Receta te ndryshme

sweetzzinna

Dum spiro, spero くる
Themelues
Titulli: Receta te ndryshme

Pulë e mbushur me oriz

Fikrie Gagica- Ukelli
Autore e librit “1000 receta për çdo familje”

Përbërësit:
* 1 pulë afro 1 ½ kg
* 1 filxhan çaji oriz (basmati)
* 100 gr gjalpë
* 1 qepë
* 1 lugë mustardë(senf)
* kripë, piper
* vegetë, ruzmarin të freskët ose të tharë

Pula pastrohet, fshihet, lyhet nga të gjitha anët me mustardë. I hidhet kripë, piper, vegetë dhe ruzmarinë. Në ndërkohë, zihet orizi 10 min. në ujë me kripë. Qepa e grirë imët, fërgohet në 50 gr gjalpë gjersa të zbutet. Hidhet orizi i kulluar, fërgohet pak me qepë, hidhet pak kripë e vegetë dhe me këtë masë orizi, mbushet pula. Vendoset në tavë ku do të piqet, mbi i hidhet pjesa e mbetur e gjalpit e nxehur mirë,por jo e djegur dhe ½ gotë ujë. Pula mbulohet me alufolie dhe futet në furrë të nxehtë me temp.200 gradë Celsius për t’u pjekur 1 orë.

Zbulohet nga folia, laget me lëngun të cilin e lëshon gjatë pjekjes dhe vazhdon të piqet edhe 30 min. gjersa të skuqet mirë.

Shërbehet me mbushjen dhe sallatë sipas dëshirës.
 

sweetzzinna

Dum spiro, spero くる
Themelues
Titulli: Receta te ndryshme

Toptha me arra të bluara

Fikrie Gagica- Ukelli
Autore e librit “1000 receta për çdo familje”

Përbërësit:
* 100 gr gjalpë
* 100-150 gr sheqer pluhur
* 1 vezë (e freskët)
* 150 gr çokollatë
* 150 gr arra të bluara
* 2 lugë supe rum
* 50 gr arra të grimcuara
* 50 gr bajame të grimcuara
* 50 gr çokollatë e grimcuar

150 gr çokollatë shkrihet mbi avull. Tundet gjalpi i zbutur me mikser. Shtohet sheqeri pluhur, veza dhe vazhdon tundja gjersa masa të bëhet e njëllojtë. Hidhet çokollata e shkrirë dhe e ftohur pak, rumi, si dhe arrat e bluara të cilat përzihen mirë gjersa masa të homogjenizohet. Futet në frigorifer ½ ore, pastaj nxirren me lugë të vogël dhe bëhen goglat me madhësi sipas dëshirës (afro 35 copë). Topthat kalohen në çokollatë, arra dhe bajame të gjitha të grimcuara.

Nëse topthat përgatiten në çast dhe brumi është pak i hollë, shtohet 1 lugë arra ose keks i bluar.
 

sweetzzinna

Dum spiro, spero くる
Themelues
Titulli: Receta te ndryshme

Tavë Elbasani

Fikrie Gagica- Ukelli
Autore e librit “1000 receta për çdo familje”

Përbërësit:
* 1 kg mish qengji,
* 1 kg kos të trashë ose të përzier me ajkë,
* 2 lugë gjalpë,
* 2-3 thelpinj hudhër të shtypur,
* 8-10 kokrra vezë,
* 2 lugë miell,
* kripë, vegetë, specall, piper.

Përgatitja:
Nëse është mish qengji i ri, pritet në copa racioni, kriposet, vendoset në tavë me yndyrë të nxehtë dhe futet në furrë për t’u pjekur. Kohë pas kohe, nëse ka nevojë, i shtohet nga pak ujë i nxehtë. Në të kundërtën, hidhet në tenxhere për t’u zier, e gjysmë i zier, vendoset në tavë, ku i hidhet pak supë dhe dy lugë gjalpë. Futet në furrë të nxehtë me temp. 200؛C që të piqet. Ndërkohë tunden vezët me kos, shtohen hudhrat e shtypura, mielli i ulur në pak ujë dhe lëng mishi, kripa, vegeta, piperi. Tavës me mish i hidhet një lugë specall, pastaj mbi mish derdhet masa e përzier e vezëve dhe rrafshohet në tërë tavën. Futet në furrë edhe për disa çaste, sa të mpiksen vezët, por të mbesin të buta. Shërbehet e nxehtë.
 

sweetzzinna

Dum spiro, spero くる
Themelues
Titulli: Receta te ndryshme

Salmon me salcë domatesh

Fikrie Gagica- Ukelli
Autore e librit “1000 receta për çdo familje”

Përbërësit:
* 4 fileta salmoni nga 150 gr,
* 3 dcl vaj ulliri,
* 1 qepë,
* 4-5 domate të mëdha,
* 2-3 thelpinj hudhre, kripë, 1 lugëz e rrafshuar sheqer, disa fletë fesligjen (borzilok),
* 50 gr gjalpë,
* 1/5 kg spinaq të freskët, disa kokrra ulliri, majdanoz,
* 3 dcl verë të bardhë,
* 2 lugë uthull,
* 1 lugë gjalpë,
* 1 lugë miell,
* 2 dcl qumësht.

