• Mirësevini tek Forumi Virtual

    Nëse ju shfaqet ky mesazh do të thotë se ju nuk jeni regjistruar akoma. Edhe pse nuk jeni regjistruar ju arrini të shihni pjesën me të madhe të seksioneve dhe diksutimeve të forumit, por akoma nuk gëzoni të drejten për të marrë pjesë në to dhe në avantazhet e të qënurit anëtar i këtij komuniteti.

    Regjistrimi është plotësisht falas në komunitetin tonë, pasi të regjistrohesh do të gëzosh shumë të drejta si të japesh mendimin tënd në një diskutim, të hapësh një diksutim tëndin, të komunikosh me anëtarët e tjerë të komunitetit në mënyrë private, të marësh pjesë dhe të votosh në konkursin e poezisë dhe të fotografisë dhe shumë opsione të tjera... duke përdorur mënyrën më të thjeshtë dhe të sigurtë për tu rregjistruar
    GOOGLE Microsoft Yahoo

    Për cdo problem mos hezitoni të na " KONTAKTONI ".

Florenti nga Gjakova fiton “The Voice of Albania 3”

cent

Banned
TIRANE-Ka përfunduar me triumfin e Florentit edicioni i tretë i “The Voice of Albania”, pas një nate finale të magjishme dhe me performanca të shkëlqyera nga 4 konkurrentët finalistë.

Këngëtari i ri nga Gjakova, Florent Abrashi ka arritur të shpallet zëri më i mirë i shqiptarëve, pas një konkurrence të fortë që pati në natën finale nga Sigi, Bora dhe Krenari.

Ai ishte pjesë gjatë gjithë edicionit në skuadrën e Sidrit Bejlerit, me të cilin edhe e performoi duetin përmbyllës në fund “El Tango del Roxane” nga Mouline Rouge.

“Ndihem tepër i kënaqur. Shumë, shumë faleminderit. Kjo është një ëndërr”, tha Florenti pas triumfit.

Sa i përket garës finale, gjithçka nisi me performancat e para të secilit prej finalistëve: respektivisht Krenari me “Calling You” nga Jeff Buckley; Bora me “I love Rock ‘N’ Roll” nga Arrows - këngë që u bë e famshme më pas nga Joan Jett & The Blackhearts, por edhe Britney Spears -; Sigi me “Listen” nga Beyonce dhe Florenti me “In these Arms” nga Bon Jovi.

Sfida mes 4 talentëve të “The Voice” për çmimin e madh të edicionit të tretë vijoi edhe me perfomancat e dyta të secilit prej tyre, ku Sigi nga skuadra e Eltonit doli sërish para publikut të zjarrtë me “Think”, nga Aretha Franklin; Bora nga skuadra e Almës me “Ready for Love”, nga India Aire; Florenti nga skuadra e Sidritit me “Show must go on”, nga Queen; dhe Krenari nga skuadra e Aurelës me “Addicted to love”, nga Robert Palmer.

Por, natës finale të këtij spektakli nuk i munguan as performancat e secilit prej konkurrentëve së bashku me trajnerët respektivë të tyre, ku të gjithë spektatorët e telespektatorët shijuan duetet e Almës e Borës, me “I’ve seen that face before” të Grace Jones, Aurelës e Krenarit, me “Feel the passion dhe Jetoj” nga vet Aurela Gaçe, Eltonit e Sigit me “Steamy Windows” nga Tina Turner, dhe Sidritit e Florentit me “El tango del Roxane” të The Police, kolonë zanore e “Moulin Rouge”.

Pas rreth 1000 aplikuesve për të marrë pjesë në “The Voice of Albania 3”, ishin 80 konkurrentët që u ngjitën në skenë, në fazën e audicioneve të fshehura. Secili prej trajnerëve, duke dëgjuar vetëm zërin e këngëtarëve, shtypën butonat për t’i bërë pjesë të skuadrave të tyre.

48 konkurrentë në total, nga 12 për çdo trajner, nisën garën për zërin më të mirë të Shqipërisë. Faza e betejave, ku konkurrentët u përballën me njëri-tjetrin, dy e nga dy, duke interpretuar të njëjtën këngë. Në çdo duet, u zgjodh më i miri. Faza e “knock out”-it, përballje mes dy konkurrentëve, por me këngë të ndryshme. Për të mbërritur te netët e “Live”-t, nga pesë konkurrentë për çdo skuadër.
/BalkanWeb
 

Loverboy

мαи ωιтн α мιѕѕιои
Titulli: Florenti nga Gjakova fiton “The Voice of Albania 3”

Urime i qofte. E njoh kete cunin, por me vellaun e tij kam muhabet me te mire.
 

Vvetoni

Larguar
Titulli: Florenti nga Gjakova fiton “The Voice of Albania 3”

E gezovsh Florent, çdo mengjes kujdesu që të e mbash zërin në form :p
 

Marla

VIP
Titulli: Florenti nga Gjakova fiton “The Voice of Albania 3”

Mua me pelqeu me shume ajo vajza Sigi kendonte me bukur.

Mgjate urime fituesit.
 

Kila

VIP
Titulli: Florenti nga Gjakova fiton “The Voice of Albania 3”

Urime urimee ... si spo e fiton nje talent nga shqiperia 1 her mo ...
 
Top