Manchester City me 20 fitore radhazi, Bayern kthehet te fitorja

city-1100x620.jpg
Manchester City nuk ka rivalë këtë sezon në Angli dhe përveç blindimit të vendit të parë, “qytetarët” po argëtohen duke zmadhuar rekordin e fitoreve, që tashmë janë 20 rradhazi. Skuadra e Pep Guardiolës mundi edhe një kockë të fortë si West Ham, 2-1, dhe qëndron në krye me 13 pikë më shumë se United i vendit të dytë.

Ndërkaq, Bayern rigjeti fitoren në Bundesligë duke mundur me goleadë, 5 me 1 skuadrën e Këlnit. Bavarezët kërkojnë të mos lëshojnë më terren duke parë diferencën e vogël, të paktën me Laipzig që e ndjek me vetëm 2 pikë më pak. Këta të fundit e vazhduan serinë e fitoreve edhe me Borusia Munchengladbach, të cilët i mundën 3-2.

Kthesa erdhi shpejt edhe për PSG. Kampionët e Francës shfrynë përballë Dizho, dhe fituan me lehtësi 4-0. 2 gola të tjerë për Kilian Mbappe që kryeson listën e golashënuesve me 18 gola. Paris mban momentalisht vendin e dytë, ndërsa Ligue 1 udhëhiqet nga Lilë.

A2news.com
 
Top