Përgatitja:
اdo copë e salmonit pritet horizontalisht në tri fileta. Kriposen, u hidhet vaj ulliri dhe qëndrojnë në vend të ftohtë.
Qepa e grirë në rende fërgohet 4 minuta në vajin në të cilin është marinuar salmoni. Shtohet hudhra, përzihet 2-3 herë sa ta lëshojë aromën, pastaj shtohen domatet e qëruara dhe të prera në katrorë të vegjël. Në zjarr të ngadaltë zihen domatet 40 minuta. Para përfundimit, hidhet1 lugëz sheqer, kriposet sipas shijes dhe hidhet fesligjen i prerë imët ose i tharë. Në vend të salcës së përgatitur, mund të përdoren 4 lugë pure domatesh e gatshme, por ajo e përgatitur, është më e shijshme.

Spinaqi i përvëluar e i kulluar fërgohet në gjalpë 2 minuta. Në një lugë gjalpë fërgohet mielli 1-2 minuta. Shtohet qumështi dhe, duke e përzier vazhdimisht, vlohet salca edhe 3-4 minuta gjersa të trashet.

Në tepsi të lyer me yndyrë radhiten 4 fileta salmoni, mbi vihen fleta spinaqi, pastaj beshamelli e mbi të purea e domateve. Prapë vihet nga një filetë salmoni, spinaq, beshamell dhe mbulohet me salmon. Hidhen verë dhe uthull dhe futet në furrë të nxehtë me temperaturë 200 gradë C për t’u pjekur për afro 15 minuta. Salmoni i pjekur vendoset në 4 pjata e përreth, derdhet lëngu në të cilin janë pjekur. Zbukurohet me ullinj dhe fleta majdanozi.
 

sweetzzinna

Dum spiro, spero くる
Themelues
Titulli: Receta te ndryshme

Tortë “Margarita”

Fikrie Gagica- Ukelli
Autore e librit “1000 receta për çdo familje”

Përbërësit:
* 8 vezë,
* 8 lugë sheqer,
* 8 lugë miell,
* lëvore limoni.

Kremi i parë:
* 300 gr arra të bluara,
* 1,5 dcl qumësht,
* 150 gr margarinë i zbutur,
* 5 lugë sheqer pluhur,
* 100 gr çokollatë ose dy lugë kakao.

Kremi i dytë:
* 2 dcl qumësht,
* 1 puding vanileje,
* 3 lugë sheqer,
* 2 sheqer vanileje,
* 200 gr margarinë,
* 3 lugë sheqer pluhur.

Përgatitja:
Përgatitet patishpani me përbërësit e sipërshënuar dhe derdhet në tepsi të shtruar me letër shporeti. Piqet në furrë me temperaturë 200 gradë Celsius. Pasi të piqet, përmbyset në pecetë të lagur dhe largohet letra sa është patishpani i nxehtë. Posa të ftohet, lyhet me fillin e parë i cili përgatitet duke i lagur arrat e bluara me qumësht të valë. Shtohen çokollata e shkrirë, margarina e tundur me 5 lugë sheqer pluhur, pastaj të gjitha përzihen mirë, gjersa kremi të bëhet i njëllojtë. Me kremin e përgatitur lyhet sipërfaqja e patishpanit të ftohur, mbështillet në roladë dhe futet në frigorifer.
Përgatitet një puding me 2 dcl qumësht të valë dhe 3 lugë sheqer. Shtohen 3 të verdha të vezëve duke e tundur masën vazhdimisht. Veçantë tundet margarina e zbutur me 5 lugë sheqer pluhur dhe i shtohet masës së pudingut të ftohur. Të bardhat e vezëve tunden në bore të qëndrueshme, i shtohen kremit të ftohur,duke i përzier të gjitha mirë, gjersa të fitohet një krem i njëllojtë. Rolada pritet në 24 pjesë. Palosen në formë luleje në tri radhë nga 7 copa anash dhe nga një në mes. Të tri radhët lyhen me kremin e përgatitur. Në mes vihet një kapak kavanozi,që mesi të mbetet i verdhë,kurse pjesët e tjera përmbi dhe anash, lyhen me krem të rrahur të bardhë.
 

sweetzzinna

Dum spiro, spero くる
Themelues
Titulli: Receta te ndryshme

Supë-krem me kokë peshku

Fikrie Gagica- Ukelli
Autore e librit “1000 receta për çdo familje”

Përgatitja:
Priten në copa të vogla,1 qepë, 3 patate, 1 rrënjë majdanozi, 1 presh. Fërgohen në gjalpë ose margarinë. Shtohen 3-4 kokë dhe eshtra peshku, 10 kokrra piper, 2 fletë dafine, 2 kokrra karafil, 1 litër ujë dhe ¼ lit. qumësht.

Këto zihen në temperaturë të ulët 30 minuta. Largohen kokat e eshtrat nga supa dhe pastrohet mishi nga to. Supa kullohet dhe vihet në zjarr. 1/4 qumësht tundet me 1 të verdhë veze, 2 lugë ajkë, 2-3 lugë lëng limoni, 1 lugë worçester-salcë, 1 domate e kaluar në rende, 2 lugë të rrafshuara niseshte dhe i hidhet supës duke e përzier vazhdimisht. Supës i shtohen mishi dhe një gotë perime të ziera, sikurse: karotë, bizele, lulelakër dhe majdanoz i grirë hollë.
 

sweetzzinna

Dum spiro, spero くる
Themelues
Titulli: Receta te ndryshme

Fli Kosove

Fikrie Gagica- Ukelli
Autore e librit “1000 receta për çdo familje”

Përbërësit:
* 2 kg miell,
* 400 gr mazë ose gjalpë,
* 3 dcl ajkë ose kos i trashë,
* kripë, ujë.

