• Mirësevini tek Forumi Virtual

    Nëse ju shfaqet ky mesazh do të thotë se ju nuk jeni regjistruar akoma. Edhe pse nuk jeni regjistruar ju arrini të shihni pjesën me të madhe të seksioneve dhe diksutimeve të forumit, por akoma nuk gëzoni të drejten për të marrë pjesë në to dhe në avantazhet e të qënurit anëtar i këtij komuniteti.

    Regjistrimi është plotësisht falas në komunitetin tonë, pasi të regjistrohesh do të gëzosh shumë të drejta si të japesh mendimin tënd në një diskutim, të hapësh një diksutim tëndin, të komunikosh me anëtarët e tjerë të komunitetit në mënyrë private, të marësh pjesë dhe të votosh në konkursin e poezisë dhe të fotografisë dhe shumë opsione të tjera... duke përdorur mënyrën më të thjeshtë dhe të sigurtë për tu rregjistruar
    GOOGLE Microsoft Yahoo

    Për cdo problem mos hezitoni të na " KONTAKTONI ".

PD: 20 mijë familje u përjashtuan nga ndihma ekonomike

NeVertiti

Kohe & Stine
Staf në FV.AL
PD: 20 mijë familje u përjashtuan nga ndihma ekonomike

http://top-channel.tv/wp-content/uploads/2018/02/pdok.jpg

Partia Demokratike thotë se mbi 20 mijë familje të varfra janë përjashtuar nga skema e ndihmës ekonomike padrejtësisht vetëm në muajin janar.


Deputetet e Partisë Demokratike të Qarkut të Tiranës, Oriola Pampuri, Grida Duma dhe Rudina Hajdari vizituan disa familje në zonën e Bathores, të cilat janë hequr padrejtësisht nga skema e ndihmës ekonomike.

“Në zyrën tonë të avokatisë në Partinë Demokratike dhe me zyrën ekonomike me bashkinë përkatëse të ndjekim rast pas rasti të gjitha familjet që janë përjashtuar nga ndihma ekonomike dhe të tregojnë që janë jo vetëm në meritën e tyre dhe në detyrimin e shtetit për t’u rifutur në skemë, por edhe për t’i treguar se kjo lloj skeme nuk funksionon dhe është e dështuar”, deklaroi deputetja Grida Duma.

Deputetet demokrate i kanë dërguar një shkresë Ministrisë së Shëndetësisë, ku kërkojnë transparencën e kritereve mbi të cilat vlerësohet marrja ose jo e ndihmës ekonomike.

Në total, sipas opozitës, qëkur PS ka ardhur në pushtet janë mbi 55 mijë familje që janë përjashtuar nga kjo skemë.

Top Channel
 

NeVertiti

Kohe & Stine
Staf në FV.AL
Pa shtëpi dhe pa të ardhura; Familja në mjerim në Lushnje

Pa shtepi dhe pa te ardhura; Familja ne mjerim ne Lushnje - Top Channel Albania - News - Lajme - YouTube

Mjerimi dhe skamja janë ulur “këmbëkryq” në familjen Toska në fshatin Kurtin të Komunës Hysgjokaj në rrethin e Lushnjes. Në këtë objekt jetojnë 6 persona, 3 prej të cilëve fëmijë. Ndërtesa është e rrënuar dhe në kohë të keqe, shiu hyn brenda.


“Unë jetoj këtu me djalin. Kushtet janë shumë të këqija, lahemi te banjo jashtë. Të paktën të mos na zërë poshtë ndërtesa”, Hanife Toska.

Në vitin 1993, Hanifja humbi bashkëshortin, të cilin ja vranë për një problem pronësie. Më pas, njëri nga fëmijët pëson një dëmtim në kokë.

“Burri ka 29 vjet që ka vdekur. Ma kanë vrarë këtu në shtëpi dhe qeveria nuk mori asnjë masë”, thotë Hanifja.

“Punoj te fshatarët e tjerë, por tashmë nuk ka as punë. Kam shkuar te shteti t’i kërkoja ndihmë, por më thanë se unë kam burrë. Po të vdesi burri, të ndihmojmë ne, më thanë”, tregon Zamira Toska, nusja e shtëpisë.

Ushqimet i marrin me lekë borxh aq sa dyqanet nuk i japin më. E gjithë familja, ndërkohë jeton vetëm me pensionin e invaliditetit të djalit.

“Mbledh lakra dhe i bëj sallatë e me ato hamë bukë. Me raste rrimë edhe pa ngrënë”, tregon Hanifja.

Top Channel
 
Top