Bajerni e mbyll 2020-ën në vendin e parë, Levandovski bën për “aspirina” Leverkusenin në fund

Bajern Mynihu tregon karakterin e vërtetë duke arritur të fitojë sfidën e vështirë ndaj Bajer Leverkusenit në momentet e fundit të sfidës 1-2. Kampionët në fuqi të Gjermanisë dhe Europës e mbyllin vitin 2020 në vendin e parë me 30 pikë falë dopietës së “makinerisë” së golave Robert Levandovskit.
“Aspirinat” zhbllokuan sfidën me Patrik Shik në minutën e 14-të duke shënuar një gol spektakolar. Ndeshja mund të ishte ndërlikuar akoma më shumë për ekipin e Hansi Flik nëse nuk do të anullohej goli i dytë i sulmuesit çek në minutën e 28-të.

lg.php

Levandovski bëri detyrën 2 minuta nga fundi i pjesës së parë duke përfituar nga dalja e gabuar e portierit të Leverkusenit.

Deri në momentet e fundit të ndeshjes, dukej se Leverkusen do ta mbyllte këtë vit në vendin e parë, por thyerja e aksionit të vendasve nuk u shpërdorua nga Leva, i cili shënoi golin e triumfit.

Pas 13 ndeshjesh, Bajern kryeson me 30 pikë, kurse Leverkusen mbetet i dyti me 28 pikë.

FT| Bajer Leverkusen-Bajern Mynih 1-2

Shik 14’/ Levandovski 43’, 90’+3
 

Attachments

  • Epn8A_gXcAMk74J.jpg
    Epn8A_gXcAMk74J.jpg
    318.1 KB · Shikime: 10
Top