Përgatitja:
Në enë 5-6 litërshe, hidhen ujë, kripë dhe duke e tundur i shtohet mielli i situr, gjersa të gatuhet një brumë më i hollë se i petullave (sa të mvishet gishti). Në tepsi të nxehtë, të lyer me yndyrë, hidhet në shirita me xhezve brumi i përgatitur, nga rrethi i tepsisë deri afër mesit. Piqet nën saç,ose në furrë,shkalla e lartë,e kyçur vetëm pjesa e sipërme e furrës në temperaturë të lartë. Posa të marrë një faqe ngjyrë të verdhë dhe pikla të kafenjta, spërkatet me mazë ose yndyrë të bashkuar me ajkë ose kos dhe gjalpë. Hidhet përsëri një shtresë brumi tashmë në të njëjtën mënyrë por midis dy rrathëve në vende të zbrazëta. Piqet, lyhet me mazë për të vazhduar në të njëjtën mënyrë, gjersa të harxhohet i tërë brumi. Pasi të piqet e tëra, sipërfaqja e flisë lyhet mirë me yndyrë dhe tepsia vendoset në prush,mbulohet me saç,ose futet në furrë të kyçur në tërësi,në shkallën e ulët,për t’u pjekur përfundi edhe 15-20 minuta në temperaturë të lartë. Shërbehet me djathë, kos, turshi, mjaltë etj.
 

sweetzzinna

Dum spiro, spero くる
Themelues
Titulli: Receta te ndryshme

Tullumbat

Fikrie Gagica- Ukelli
Autore e librit “1000 receta për çdo familje”

Përbërësit:
* 9 filxhan kafeje ujë,
* 1 filxhan kafeje vaj,
* një majë thike kripë,
* 7 filxhan kafeje miell,
* 3 filxhanë kafeje niseshte,
* 1 pluhur paste,
* 6 kokrra vezë,
* 1 litër vaj.

Sherbeti: 1 ½ kg. sheqer, 7 ½ dcl ujë, 1 lëng limoni, 1 sheqer vaniljeje. Sherbeti vlon 7 min.
Uji vlon me një majë thike kripë dhe 1 lugë vaj. Largohet nga zjarri. Hidhet mielli i përzier me niseshte dhe pluhur paste. Përzihet mirë dhe prapë kthehet në zjarr që të fërgohet gjersa të mos ndahet nga luga dhe ena. Pasi të ftohet brumi, i hidhen vezët një nga një duke tundur mirë me mikser, gjersa të fitohet një brumë i njëllojtë. Një litër vaj hidhet në tenxhere për t’u nxehë. Me brumin e përgatitur mbushet forma e dhëmbëzuar dhe nëpërmjet saj nxirren tullumbat drejtë në yndyrë të nxehtë. Hidhen pjesë-pjesë dhe fërgohen nga të gjitha anët gjersa të zverdhen në ngjyrë ari. Nëse skuqen shpejtë, ulet pak zjarri. Hiqen nga vaji me lugë të shpuar dhe futen drejt në sherbet të ftohur. Gjersa të fërgohen të dytat, të parat qëndrojnë në sherbet, pastaj largohen nga sherbeti dhe palosen në një enë të thellë, e kështu veprohet gjersa të harxhohet i tërë brumi. Sherbeti që mbetet hidhet mbi tullumba, në mënyrë që ato të lagen plotësisht në sherbet. Shërbehen me shurup trëndafili, limonadë, bozë etj. Shije të veçantë kanë nëse shërbehen 2-3 për person të vendosura në misuri mbi tamëloriz.
 

sweetzzinna

Dum spiro, spero くる
Themelues
Titulli: Receta te ndryshme

Paragjellë orizi me perime- Ora

Fikrie Gagica- Ukelli
Autore e librit “1000 receta për çdo familje”

Përbërësit:
* 200 gr oriz,
* 3 vezë,
* 2 tranguj turshi,
* 1 spec i kuq turshi ose i freskët,
* 1 filxhan bizele,
* 200 gr majonezë ose ajkë,
* 50 gr kaçkavall,
* kripë, lëng limoni,1 lugë mustardë (senf) dhe disa kokrra ulliri.

Përgatitja:
Në tenxhere me dy litra ujë të nxehtë me kripë, zihet orizi për 15-20 minuta, shpërlahet me ujë të ftohtë dhe kullohet mirë. Vezët zihen 8 minuta prej çastit kur fillon të vlojë uji, qërohen, priten në 12 rrathë të bukur (për orë).
Pjesët e mbetura priten në pjesë të imëta, sikurse edhe specat, trangujt, kaçkavalli dhe përzihen mirë e me kujdes me djathë, bizele të ziera, oriz, lëng limoni dhe me gjysmën e ajkës ose majonezës.
Masa e përgatitur derdhet në një pjatë të cekët,të rrumbullakët,paksa më të madhe. Sheshohet mirë, lyhet me ajkë dhe mbi radhiten 12 copat e vezëve të prera në rrathë. Nga kokrrat e ullirit priten pjesë të gjata dhe në çdo vezë vihen numrat prej 1-12.
Në mes vendoset një rrepkë e kuqe ose domate, nën të vihen akrepat e prerë nga lëvorja e trangullit. Sallata përreth mund të zbukurohet me fletë sallate të gjelbër,kopër,rrepka të kuqe ose ullinj.
Kjo paragjellë, që mund ta zëvendësojë darkën, zbukurohet sipas shijes së amvisës. Kjo paragjellë, si dhe sallatat e tjera,mund të përgatitet edhe në mungesë të ndonjërit nga artikujt e përmendur.
ثshtë atraktive sidomos nëse servohet kur edhe është ora e caktuar për t’u ngrënë.
 

