Shuhet ëndrra europiane, Tirana zhgënjen në play-off, bardheblutë dorëzohen 3-0 ndaj Young Boys

Frank

Anëtarë i respektuar.
IMG-20201001-WA0135-675x450.jpg

Ëndrra europiane e Tiranës shuhet në play-off. Kampionët e Shqipërisë dorëzohen pa kushte në transfertën e Young Boys, duke dalë nga fusha me humbjen 3-0.

Pas emocioneve të minutave të para ku rrezikoi seriozisht të pësonte, Tirana merr veten dhe mundohet të vendosë ritmin e saj në ndeshje. Të besuarit e Egbo provojnë të shtyjnë përpara dhe në minutën e nëntë kanë rastin e parë të vërtetë të ndeshjes, duke iu afruar golit me Kale. Braziliani jep dy sinjale të forta, por pa arritur të dërgojë topin në rrjetë. Të zotët e shtëpisë kalojnë këtë moment të vështirë dhe pas shumë përpjekjesh arrijnë të kalojnë në epërsi në fundin e pjesës së parë. Rezistenca e kampionëve të Superligës ra në minutën e 42-të, kur I pashqetesuar Fashnaht kaloi Young Boys në epërsi.

Në fraksionin e dytë, bardheblutë shuhen plotësisht, teksa zvicerianët dyfishojnë shpejt rezultatin me Nsame në minutën e 53-të.

Sulmuesi ia merr dorën dhe në të 64-ën vret sfidën me golin e dytë personal dhe të tretin për vendasit.

Mbrëmja e Tiranës bëhet më e errët me kartonin e kuq të Torrasës në minutën e 67-të.

Në pjesën e mbetur të ndeshjes bardheblutë vetëm sa nuk lejojnë që humbja të bëhet më e thellë. Misioni I vetëm I realizuar në një sfidë për t’u harruar që I jep fund aventurës së Tiranës në këtë edicion në Kupat e Europës.

Balkanweb.com
 

AnaVie

Undisputed worman
Staf në FV.AL
Se mos e kemi hère te pare te zhdepemi. Cudi do ishte të fitonin😌
 

ForumiVirtualJR

Anëtar i ri
Tirona dobet fizikisht. Nga min 60 u doli llapa jashte.
Young boys vraponin si te cmen, fizikisht shume lart.

Edhe ajo mbrojtja duhet rregullu, cjane ato mbrojtsa 1.70 t'gjate, cdo kros i YB ishte rast per gol.
 
Top