Milani rikthehet i madh, mposht Zenitin në Rusi

cent

...Lontano
23m4qs0.jpg
RUSI - Milani ka lënë pas fantazmat e ndeshjeve të fundit, duke fituar 3-2 në Rusi ndaj Zenitit dhe duke treguar shenja “jete” pas një krize të zgjatur këtë sezon. Kuqezinjtë kanë treguar sërish momente të dobta, por karakteri dhe zemra që shpalosën në fushë futbollistët e Alegrit, të bën të besosh se kjo skuadër nuk është totalisht pa të ardhme. Milani ka realizuar dy herë që në startin e takimit, në fillim me një goditje të Urbi Emanuelson, që u devijua nga muri dhe më pas me El Sharauin.

Pikërisht ky i fundit ka qenë edhe heroi kuqezi, duke shënuar një gol të mrekullueshëm, pasi shmangu tre kundërshtarë. Por, përpos avantazhit të dyfishtë, asgjë nuk ka qenë e lehtë për ekipin italian. Në fundin e pjesës së parë, braziliani Hulk shkurtoi diferencën me një goditje potente në zonë, duke rindezur shpresat e skuadrës së Spaletit. Në startin e pjesës së dytë ishte Shirokov që barazoi me një gjuajtje me kokë, pas një goditjeje këndi. Zeniti pati disa minuta të mira, por Milani mori shpejt situatën nën kontroll, duke shënuar edhe golin e tretë, që ishte një autogol i Cuboçan.

“Janë gazetat që thonë se jemi në krizë, por nuk është e vërtetë dhe kjo ndeshje hedh poshtë gjithçka, - deklaroi trajneri i Milanit Masimiliano Alegri. - Na ne-vojitej të arrinim një fitore në Rusi. Zeniti megjithatë duhet respektuar për atë që dha në fushë. Pas barazimit të tyre mund edhe ta kishim pësuar, por lojtarët ishin të zotët që rezistuan. Jemi në një grup të vështirë, ku mendoj se gjithçka do të zgjidhet në ndeshjet e fundit”, tha ai.

/er.nu
 

Didi

C'est la vie.
Titulli: Milani rikthehet i madh, mposht Zenitin në Rusi

Shyqyre qe fituam njehere thuaj dhe kjo fitore shume e vuajtur ishte!
 
Top