sweetzzinna

Dum spiro, spero くる
Themelues
Titulli: Receta te ndryshme

Qofte me salcë domatesh

Fikrie Gagica- Ukelli
Autore e librit “1000 receta për çdo familje”

Përbërësit:
* 1/2 kg.mish të bluar,
* 1 qepë në rende,
* 1 vezë,
* majdanoz të grirë hollë,1 lugë mustardë, kripë, piper dhe vaj për skuqje.

Për salcë nevojiten:
* 4 domate,
* 3 lugë vaj,
* 1 qepë e kaluar në rende,
* 3 thelpinj hudhre,
* erëza sipas dëshirës,nenexhik, feslixhen ose rigon.

Përgatitja:
Në masën e mishit të bluar, hidhet qepa e kaluar në rende, vezë e tundur, kripë, piper, majdanoz, mustardë.
Masa përzihet mirë dhe ndahet në qofte të cilave u jepet forma e rrumbullakët ose vezake dhe palosen në enë qelqi, të lyer me yndyrë, e mandej futen në furrë të nxehtë për t’u pjekur.
Në fultere ose tenxhere me yndyrë të nxehtë,fërgohet qepa dhe hudhra e grimcuar.
Kur qepa merr një ngjyrë të kuqërremtë shtohen domatet e qëruara dhe të prera në kubik të vegjël, erëzat, kripa dhe piperi.
Salca e zier hidhet mbi qofte të pjekura, futet edhe për disa çaste në furrë dhe shërbehet.
 

sweetzzinna

Dum spiro, spero くる
Themelues
Titulli: Receta te ndryshme

Desert me dredhëza

Fikrie Gagica- Ukelli
Autore e librit “1000 receta për çdo familje”

Përbërësit:
* 1/2 kg dredhëza të freskëta ose nga frizi,
* 100 gr sheqer,
* 1 qeskë krem të rrahur.

Përgatitja:
Shtypen dredhëzat me sheqer në blender,ose kalohen në sitë.
Derdhen në 6 pjata të vogla.
Në mes vihet nga një lugë krem i përgatitur. Kremit mund t’i shtohet pak pure dredhëzash duke e përzier me pirun.
Përreth hidhet nga një lugëz krem. Vizat tërhiqen me rrëmojëse ose majë thike.
Në vend të kremit të rrahur, në mes mund të vihen toptha akulloreje.
 

sweetzzinna

Dum spiro, spero くる
Themelues
Titulli: Receta te ndryshme

Supë me mish, vezë dhe limon

Përbërësit
* mish tul; sa të dëshironi
* 2 karota
* majdanoz sipas dëshirës
* një filxhan me oriz supe
* kripë (sipas nevojës)
* piper i zi
* 1 kokërr vezë
* 1 gjysmë limoni

Udhëzime për përgatitje
E marrim mishin dhe e hedhim në tenxhere të ziej. Pasi të jetë zier mirë e nxjerrim nga tenxherja dhe me duar e thërrmojmë në copa shumë të vogla. Më pas marrim tiganin dhe i hedhim vajin.
Qërojmë karotën, e presim hollë, e vëmë të skuqet në tigan dhe bashkë me karotën e vëmë mishin të skuqet.
Pasi t’i kemi skuqur i hedhim në tenxheren që e ziejmë mishin. Hedhim orizin e majdanozin dhe i lëmë të ziejnë. Më pas marrim vezën, e hedhin në pjatë, shtrydhim gjysmën e limonit. Ndërkohë duhet të trazojmë supën deri sa të bëhet gati.
 

sweetzzinna

Dum spiro, spero くる
Themelues
Titulli: Receta te ndryshme

Pilaf me mish dhe vezë


Përbërësit:
* Oriz (100 gram )
* Mish viçi
* 2 kokrra vezë
* Domate
* Erëza (sipas dëshirës)
* Kripë, piper

Përgatitja:
Zihet mishi dhe me lëngun e mishit përgatitet dhe pilafi (pilafi i ka masat 1 me 2, dmth. 1 gotë oriz donë 2 gota ujë të ngrohtë. Në fillim vihet pak gjalpë apo vaj ulliri dhe përzihet orizi gjeri sa të marr një ngjyrë tjetër (dmth të lyhet n’vaj) dhe i hidhet uji. Në rast se nuk doni të përdorni vajra, atëherë mund ta bëni me verë të bardhë.

