Rritet rreziku i pastrimit të parave në vend në 2021, sipas Indeksit të Bazelit

Pastrim-Parash.jpg


Rreziku për pastrim parash në vendin tonë është rritur në vitin 2021.

Indeksi i Bazelit i publikuar këto ditë tregon se mes 110 vendeve Shqipëria renditet e 72-ta me një nivel pikësh prej 5.72. Rreziku rezulton se është rritur teksa një vit më parë ishte e 44-ta me një nivel pikësh prej 5.69.
Në një publikim më të zgjeruar të po këtij Indeksi por këtë herë në analizë merren 203 shtete (juridiksione), për profilin të Shqipërisë nënvizohet se pikëzimi më negativ që nxjerr rezultanten finale është regjistruar tek transparenca financiare.
Ndërkohë që korrupsioni dhe ryshfeti cilësohen të dytët me një pikëzim prej 6.03. Kuadri ligjor që lidhet me pastrimin e parave dhe financimin e terrorizmit vlerësohet me 5.84 pikë dhe më pas vjen rreziku politik dhe fiskal me 5.41. Transparenca Publike është e vetmja që ka shënuar një renditje më të mirë në pikë me 3.25.
Indeksi i Bazelit sjell në vëmendje se Shqipëria bën pjesë në vendet që janë në listën gri të FAFT (Task Forcës për Veprim Financiar). Nga ana tjetër nëse marrim renditjen rajonale ku bën pjesë Shqipëria që është Europa dhe Azia Qendrore renditemi të 49 në raport me 52 shtete në total çka në bën ndër më të rrezikshmit për pastrimin e parave.
Në raport me rajonin Mali i Zi ka 4.57 pikë, Kosova me 4.56, Maqedonia e Veriut 5.23, Serbia 5.27 Sllovenia 3.75.
Në vendin parë në botë sa i takon rrezikut më të ulët renditet Estonia, pas saj Andora dhe Finlanda.
Ndërkohë tek vendet e fundit renditen Korja e Veriut, Eritrea dhe Sudani për shkak se nuk ka të dhëna të plota për to ndërkohë që më pas vjen Irani Somalia, Haiti, Afganistani, Kongo, Mauritania, Myanmar apo Mozambiku.
Indeksi i Bazelit është në të njëjtën linjë me situatën e përgjithshme të përshkruar më herët edhe nga organizma ndërkombëtare si Moneyval apo FAFT të cilët në rishikimin e fundit vlerësuan se Shqipëria edhe pse kishte bërë disa rregullime nuk kishte arritur të përmbushte plotësisht detyrat e ngarkuara.
Indeksi i Kundër Pastrimit të Parave i Bazelit është një renditje e pavarur dhe mjet vlerësimi mbi rrezikun e pastrimit të parave dhe financimin e terrorizmit. I prodhuar nga Instituti i Bazelit për Qeverisje që nga viti 2012 mundëson vlerësime holistike mbi rrezikun e pastrimit të parave bazuar nga të dhënat që merren nga 17 burime publike të tilla si Task Forca për Veprim Financiar, Transparency International, Banka Botërore dhe Forumi Ekonomik Botëror.
Në shkurt të vitit 2020, Shqipëria u fut sërish në listën gri të pastrimit të parave, nga e cila kishte dalë në vitin 2015. Vlerësim u dha në atë kohë nga Task Forca Financiare (FATF) e MONEYVAL, që është një mekanizëm i përhershëm i Këshillit të Europës që ka detyrën të vlerësojë zbatimin e standardeve në luftën kundër pastrimit të parave dhe krimit të organizuar. Në këtë listë përfshihen juridiksionet që kanë mungesa strategjike në parandalimin e pastrimit të parave dhe krimit të organizuar dhe rrezik të lartë si dhe janë nën monitorim të shtuar.

/ Monitor
 
Se mos ka qene ndonjehere i ulet!
Vetem ne Shqiperi ben vaki qe nje bar ben 5 milione leke xhiro ne dite apo nje dyqan aksesoresh per celulare 3-4 milione dhe askush si kontrollon.
Per te mos folur per fushen e ndertimit apo biznese te tjera qe kategorizohen si VIP dhe nuk guxon tu afrohet njeri.
 
Jo jo ka dale ne mode ristorimi ngaqe nuk i kontrollon askush.
Kam ngrene nje dite nje pizza qe e pagova 600 leke dhe ne fature ishte 18€😂😝😂

Nuk dalin asnjehere mode sepse hyjne ne bizneset shpk me kapital fillestar me shume 0 kjo e para, pra mundeson qarkullimin e parave me sasi te medhaja ne kohe te shkurter. E dyta importi per materiale ndertimi nga jashte mundeson futjen e parave te pista e treta shitja e pronave te patundshme mundeson prape pastrim parash me cmime fiktive. Ka e te tjera por spo jap detaje se na kopjojne :p
 
Nuk dalin asnjehere mode sepse hyjne ne bizneset shpk me kapital fillestar me shume 0 kjo e para, pra mundeson qarkullimin e parave me sasi te medhaja ne kohe te shkurter. E dyta importi per materiale ndertimi nga jashte mundeson futjen e parave te pista e treta shitja e pronave te patundshme mundeson prape pastrim parash me cmime fiktive. Ka e te tjera por spo jap detaje se na kopjojne :p
E kshu per teorira te fik deren ti ama une flas per praktiken😝
 
Top