• Mirësevini tek Forumi Virtual

    Nëse ju shfaqet ky mesazh do të thotë se ju nuk jeni regjistruar akoma. Edhe pse nuk jeni regjistruar ju arrini të shihni pjesën me të madhe të seksioneve dhe diksutimeve të forumit, por akoma nuk gëzoni të drejten për të marrë pjesë në to dhe në avantazhet e të qënurit anëtar i këtij komuniteti.

    Regjistrimi është plotësisht falas në komunitetin tonë, pasi të regjistrohesh do të gëzosh shumë të drejta si të japesh mendimin tënd në një diskutim, të hapësh një diksutim tëndin, të komunikosh me anëtarët e tjerë të komunitetit në mënyrë private, të marësh pjesë dhe të votosh në konkursin e poezisë dhe të fotografisë dhe shumë opsione të tjera... duke përdorur mënyrën më të thjeshtë dhe të sigurtë për tu rregjistruar
    GOOGLE Microsoft Yahoo

    Për cdo problem mos hezitoni të na " KONTAKTONI ".

Starton “Euro 2016”, ceremoni madhështore në “Stade de France”

NeVertiti

Kohe & Stine
Staf në FV.AL
Vendndodhja
Pertej Horizontit
Starton “Euro 2016”, ceremoni madhështore në “Stade de France”



Kampionati Europian i futbollit ka nisur këtë mbrëmje me një ceremoni madhështore në “Stade de France”, që i ka paraprirë ndeshjes së parë të turneut, Francë-Rumani.

Muzikë nën tingujt e DJ-it David Guetta, balet dhe performanca të tjera kanë shënuar nisjen e këtij eventi të shumëpritur.

Gjithashtu, një skuadrilje e aviacionit francez përshkoi qiellin e Parisit, duke fluturuar edhe mbi stadium e duke lëshuar ngjyrat blu, e bardhë e të kuqe, të flamurit të vendit pritës.

Ndërkohë, masat e sigurisë në hyrje të “Stade de France” në Saint Denis kanë qenë shumë të rrepta.

Të gjithë u janë nënshtruar kontrolleve personale, ndërsa të gjitha makinat janë ndaluar dhe kontrolluar në mënyrë shkencore. Edhe hyrjet për gazetarët e parkingjet zyrtare nuk i kanë shpëtuar kontrollit të policisë.

Disa orë para fillimit, edhe zyra e shtypit e stadiumit u evakuua për një kontroll anti-eksploziv. Gazetarët u ftuan që të braktisnin sallën për një mbikëqyrje sa më të imtësishme.

Ndërkohë, përreth impiantit ndodhen të parkuara disa dhjetëra autoblinda të policisë, ndërsa trupa ushtarake anti-turmë patrullojnë çdo perimetër të stadiumit.

/ Top Channel































 

NeVertiti

Kohe & Stine
Staf në FV.AL
Vendndodhja
Pertej Horizontit
Titulli: Starton “Euro 2016”, ceremoni madhështore në “Stade de France”

Euro 2016, Franca mposht 2-1 Rumaninë në ndeshjen hapëse



“Gjelat” e Deschamps e kanë nisur ashtu siç pritej, duke triumfuar me rezultatin 2-1 ndaj Rumanisë në ndeshjen hapëse të Europianit të organizuar pikërisht në Francë, edhe pse ndeshja nuk ishte edhe aq e lehtë në fushën e lojës.

Pjesa e parë nisi më mirë për rumunët, të cilët edhe pse konsideroheshin si jofavoritë në këtë përballje, arritën ta vinin në vështirësi të parët Francën e yjeve që në minutën e katërt të lojës. Stancu pati një rast të artë për të shënuar, por gjuajtja e tij nga një distancë e afërt me portën kundërshtare u bllokua nga portieri Hugo Lloris.

Megjithatë, “gjelat” e Didier Deschamps janë kundërpërgjigjur menjëherë me anë të Giroud, në minutën e 12, pas krosimit të Payet nga e majta, por sulmuesi i Arsenalit nuk arriti të mposhtte portierin rumun Tatarusanu. Vetëm dy minuta më vonë ishte finalisti i Champions League me Atleticon e Madridit, Antoine Griezmann, ai që tronditi shtyllën për francezët me një gjuajtje me kokë, por vetëm kaq.

45 minutat e para u mbyllën në barazim 0-0, ndërsa në të dytën ishte një panoramë krejt e ndryshme e sfidës, pasi gjatë saj pati plot 3 gola. Të parët ishin francezët që zhbllokuan rezultatin e takimit me anë të Olivier Giroud në minutën e 58 të takimit, pasi arriti të përfitonte nga një dalje jo e mirë e portierit rumun për të devijuar topin me kokë në katërkëndësh.

Rumania nuk u dorëzua kaq shpejt dhe në minutën e 64-t fiton një 11-metërsh, që do të ekzekutohej dhe do të shndërrohej në gol nga sulmuesi Stancu.

Megjithatë, zëvendësimet e 45-minutëshit të dytë rezultuan më efikase për Deschamps përballë rivalit të tij Iordanescu. Aktivizimi i Coman në vend të Griezmann dhe Martial në vend të Pogba i dhanë më shumë gjallëri sulmit francez, që e gjetën golin vetëm një minutë nga fundi i takimit me një supergol të shënuar nga Dimitri Payet. Sulmuesi mori një top nga jashtë zonës së rreptësisë dhe, pasi e kontrolloi mirë atë, lëshoi një të majtë “vrastare” duke e dërguar topin në trekëndëshin e djathtë të portës së mbrojtur nga Tatarusanu.

Mbrojtja më e mirë është sulmi, Rumania e provoi këtë gjë, por sërish nuk ia doli dot përpara superyjeve të Francës që ngjiten kështu vendin e parë në grupit A me 3 pikë, në pritje të takimit të dytë në grup që do të zhvillohet ditën e shtunë, asaj mes Shqipërisë dhe Zvicrës.











 
Top