Ndërkohë që pilafi zien me zjarr të ulët për 20 minuta, mishi vihet për t’u skuqur.
Pasi të kenë mbaruar të gjitha këto, pilafi hidhet në një pjatë të gjerë. Rrihen vezët dhe mund t’i hidhni erëza dhe barishte, dhe përzihet me orizin.
Hahet sa më shpejt, sepse është më e shijshme.
 

sweetzzinna

Dum spiro, spero くる
Themelues
Titulli: Receta te ndryshme

Makarona me peshk ton

Përbërësit për 2 persona:
* 250 gr makarona flutur
* 60 gr ose një kuti konserve peshku ton
* 2 speca jeshil apo të kuq
* një grusht majdanoz
* 2 luge vaj ulliri
* lëngu i një limoni
* 2-3 thelpinj hudhre
* kripë, piper i zi

Udhëzime për përgatitje
Në një tenxhere zieni makaronat. Në anën tjetër pritini hollë specat, shtojini sipër thelpinjtë e grirë hollë të hudhrave, vajin, lëngun e limonit, kripën, piperin, majdanozin dhe peshkun ton të cilit ia keni hequr vajin më përpara. Së fundmi përziejini këto me makaronat e sapoziera (të cilave nuk do t’i keni hedhur yndyrë tjetër!).
 

sweetzzinna

Dum spiro, spero くる
Themelues
Titulli: Receta te ndryshme

Picë me patëllxhanë dhe Parmexhan

Materialet:

* 1 filxhan kungull i njomë i prerë në copa
* 1/2 kg patëllxhanë të prerë në copa të vogla
* 1 porcion djathë me erëza
* 1 1/2 filxhan salcë me turshi
* 1/2 filxhan djathë Mocarela i prerë
* 1/4 filxhan djathë Parmexhan i grirë
* 1/4 lugë çaji piper i kuq
* 1/4 lugë çaji rigon.

Përgatitja:
1. Vendosni të piqet brumi i picës për 15 minuta në temperaturën 400 gradë.
2. Rrisni temperaturën 425 gradë.
3. Pikë së pari në brumin e pjekur shtroni një shtresë të konsiderueshme të salcës me turshi dhe më pas shtoni të gjithë përbërësit e tjerë, duke mos harruar estetikën e vendosjes së tyre. Lëreni të piqet për 10 minuta.
 

sweetzzinna

Dum spiro, spero くる
Themelues
Titulli: Receta te ndryshme

Peshk shpatë me hudhër

Materialet për 4 persona

* 4 lugë supe vaj ulliri
* fileto peshku shpatë ose toni (rreth 1 kg)
* kripë dhe piper
* 1 lugë supe hudhër e shtypur
* 1/2 filxhani verë e bardhë
* 1 lugë e vogël lëng limoni
* majdanoz i grirë hollë.

Përgatitja
Nxeheni furrën në 200C, njëkohësisht vendosni tiganin me vaj në zjarr të nxehet.
Vëreni peshkun të skuqet duke e lyer më parë me lëngun e limanit dhe kripën dhe piperin, ktheheni të tiganiset edhe nga ana tjetër.
Hiqeni nga zjarri, vëreni në tepsi dhe futeni në furrë. Në një tigan të vogël hidhni hudhrën të skuqet në zjarr të ngadalshëm duke e trazuar vazhdimisht deri sa të tretet, shtoni verën, duke e rritur temperaturën e pllakës.
Lëreni të ziejë deri sa të mpikset salca. Me këtë salcë lyeni peshkun dhe futeni në furrën e nxehtë për 20min.
Shërbehet në një pjatë të madhe duke e mbuluar me salcë dhe me majdanoz.
 

sweetzzinna

Dum spiro, spero くる
Themelues
Titulli: Receta te ndryshme

Fasule syzeza me lakra të egra

Për 4-6 persona:
• 500 g fasule syzezë
• 1 kg lakra të egra, si radhiqe .. , të lara dhe të prera trashë
• 3 qepë të freskëta të prera hollë
• 1 1/2 lugë gjelle pelte
• domate e tretur në 1/3 filxhan ujë
• 1 filxhan vaj ulliri
• kripë, piper
• pak spec i kuq djegës i bluar (nëse dëshironi)

Përgatitja:
• Zieni fasulet për 2-3 min dhe kullojini. Vërini të ziejnë përsëri në shumë ujë për 40 min ose derisa të zbuten. Kullojini dhe ruani pak nga uji i zierjes.
• Kaurdisni qepët në vaj ulliri dhe shtoni përbërësit e tjerë. Lërini të ziejnë për 15 min, sa të zbuten lakrat.
• Shtoni fasulet e ujë, përziejeni ushqimin me kujdes dhe lëreni të ziejë ngadalë edhe për 5 min.
• Shërbejeni të shoqëruar me bukë.

Këshillë Mund të zëvendësoni lakrat e egra me spinaq e të shtoni edhe majdanoz ose kopër.
Ushqimi mund të gatuhet dhe pa domate. Në këtë rast, shërbejeni me limon.
 

sweetzzinna

Dum spiro, spero くる
Themelues
Titulli: Receta te ndryshme

Gjellë me presh, selino e domate

Përbërës për 4 persona:
* 2 presh të prerë në rrota të trasha
* 1 kg selino
* 1 lugë gjelle pelte domate
* ½ filxhan oriz
* 1 filxhan vaj ulliri
* Kripë
* Piper i freskët i grirë
* 1 vezë
* Lëngu i 1 1/2 limoni

