E ke gjithmonë me nxitim? Po ku po shkon…?

E ke gjithmonë me nxitim? Po ku po shkon…?​

Ju jeni pronarë të kohës suaj: mbrojeni atë me veprime të ndërgjegjshme dhe ngadalësim. Kështu shpirti gjen hapësirën e vet

1662836022571.png
Gjithmonë mbërrini në mbrëmje pa forcë. Keni një angazhim pas tjetrit, edhe në kohë pushimesh. Të jesh në hap me të gjithë dhe me gjithçka është një detyrë e pambarimtë, kërkesat shtohen dita-ditës dhe askush nuk është kurrë i lumtur. Sidomos ju.

Në këtë gjendje, sëmundjet që vijnë në mënyrë të përsëritur janë si një këmbanë alarmi: duke qenë se nuk mund ta ndaloni veten, trupi juaj kujdeset që t’ju japë një ndalesë. Nga “vija e parë”, mesazhi është i qartë: “Nuk ia dal dot më”. Dhe mbrojtja juaj psikike gjithashtu lëkundet.

Mësoni soditjen

Nevoja për pushim mendor nuk merret parasysh siç duhet. Ne mendojmë se pushojmë duke parë një film, bërë pazar, lexuar, vizituar vende të reja. Pra, duke bërë gjithmonë diçka (dhe më pas duke e postuar atë në rrjetet sociale). Por kur pushon vërtet mendja? Traditat e lashta monoteiste, me një urtësi intuitive mbi proceset që rregullojnë shëndetin tonë psikofizik dhe shpirtëror, përshkruanin një ditë në javë kur pushimi ishte i shenjtë. Dhe i detyrueshëm… Që nënkuptonte abstenim nga puna, por edhe nga shumë aktivitete të përditshme. Deri disa dekada më parë, praktikisht asgjë nuk mund të bëhej të dielave: përveç larjes së rrobave, pastrimit, riparimeve, stërvitjes, vazhdimit të punës. Lejohej vetëm pushimi, lutja dhe meditimi, një mundësi e jashtëzakonshme për t’i lënë vend shpirtit dhe për t’i dhënë prehje trupit dhe mendjes në jetën e përditshme.

Pse është kaq e vështirë të ndalosh dhe pushosh? Shpirti është në krizë

Shpesh ne vetë e bëjmë jetën një rrugë me pengesa. Të ndihesh gjithmonë nën presion të shtyn të mos ndalesh kurrë. Sepse nëse ndalon, duhet të përballesh me veten dhe me atë që të tremb. Teprica e dinamizmit shpesh e fsheh këtë anë në hije. Kur ndalemi, mbërrijnë mendimet, reflektimet … dhe sëmundjet. Më mirë shtrëngoni dhëmbët dhe vazhdoni. Por në një moment, trupi nuk mund të durojë më dhe ndalon bashkëpunimin. Për fat…

Flini më shumë: përmirëson kujtesën e antitrupave

Është jetike të mbrosh edhe gjumin. Pushimi i rregullt ndihmon për të ruajtur ekuilibrin tonë psikofizik dhe për të rregulluar kujtesën: jo vetëm atë mendore, por edhe atë imune, që bën mbrojtjen tonë më efikase në njohjen dhe eliminimin e patogjenëve. Gjumi kur ka një infeksion në zhvillim, ndihmon trupin të përqendrohet plotësisht në detyrën për ta luftuar atë.

Teknika: për një orë, është e ndaluar të veprosh

Jepini vetes leje të mos bëni asgjë, për të paktën një orë. Thjesht vëzhgoni, dëgjoni, ndjeni, shijoni, merrni frymë atë që po ndodh rreth jush. Kërkoni heshtjen brenda jush. Pa telefona celularë, pa libra, pa biseda. Lejohet një shëtitje, për sa kohë që është boshe, për të marrë ajër të pastër. Në këtë kohë të pezullt, rrini në heshtje dhe pa qëllim.

Thjesht përpiquni të jeni, siç bëjnë kafshët dhe bimët, dhe për të shijuar lumturinë e të ekzistuarit. Është gjendja më rigjeneruese nga të gjitha.

Shpenzoni mirë energjinë tuaj

Me këtë ushtrim, ju e stërvitni veten që të mos lejoni që bota e jashtme, me kërkesat e saj të pafundme, të marrë epërsinë. Jeni ju që kontrolloni ritmet tuaja. Filloni të ecni me një ritëm normal, në një dhomë mjaft të gjerë në shtëpi. Sillni vëmendjen tuaj në ritmin e frymëmarrjes tuaj ndërsa ecni. Më pas kryeni lëvizje të ngadalta. Sa më ngadalë. Vazhdoni të merrni frymë. Ecni në këtë mënyrë në pesë drejtime nëpër dhomë. Merrni frymë. Bëni pesë raunde të tjera me një ritëm normal, duke marrë frymë. Pastaj plotësoni pesë të tjera, sa më shpejt që të mundeni (kujdes të mos lëndoheni). Ruani kontrollin e frymëmarrjes.
bota.al
 
Top