• Mirësevini tek Forumi Virtual

    Nëse ju shfaqet ky mesazh do të thotë se ju nuk jeni regjistruar akoma. Edhe pse nuk jeni regjistruar ju arrini të shihni pjesën me të madhe të seksioneve dhe diksutimeve të forumit, por akoma nuk gëzoni të drejten për të marrë pjesë në to dhe në avantazhet e të qënurit anëtar i këtij komuniteti.

    Regjistrimi është plotësisht falas në komunitetin tonë, pasi të regjistrohesh do të gëzosh shumë të drejta si të japesh mendimin tënd në një diskutim, të hapësh një diksutim tëndin, të komunikosh me anëtarët e tjerë të komunitetit në mënyrë private, të marësh pjesë dhe të votosh në konkursin e poezisë dhe të fotografisë dhe shumë opsione të tjera... duke përdorur mënyrën më të thjeshtë dhe të sigurtë për tu rregjistruar
    GOOGLE Microsoft Yahoo

    Për cdo problem mos hezitoni të na " KONTAKTONI ".

“Vrasja e shekullit”/ Rinis gjykimi për Izet Haxhinë

okkk-2.png


“Vrasja e shekullit”/ Rinis gjykimi për Izet Haxhinë, për vrasjen e Azem Hajdarit kërkohet si dëshmitar Berisha e familja Haklaj. Për herë të parë shfaqet dhe Zenel Neza.



Rinis gjykimi i çështjes së vrasjes së Azem Hajdarit. Prokuroria e Tiranës ka kërkuar të thirren si dëshmitarë Sali Berisha, Jaho Mulosmani dhe Ylli Rakipi. Sot Izet Haxhia nuk ka shkuar në sallën e gjyqit, por është përfaqësuar nga avokati i tij.


TIRANË- Nis nga e para gjykimi për ish-truprojën e Sali Berishës, Izet Haxhinë, i cili akuzohet si bashkëpunëtor në vrasjen e deputetit të Partisë Demokratike, Azem Hajdari. Prokuroria e Tiranës ka kërkuar që të marrë edhe njëherë në pyetje të gjithë dëshmitarët e vrasjes së ndodhur më 12 shtator të vitit 1998, jashtë selisë së Partisë Demokratike.

Burime për Dosja.al bëjnë me dije se janë kërkuar që të japin dëshminë e tyre ish-kryeministri i vendit, Sali Berisha, gazetari Ylli Rakipi, shoku i ngushtë i Fatmir Haklajt Jaho Mulosmani. Po ashtu kërkohet edhe dëshmia e dy motrave të familjes Haklaj, Aishes dhe Zylfies dhe vëllait Muharrem. Ndërkohë që për herë të parë do të merret edhe fjala e truprojës së Hajdarit, i cili u shpëtoi plumbave, Zenel Neza. Përveç tyre kërkohet edhe fjala e ish-ministrit Genc Pollo, ish-kreu i PD-së, Vili Minarolli dhe ish-truproja e Sali Berishës, Sali Lusha.

Në seancën që u zhvillua ditën e sotme, Izet Haxhia zgjodhi të mos ishte i pranishëm, duke u përfaqësuar nga avokati i tij Idajet Beqiri. Seanca e radhës është caktuar që të zhvillohet më 2 tetor, në orën 10:00 për t’u dhënë kohë edhe dëshmitarëve të japin versionin e tyre të ngjarjes.


Edhe vetë Haxhia ka dëshmuar për hetuesit e SPAK, nga e para gjithë çfarë ndodhi në mbrëmjen e 22 viteve më parë duke dëshmuar sipas avokatit Beqiri për 27 krime të Berishës, mes tyre dhe vrasjen e Shkëlqim Haklajt.

Izet Haxhia është dënuar në mungesë me 25 vite burg për vrasjen e ish-deputetit Azem Hajdari. Pas 17 vitesh në mungesë dhe azil në Turqi, Haxhia është rikthyer me vullnetin e tij në Shqipëri duke kërkuar rihapjen e dosjes, pasi ai kurrë nuk i ka pranuar akuzat e ekzekutimit të deputetit Azem Hajdarit në vitin 1998. Sipas Haxhisë, ai nuk ka pasur lidhje me atentatin, ndërsa i dënuar është edhe vëllai i tij, Ismeti. Dëshmitarët kanë pretenduar se ishte Haxhia personi që e nxiti deputetin Hajdati që të dilte jashtë selisë dhe të përballej me Fatmir Haklajn.

(A.B)/Dosja.al
 
Sa u be ky qe eshte ekstraduar?
Dhe vetem fjale asgje konkrete

Jo vetem fjale, jo... Edhe nje fushate kercenuese e JASHTEZAKONSHME ndaj tij dhe familjes se tij. I perplasen edhe makinen kur po shkonte ne prokurori per te dhene deshmi.

Nuk eshte e lehte per asnje prokuror dhe per asnje avokat qe te merret me nje ceshtje ku i akuzuari e ka shpallur veten armik te Berishes.
 
Bah kisha 2 vjet pa ardh ne Shqiperi dhe ndodhi kjo vrasje.... kurre skam prit me aq ankth te marr avjonin 🥺
 
Private conversations
Help Users
    Top