Përgatitja:
* Vendosni selinon për 2-3 minuta në ujë që zieni dhe kullojeni.
* Vendosni në një tenxhere preshin dhe kaurdisen në zjarr mesatar, duke e përzier derisa të thithë gjithë lëngun.
• Shtoni selinon dhe vajin e ullirit, përziejeni dhe mbulojeni me ujë. Pasi të marrë valë, hidhni përsipër perimet me oriz, pa i përzier dhe mbulojeni tenxheren. Lëreni ushqimin të gatuhet ngadalë, për 10 minuta.
• Shtoni pelten e domates, kripën, piperin dhe përziejeni. Nëse nevojitet, shtoni edhe pak ujë.
• Përgatisni vezën me lëngun e limonit, hidheni sipër ushqimit dhe hiqeni enën nga zjarri.
 

sweetzzinna

Dum spiro, spero くる
Themelues
Titulli: Receta te ndryshme

[FONT=Verdana, Arial, Helvetica, sans-serif]Pulë me arra[/FONT]
[FONT=Verdana, Arial, Helvetica, sans-serif]Për 4-5 persona duhen Pulë 500-600 g. gjalpë 50g. arra 2 filxhane kafeje, hudhra 1 kokërr, uthull 2 lugë gjelle, miell 1 lugë gjelle, kripë, piper.[/FONT] [FONT=Verdana, Arial, Helvetica, sans-serif]Pula e pastruar dhe e larë pritet në thela, vendoset në tenxhere, hidhet ujë i vluar aq sa të mbulohen thelat, shtohet pak kripë,piper i zi dhe zihet në zjarr të ngadalshëm derisa të bëhet gati.[/FONT]
[FONT=Verdana, Arial, Helvetica, sans-serif]Në një tenxhere me gjalpë kaurdiset mielli, shtohet lëngu i pulës duke e përzier mirë që të mos krijohen kokrra dhe lihet të ziejë për 2-3 minuta derisa lëngu të trashet. Pastaj hiqet nga zjarri dhe përzihet me arra të shtypura. Salca rregullohet me hudhra të shtypura, uthull, kripë, piper të zi e thelpinj arre dhe mbahet në vend të ngrohtë, por pa marrë valë.[/FONT]
[FONT=Verdana, Arial, Helvetica, sans-serif]Gjatë servirjes në pjatë vendoset pula e cila mbulohet me salcën e përgatitur. Kjo lloj pule zakonisht jepet pa garniturë.[/FONT]
 

sweetzzinna

Dum spiro, spero くる
Themelues
Titulli: Receta te ndryshme

[FONT=Verdana, Arial, Helvetica, sans-serif]Kukureci[/FONT]
[FONT=Verdana, Arial, Helvetica, sans-serif]Për 4-5 persona duhen:Zorrë 1 palë, të brendshme 300 g. kripë, piper, spec i kuq, rigon, yndyrë 2-3 lugë gjelle.[/FONT][FONT=Verdana, Arial, Helvetica, sans-serif]Zorrët e qengjit pastrohen mirë dhe lahen duke i kthyer nga të dyja anët. Merren mëlçitë, gjëndrat, dhjamërat, gabzerret, mushkëritë dhe priten në copa kubike mesatare. U hidhet kripë, piper i zi, rigon të cilat përzihen, pastaj shkohen me radhë në hell një copë mushkri, një copë gjendër, një copë mushkri e kështu me radhë. Si të jenë shkuar të gjitha të brendshmet në hell pleksen me zorrët sipër duke i mbuluar këto. Kukureci bëhet më i shijshëm kur piqet në hell, mbi prush ose në furrë me zjarr të ngadaltë në mënyrë që të mos përvëlohet. Si të jetë skuqur nga të gjitha anët, hiqet nga helli, vendoset në pjatë dhe i hidhet piper i zi i bluar.[/FONT]
[FONT=Verdana, Arial, Helvetica, sans-serif]Gjatë pjekjes në furrë spërkaten me lëngun e vet duke i hedhur edhe pak yndyrë.[/FONT]
 

sweetzzinna

Dum spiro, spero くる
Themelues
Titulli: Receta te ndryshme

Byrek me domate dhe salmon Përbërësit për katër persona:
200 gr brum
500 gr domate të prera
120 gr salmon me vaj
një tufë majdanozi
pak kripë
Koha 30 min
Përgatitja: Lajini domatet dhe pritni në feta për së gjati, duke hequr pjesët e panevojshme. Kriposini lehtë dhe vendosini në një kullesë për të humbur ujin. Hapeni brumin në një tavë furre të mbuluar me letër zjarrduruese. Shponi pjesën e poshtme me pirun dhe vendoseni në frigorifer për 30 minuta. Mbulojeni pastaj me domate duke lënë anëve një bordurë prej 1,5 cm. Transferojeni në furrë të nxehur më parë me temperaturë 220 gradë dhe lëreni vetëm për 10minuta. Ulni temperaturën në 200 gradë dhe vazhdoni ta piqni për 20 minuta të tjera, derisa brumi të vijë mirë dhe domatet të jenë pjekur. Nxirreni nga furra dhe vendosni në qendër filetot e salmonit. Mbuloni sipërfaqen me fletët e borzilokut dhe majdanozit dhe lëreni të ftohet para se ta shërbeni.
 

sweetzzinna

Dum spiro, spero くる
Themelues
Titulli: Receta te ndryshme

Fli Kosove Për 4-5 persona nevojiten:

