në altarin e lirisë 56 vajza e djem të bukur e trima, shumica e të cilëve ranë dëshmorë në lulen e rinisë”, tha ndër të tjera Ruçi.
 

Drejtori

Shkapallatauuuu....✌️✌️✌️
Te rroje partia Shoku Rocka sorry Ruci. :p :D
 
Top