Sofra e Burrave

Ketrush

Anëtar i ri
E c'do tè presin shqiotarèt nesèr, pasnesèr..

Prit e prit ndryshime,
njerèzit e shkretë vdesin,
po ata që mbeten,
nga jeta çfarë presin?!

Tridhjet vjet me radhë,
mbetëm duke pritur,
sot e shohim veten,
komplet të grabitur!

Këtu-më të shumtit,
u bënë kripë deti,
njëlloj të grabitur,
nga çdo lloj pushteti!

Ka ndodhur përpara,
po ndodh dhe tani,
gjënë e njëmijë vetëve,
e vjedh një njeri!

Nëse babëzisë,
i jep firmë e vulë,
vjedh kaun me brirë,
jo një vezë-a pulë!

Po heqin picirin,
këtu fukarenjtë,
mbretërojnë kusarët,
edhe maskarenjtë!

S’është vështirë të gjesh,
pisen-apo pisin,
se të njëjtët njerëz,
këtu qeverisin!

Ata tre a katër,
që kurrë s’kanë ndryshuar,
gjithë levat e shtetit,
i kanë korruptuar!

Si gladiatorët,
mprehur mbajnë shpatat,
janë në betejë,
për të marrë gjykatat!

Po u bënë gjykatat,
ashtu si kanë qenë,
gjithë atë Reformë,
krejt më kot e bënë!

Jo se drejtësia,
tani ka ndryshuar,
po për një ndryshim,
ne kemi shpresuar!

Gjersa peshkaqenët,
janë në majë të shtetit,
më duken pa shpresë,
shpresat e miletit!

Pyes OFL-ja,
që vepron tani,
pse s’u çon këtyre,
letër porosi?!

Ilir Presidentit,
Salës-kryetarëve,
që nikoqirisën,
lekët e shqiptarëve!

Them:”Nikoqirisën”,
për delikatesë,
se ata për vete,
i hodhën në thes!

Sot na ka pllakosur,
varfëri e shkretë,
po nesër-pasnesër,
vallë si do jetë?!

Po është pandemia,
thotë zotëria juaj,
ne s’u bëmë të varfër,
nga këta tre muaj!

Po problemi është,
se kasta e vjetër,
nuk lejon të dali,
asnjë forcë tjetër!

Ndaj e njëjta racë,
do jetë përsëri,
ndaj më mirë në Ferr,
se në Shqipëri!

Po s’i hapëm rrugën,
frymës së të resë,
për nesër-pasnesër,
hiç mos kini shpresë!

A.DUKA
 
Top