Per brumin duhet: 1 kg miell,
3-4 gota ujë, kripë,
Per masën duhet: 200 gr gjalpë,
2 filxhana caji ajkë, 3 lugë vaj.
Në një enë hidhet miell, kripë, ujë i ftohtë dhe përzihen në një brumë të hollë si për petulla. Në një enë tjetër shkrihet gjalpë, ajkë, vaj dhe qumësht, përzihet masa e krijuar derisa të gjithë përmbajtësit të jenë skrirë në një masë të vetme, Lyhet tepsia me yndyrë dhe me një lugë merret brumi i hollë dhe hidhet nga cepi i tepsisë deri afër mesit dhe krijohen rradhë të cilat mbulojnë gjithë tepsinë. Mesi i cili është bosh mbushet me rradhë paralele .(shih skicën) Gjithë sipërfaqja lyhet me masën e përgatitur dhe futet në furrën e ngrohur. Kjo piqet për 3-5 minuta. Nxirret nga furra për të vazhduar me rendin tjetër. Brumi i hollë tashmë hidhet në të njëjtën mënyrë por midis dy rradhëve derisa të jetë mbuluar e gjithë tepsia. Përsëri lyhet me masën dhe piqet për 3-5 minuta. Kjo procedurë vazhdon derisa të mbushet tepsia. Flia lihet të ftohet për 10 minuta dhe serviret me kos, djathë ose mjaltë.
 

sweetzzinna

Dum spiro, spero くる
Themelues
Titulli: Receta te ndryshme

Pastiço pikante me patate të furrës Përbërësit për katër persona:

1 kile patate të zjera
lëng i filtruar i dy kokrrave limon
2 lugë majdanoz i grirë
kripë dhe vaj ulliri
spec i kuq djegës
një kokër qepë
200 gr ton
një lugë majonez
Koha 1 orë.


Përgatitja: Patatet e zjera ende të ngrohta, prijini në feta dhe i përzieni shpejt me lëngun e limonit, 2 lugë majdanoz të grirë, kripë dhe specin djegës të grirë hollë. Përzijeni mirë dhe lëreni pak ashtu. Vendoseni mbi një letër zjarrduruese të lyer me vaj ulliri, brenda një bordure për t'i dhënë formë. Bëni një shtresë të parë me patatet duke ushtruar një presion të lehtë mbi to. Shtoni 200 gr ton dhe qepën e grirë dhe pastaj vendosni pjesën tjetër të patateve. Futeni në frigorifer dhe lëreni për të paktën 1 orë. Nxirreni me kujdes nga letra duke hequr dhe bordurën dhe vendoseni pastiçon në pjatë.
 

sweetzzinna

Dum spiro, spero くる
Themelues
Titulli: Receta te ndryshme

Patëllxhanë të mbushur Për 4-5 persona duhen:
Patëllxhanë 1 kg,
qepë 6-7 kokrra ose salcë një lugë gjelle,
hudhra 2 kokrra, kripë, piper, majdanoz.
Patëllxhanëve u qërohet bishti, u hiqet lëkura në tre rripa sipër dhe nga të dyja anët. Priten për së gjati te pjesa e sipërme deri në mes të tulit. Patëllxhanët vendosen në ujë me kripë për gjysëm ore. Ndërkohë në tigan me yndyrë skuqet qepa e grirë në formë gjysëmrrethi,shtohen domate të qëruara dhe të prere në copa të vogla; vazhdon kaurdisja në zjarr të avashëm në mënyrë që qepa të zbutet. Në fund shtohen hudhra të grira, majdanoz, kripë, piper dhe pak uthull. Patëllxhanet kullohen, shpëlahen dhe skuqen në tigan me pak yndyrë pastaj rreshtohen në tavë, hapen në vendin e prerë dhe mbushen me masën e përgatitur. Sipër u vihet nga një fetë domate.
Shtohet fare pak ujë dhe piqen për një orë në furrë jo shumë te nxehtë.
 

sweetzzinna

Dum spiro, spero くる
Themelues
Titulli: Receta te ndryshme

Mish roleIngredientet : Per kater persona - 4 eskallope vici
- 4 feta te holla proshute
- 150 gr djath zviceran
- 50 gr gjalp
- 1 filxhan te vogel me krem te fresket
- 2 luge gjelle vaj
- 2 limone
- piper dhe kripe

Pergatitja: Prejeni djathin ne feta sipas gjatesise se eskallopeve. Vini midis cdo eskallopi dy ose tre feta djath dhe nje fete proshute. Rrotullojini fetet e eskallopeve dhe u ngulni nga nje shkop kokteili (ose shkop dhembesh). Mund ti lidhni dhe me pe kuzhine per mish, por mos e shtrengoni shume.
Ngrohni vajin dhe gjalpin ne nje tigan. Sapo te behet yndyra me ngjyre kafe, vini copat e rrotulluara te mishit ne tigan. Skuqini derisa te gjitha anet te marrin ngjyre flori ose kafe nga e skuqura.
Uleni zjarrin dhe lereni mishin te skuqet ngadale per 10 minuta. Hidhini persiper lengun e limoneve dhe disa luge gjelle krem, Provoni salcen dhe shtojini kripe e piper sipas deshires suaj. Vendosni ne pjate te ngrohura me pare pak garniture me feta limoni dhe disa gjethe majdanoz.
 

