Andaluzia e periudhës Islame

Mihail Scott, historian Amerikan, thotë: Në Valencia, disa tunele të nëndheshme që përdoreshin për mbledhejen e ujrave të zeza, ishin aq të gjerë sa mund të zinin një makinë. Kanalet më të ngushta, ishin ato ku mund të hynte një gomar.

Alhambra e Granadës ...
Kalaja madhështore Arabe, në Andaluzi, është më përfaqësuesja dhe një nga monumentet më të njohura në të gjithë Spanjën. Kompleksi andaluzian i vendosur në Granada, rrëzë Sierra Nevada, u ndërtua duke filluar në 1238 dhe më pas përfundoi gjatë shekullit vijues.
Trashëgimia Botërore sipas UNESCO, ajo u përfshi në mesin e 21 finalistëve që garojnë për një vend në mesin e shtatë mrekullive të botës moderne

Abdurrahman ed Dahil solli me vete kulturën dhe mësimin nga qendra e botës Islame (Damasku) drejt e në zemër të Andaluzisë. Ai solli sistemin më të fundit të ujitjes në Spanjë dhe menjëherë peisazhi i atij vendi u transformua. Filloi kultivimi dhe rritja e palmave, limonit, portokallit, avokados dhe shegës, asnjëra prej të cilave nuk ishin parë më herët në Evropë.
Për shkak të rrjetit të sofistikuar tregtar të Abdurrahmanit, kjo bujqësi e re krijoi një pasuri të madhe. Dhe këto pasuri u përdorën për të ndërtuar njërin nga qytetet më të mëdhenj në botë (Kordovën). Ndërkohë që banorët e Londrës ende jetonin në shtëpi prej druri, banorët e Kordovës kishin ndërtuar një qytet kozmopolit me një popullatë prej më shumë se njëqind mijë banorë, vendbanimi më i madh në Evropë. Raportet nga vizitorët evropianë që kishin vizituar Kordovën tregojnë për një qytet me 70 biblioteka dhe me më shumë se 300 banjo publike. Përshtypjet tregojnë për shtëpitë me ujë të rrjedhshëm dhe për rrugët e ndriçuara nga dritat.
Shkëputje nga dokumentari i BBC: Kur Muslimanët sundonin në Evropë!