sweetzzinna

Dum spiro, spero くる
Themelues
Titulli: Receta te ndryshme

Byrek me spinaq Për 4-5 persona duhen:

Miell 3 gota uji, uje 300 gram, spinaq 1 kg, vezë 1 kokërr, djathë 100 gram, vaj 1/2 filxhan caji, kripë, piper
Në tavolinë ose tepsi hidhet miell, në mes hapet gropë ku hidhet ujë me pak kripë. Për 1 kg miell merret 550-600 gram ujë, megjthëse kjo varet nga lagështia e miellit. Duke e përzier nga mesi, zihet një brumë i fortë i cili punohet për 10 minuta, ndahet në kuleçë, mbulohet me picetë të lagur dhe lihen për 20-30 minuta që të fitojë elasticitet. Nga çdo kulaç bëhen petë të vogla, secila prej tyre spërkatet me niseshte dhe vendosen 3-4 copë mbi njëra tjetrën, pastaj hapen petët e zakonshme. Spinaqi për mbushje pastrohet, lahet dhe përvëlohet për 2-3 minuta në ujë të vluar e kripë, kullohet duke e shtrydhur, pritet dhe përzihet me djathë të thërmuar e vezë, shtohet kripë, piper dhe shtrohet në petë. Në tepsi të lyer me yndyrë shtrohet gjysma tjetër e petëve, duke i spërkatur secilën me yndyrë, mbi to shtohet mbushja e përgatitur dhe mbulohet me pjesën tjetër të petëve të spërkatura me yndyrë. Anët mbështillen nga brenda. Byreku spërkatet me yndyrë dhe piqet.
 

sweetzzinna

Dum spiro, spero くる
Themelues
Titulli: Receta te ndryshme

Fërgesë Tirane Për 4-5 persona duhen:

Speca 8-10 copë mesatare, domate 4-5 kokrra mesatare, yndyrë për skuqje, 2 filxhanë kafeje, miell 1 lugë gjelle, vezë 2 kokrra, hudhra 4-5 thelpinj, gjizë 4-5 lugë gjelle, spec djegës sipas dëshirës
Specat pastrohen nga bishti dhe farat, lahen dhe skuqen. Në yndyrën e mbetur hidhet domatet e qëruara nga cipa dhe të grira hollë, kaurdisen derisa masa të trashet, hiqet nga zjarri i hidhen vezë, spec djegës, majdanoz i grirë hollë, gjizë ose djathë.
Masa vendoset në pjatë dhe sipër vendosen specat e fërguar.
 

sweetzzinna

Dum spiro, spero くる
Themelues
Titulli: Receta te ndryshme

Lakror me miell misri Për 4-5 persona duhen:

Miell misri 2 gota uji, ujë 2 gota, pak kripë, spinaq 1 kg, vaj 2-3 lugë gjelle
Mielli i misrit hidhet në një tenxhere me ujë të vluar me pak kripë dhe përzihet derisa të bëhet një llapë e trashë. Hiqet nga zjarri dhe shtrohet në tavë të lyer me yndyrë. Mbi këtë shtrohet mbushja e përgatitur si për byrek me spinaq, sipër hidhet nje shtresë e hollë miell misri.
Spërkatet me ujë e yndyrë dhe piqet.
 

sweetzzinna

Dum spiro, spero くる
Themelues
Titulli: Receta te ndryshme

Oshmare Korçe Për 4-5 persona duhen:

Miell misri 3 filxhanë çaji, qumësht 4-5 filxhanë caji, djathë 2 filxhanë kafeje, gjalpë 2-3 lugë gjelle, kripë.
Në një enë me gjalpë, djathi skuqet pak, hidhet qumësht dhe pasi merr valë i hidhet miell misri, përzihet me shpejtësi që të mos krijohen kokërriza dhe piqet derisa të shkëputet nga anët e enës dhe të dalë yndyra.
Vendoset në pjatë lugë-lugë dhe shërbehet e ngrohtë.
 

sweetzzinna

Dum spiro, spero くる
Themelues
Titulli: Receta te ndryshme

Paçe Koke Për 4-5 persona duhen:

Lëng koke 1 litër, gjalpë ose vaj 1 filxhan kafeje, miell 1 luge kafeje, spec djegës 1/2 luge kafeje, kripë, piper, uthull 2-3 lugë, hudhra 4-5 thelpinj, 1 qepë, karrota 2-3 copë, selino, majdanoz
Koka pastrohet, copëtohet, vihet në ujë të ftohtë që të lahet e ti ikë gjaku, pastaj vendoset në tenxhere, mbulohet me ujë të ftohtë dhe vihet ne zjarr. Kur të ketë marrë i hiqet shkuma dhe lihet të ziejë në zjarr të ngadaltë, duke i hedhur qepë karrota, selino, kripë, piper, dafinë majdanoz. Lihen derisa të jenë zier mirë d.m.th. kur mishi të ndahet lehtë nga kocka. Kullohet, qërohet mishi nga kockat dhe pritet në copa të vogla kubike. Në një tenxhere hidhet yndyrë, pak salcë dhe lëngu i marrë nga zierja e kokës. Kur lëngu të ketë marrë valë, shtohet mishi i zier, pak spec i kuq dhe lihen të ziejnë në zjarr te avashëm edhe per disa minuta duke i hedhur kripë e piper të zi.
Në fund paçes i hidhen hudhra të shtypura me uthull.
 
Top